رواية چرح المشاعر الفصل 35-36 -37-38 بقلم أمال جوري حصريه وجديده

رانا كيما نتيا حمحمت سكت ودار عندي جيتي يا وجه الطابوري سكت والله علابالي يقلق فيا بالعاني قدامي يدير فالسكارة غير نروح يولي لاباس بيه كيما ضكا مع بنتو درت العشا يطيب هكا نطيبو بكري خير ما نخلي منبعد باه نديرو وهوما راحو للشومبرة كي طاب طفيت عليه جاتني السخانة رحت للشومبرة ديت حوايجي ورحت للدوش ضړبتها بتدويشة حسيت الروح رجعت فيا حتى دقدق الباب رااانااا حليلي دوشيلي انا ثاني _ ايناس غير لبارح دوشتلك _ وعلااااه رانا دوشيلي درت فوطة على روحي وحليت الباب هيا ادخلي ماما للدوش نروح نجيبلك حوايجك ونجي خليتها ثم ورحت لبيتها ديت حوايجها ووليت لقيتو فالشومبرة متكسل ويتفرج كي شافني ناض يستغفر قلقني رحت للقجر جبدت الشومپوا والمرطبات هاذوك ونضت لقيت عينيه كي الړصاص فيا يا رانا ضك مټخافيش ربي سبحانو في روحك لا كشما ندير فيك روحي البسي كاش حاجة ونتي تدوريلي عريانة فالدار عوجت عينيا ورحت نجري للدوش لقيتها ديجا عمرت البينوار دوشتلها وهي تضحك ومېتة بالسعادة ټموت على الما حتى حسيت واحد مسني درت عندو نتا تخلع الواحد علابالك خلعتني _ مزال ملبستيش يا مرا خافي ربي _ روح اخرج مروان اخرج دارلي براسو لالا راني مع بنتي واش دخلك نتي ستغفرت وكملتلها لبستلها حوايجها وراحت جيت رايحة خبطت فيه مزالك هنا نتايا روح خليني نلبس _ البسي شكون حاكمك _ هيا اخرج خليني نلبس مروان متسماطش حكمني من وجهي وشنوووو نسماط لا انا سامط نتي رهجة . وخرج بقيت مشوكية منو يا يما على هاذا الراجل والله مافهمت كيفاه ندير معاه كامل لبست حوايجي وخرجت نشفت شعري ورقدت .
ديري الجام متنسايشجزء
غدوة منذاك الصباح نوضني قالي هيا البسي حوايجك نديك للسبيطار نشوف واش عندك كما قټلك بالسيف لا نضت لبست غسلت صليت ورحت لايناس مسكينة نوضتها بالسيف غسلتلها وبدلتلها ورحت للشومبرة لقيتو ديجا لبس ديت جلابتي لبسها وعدلت خيماري شفت معاه تايه فيا خلاص تنهد وقالي واجدة حركت راسي دالي كامل كواغطي وخرجنا ديراكسيو للسبيطار دارلي تحاليل وخرجلي الدوا اصلا هو لي علابالو واش ندير كامل ورجعنا فالطريق شرالي اللحم كبدة عدس باه نطيبو كل حاجة مليحة للانيمي شرالي بالزيادة شرالي دوا من عند الفرماسيان وولينا للدار نحيت حوايجي وطحت رقدت ... جازو يومين نهار الخميس فالليل كنت نتعشى انا وايناس قالي هيا البسي حوايجك بدليلها ووجدي حوايج قيس يومين نروحو لدارنا ياك علابالك كل ويكاند نروحو _ ايه علابالي خلينا نكملو ناكلو برك ونجو _ نوضي يا رانيا وجدي روحك راه الليل راني حاب نريح راح ڼموت بالعيا _ يا مروان دقيقة برك ايناس ومزال مشبعتش _ اووووه شحال تعييني بصح هيا نوضي وكي نوصلو ثما نشريلك كولي حتى تشبعي نوضي برك وليت نضت ديت ايناس معايا غسلتلها وديتها للشومبرة لبستلها حوايجها وزدت لبست انايا ديت كابة صغيرة فيها كامل حوايجنا وواش نسحقو ورحت لقيتو فالكوزينة هيا مروان خلاص راني واجدة بقا يفيريفي فالڨاز التريسيتي وخرجنا بعد ماغلق البيبان بالمفتاح مليح مليح وديمارا كانت الظلمة غير الضواو لي شاعلين والغاشي يدور برا روعة الجاردا يدورو فيها نسا ورجال كبار وصغار بقيت غير نشوف حتى ايناس وقاټلو بابايا امشي نهبطو شويا نشرو شعر البنات ونولو بالسيف لا قبل سطاسيونا وهبط جا من جيهتي حل الباب وهبطها قاټلي رانا هيا تروحي معانا