رواية چرح المشاعر الفصل 39-40 -41 -42 بقلم أمال جوري حصريه وجديده

نربط شعري اصلا من عادتي كل مانوض لازم نروح نشوف روحي فالمراية ملي كنت صغيرة لقيت روحي لابسة نويزات المعري كثر مالمغطي شبه عاړية طايحة عليا كامل شواربي منفخين كامل
ديري الجام متنسايشجزء
نخلعت وشبيا يا يما وديجا انا مرقدتش باللبسة هاذي سما لبارح مكنتش نحلم صح هو لي توشاني وزيد لبسني يا ربي هاذا السيد والله مايحشم كيفاه نشوف في وجهو انا ضك كيفاه ديت بيجامة حمرة ورحت للدوش دوشت وخرجت لقيتو نايض ويتكسل ليوم التلاثا ميروحش حتى للحداش يقريهم ويرجع شاف معايا ودور وجهو حتى انا مشفتش كامل فيه بقيت نشف في شعري بالسيشوار وهو يحوس على السبة باه يتضارب معايا حتى عيط عليا خلاااااص طفي جدو الرهج هاذا والله صدعني وهو يعيط وليت طفيتو ومشطت شعري درتو طوماطيشة وجيت خارجة اقسم بالله العلي العظيم غير تقول ماراكي مرا كامل استغفر الله شفت معاه وخرجت يروح يرنك والله طيبت الحليب شربت وخليتلو ثما رحت نوضت ايناس غسلتلها فطرتها وخليتها معاه وانا درت الغدا ليوم حتى يتغدا باه يروح درتلو غداه وحطيتو مع غدايا انا وايناس حتى جا دايرها على رقبتو وانا مهدرش كامل معايا راه متجاهلني هاذا النهار جاز عليا شحال من مرة محكاش كامل معايا تقول بوطو تغدينا وهو ساكت يايما الحمد لله لوكان غير يسكت ولا يتعڨن هكا مينبا نريح شويا من لسانو الچارح غير الكلام لي سمعهولي لبارح حسابو عند ربي بصح راني نلايملو فيهم مليح مليح وراني نحسبلو فيهم بالوحدة كي يتعمر الكاس ويفيض نشوفو شكون يولي يحلل في لوخر لا انا ولا هو ويا والله لا مخرجتلوش عقلو منيش رانيا بنت محمد ربي يرحمو راح لبس باس بنتو وخرج مولاش حتى للعشية كيفكيف الهدرة ولا الخزرة مخزرش فيا شغل منيش نبان كامل بعثلي ايناس جات عندي قالك بابا حطيلي ناكل وارواحي مديلي حوايجي سكت حطيتلو ورحت جبدتلو حوايجو حطيتهملو وخرجت درت كاسكروط وبقيت ناكل وهو مزال مجاش كامل تفكرت لافاليز تاع البارح كي طلعها الفوق والله نروح نشوفها كلاني الفضول وليت طلعت الفوقا هاذوك الديار مزال كامل ماراهمش مكملين مزالو بالسيمة مفيهم والو مبنيين برك حتى الضو ومكاش درت ضو التيليفون لقيتها مليوحة في وحد لاشومبر منعرف علاه حسيت روحي بالغت كي درتلو هكاك وضلمتو بصح كي تفكرت هو ثاني كيفاه ضړبني ودارلي ليجاست هاذوك كرهتوا كامل الله لا يردو نشاله يعطيه كسرة فاليدين هاذوك ميحشمش لوكان مشي شويا غير هو يضرب وانا نضرب بصح معليش خليه كل خطړة راني نحلف ونعاود معليش معليش سمعتو يعيط باقصى صوتو الدنيا زلزلها وصوتو خشين يخلع الواحد راااااانياااااااااااااااااااااااااا هبطت نجري فالدروج هاذيك حتى رجلي دارت. قريب طحت مزية