رواية چرح المشاعر الفصل 35-36 -37-38 بقلم أمال جوري حصريه وجديده

_ اواه لالا بابا رانا كبيرة تقعد فالطونوبيل حبيتي يضربوهالي بعين ولا _ علاه بابا خليها تجي معانا _ لالا ايناس رانا تقعد فالطونوبيل غلق الباب وراح يمشي وهي في يدو غاضتني عمري شحال معقد الخرجة ومانخرجش لوكان يصيب ضو الشمس منشوفوش بقيت نتبع فيه بعينيا حتى غاب على عيني تهت وسهيت وتفكرت كل شي جاز عليا حتى تفتح الباب طلعت عندي ايناس هازة في يدها شعر البنات رانا هاني جيت _ وينو باباك رد عليا ماللور منعرف واش كان يدير في لامان هاااني هنايا باباها توحشتيني ولا _ علاه نتوحشك اسيدي سقسيتها كي شفتها جات وحدها _ امممم سكت عليه وجا ركب مدلي شعر البنات هاكي كولي _ مناكلش منحبوش _ تاكلي الرهج مالا انا لي طحان رايح نشريلك فيه خسارة هاذي الخمسالاف لي خسرتها على جالك حليت فمي منو منعرف علاه تقلق غاضتني عمري والله صح الراجل هاذا مراهش حاملني كامل راه يتعامل معايا كي شغل خدامة عندو ولا شي حاجة مزال مراهش مأمن بلي أنا مرتو عيط عليا ديييري السنتورة خلينا نديمارو والله وليت درتها وديمارا طريق كومپلي يتأفف ويستغفر ويخلق فالمشاكل نعسني بسماطتو حتى لقيت روحي راقدة مافطنت غير على صوت ايناس ټعيط عليا رانا نوضي رانا وصلنا حليت عينيا بستها وصلنا يا عمري اااا وصلنا ضحكت معايا درت على جيهة ملقيتوش _ وينو مروان معلاباليش وليت حكمتها وهبطت لقيتو عند الرودة يفيريفي فيها وكانت وحد الجماعة تدومن شاف فيا شوفة المۏت ناض ديراكت عندي غلق الباب وشاف فالجماعة هاذيك لقاهم يشوفو فيا سير معرفونيش جديدة عليهم وهو هبل مابقا فيه عقل كي شفتو هكاك طلعت فالطونوبيل ديراكت ناض يعيط عليهم وشبي ق نتوما متفهموش ولا وشنو شحال من مرة نقوللكم متزيدوش تجمعو حدا التواقي تاع الناس بصح محبيتوش تفهمو هيا ارفدو خماجكم ولايتكم خير مانجي نعميلكم هاذوك العينين ديفوايو هنايا شوكاني عندو وحد الشخصية قوية بزاف ولي شوكاني كثر واحد ماهدر معاه رفدو الطابلة تاعهم وراحو ناض يتمتم حل عليا الباب اهبطييي نتييي خير ما نكفر عليك ضكا هبط بنتو بالعقل وانا جبدني من يدي لوكان مشديتش روحي راني جيت على فمي ظفارتيه غرسهم في ذراعي علاه هبطتي اه كلاوك رجليك قټلك اهبطي اه قټلك انا اهبطي _ ااااي اي مروان نحي يدك وجعتني زاد زير على يدي حسيت الډم خرج مني نضت نعصر في دموعي والله بكاني ميحشمش شاف معايا كاش نهار نحشلك رجليك نتيا حكم بنتو من يدها وانا من يدي ورحنا دقدقنا حلت علينا العجوز الدنيا ماوسعتش فرحتها شحال تفرح كي نروحو عندها تبوس وتعاود وترحب وتمرحب مرحبا مرحبا بيكم زارتنا باراكة نورتو الدار جوزو جوزو ډخلتنا للصالو جاو كامل سلمو علينا الحق على ربي فرحو بيا ڨراااف وعندهم ما كبرو بيا
ديري الجام متنسايش
3738
جزء
خاصة نسرين تقول ختها وجات عندها مشي مرت خوها برك نسا سلافي ثاني فرحو بيا شيخي جدهم لاح عليا السلام وراح وخاوتو واحد ما جا سير هو لي قاللهم ماتجوش مهبول كيما هاذاك نتوقع منو كل حاجة جابولنا jus وڨاطو حتمتهم قدما حلوني باه نتعشاو محبيتش اصلا كنا متعشيين فالدار قالي مروان هيا نروحو نبدلو ونعاودو نخرجو رجعتلي عجوزتي ايه بنتي روحي روحي بدلي حوايجك رييحي مالطريق وارواحي ليوم السهرة طويلة ضحكت برك وتبعتو انا وايناس دخلنا لوحد الشومبرة