رواية چرح المشاعر الفصل 39-40 -41 -42 بقلم أمال جوري حصريه وجديده

جا عندي حكمني مذراعي ظفارتيه غرسهم لداخل يدي تبعجت سحبني حتى لاكوافوز حكم تيليفونو منعرف ليمن عيط وانا نحاول نحي يدو ونبكي يدي جرحها واقيلة الډم خرج في يدو سمعتو قال الو صفية مزالكي نايضة ودارو باف _ ايه مروان راني نايضة غير لخير خويا _ ياك نتوما لي رتبتو الخزانة قبل العرس والحوايج نتوما لي درتوهم _ ايه حنايا بصح علاه واش كاين _ وحوايج حنان وين درتوهم _ والله مالقينا وين نديروهم واصلا نسينا باه نسقسوك جابلي ربي نسرين واية خواتاتي داروهم فلافاليز كبيرة جمعوهم كامل وحطوهم فالخزانة ملقيناش وين نحطوهم بصح علاه _ خلاص صفية صحيتي وكوبا دار عندي تخنزر فيا هاااااااه شفتيييييي شفتييييييي ضكا غير تزدمي برك يا دينك غير تزدمي متحوسيش تفهمي كامل خماج طبعني طحت على السرير رفد هاذيك لافاليز وخرج بيها سمعت الزنزلة قامت عليا سير داها لفوق وخپطها على اللرض دار حس كبير كي كان هابط فالدروج سمعت حسو هو وايناس دموعي كانو كي الويدان مسحتهم بالخف هزيت مخدة وجيت خارجة خبطت فيه عيط عليا وييييين راكي رايحة _ رايحة نرقد منهيه حكمني من طرف الروبة لواها على يدو وطبعني على السرير طحت رجلي خبط فالحطبة هاذيك عيطت وحد العيطة وليت نبكي _ بلعيييي فمك ماليوم الرقااااد في شومبرتك ممنوووووع ترقدي خارج لاشومبر هاذي امشي ترقدي خير مانجي ليك نفعص جدك نباصي عليك وخبط الباب قريب كسرو وراح للدوش وليت تغطيت كومبلي حتى وجهي وغطيتو بقيت نبكي بالسكات غاضتني عمري لوحد الدرجة كبيرة بزاف كيفاه عايرني قبيلة حسسني بلي كنت عايشة تحت لرض وكي جا هو خرجني منها كيفاه هدر هاديك الهدرة والله غير تاع الصح وجعتني قاستني الهدرة هاديك والله مابيدي وما درتها بالعاني الله غالب منقدرش نعلم الغيب انايا هو كي يضل يقارن فيا بيها ومزالو يحبها باينة راح نخمم بلي هو لي جابهم وحطهم وين راح تجي في بالي ختو هي لي حطتهم كي سڨمتلي لاشومبر وانا مسبيتوش هكاك برك هو لي يسب فيا هاذيك الليلة عمري خرجت مالبكا محبش يجيني النوم حسيت بيه كي دخل فالفراش بالقوة قريب كسر المطرح ويتقلب