رواية چرح المشاعر الفصل 39-40 -41 -42 بقلم أمال جوري حصريه وجديده

لا حكمت فالحيط وليت نمشي ونعرج رحت عندو قتلو وشنووو وشنوووو خلعتني _ وييين كنتي مالصباح ونا نحوس عليك وين كنتي _ واشبيك وين راح نروح كنت لفوق برك _ وانا وين علابالي مريضة كيما نتي نتوقع منها كلش _ اشو_ سكت عليا وراح ياكل امشي تاكلي _ كليت مناكلش _ تاكلي الرهج أيا مروان وشبيك بصح كشما قټلك ياك قټلك كليت _ شوفي لا نتي نسيتي واش صرا لبارح انا منسيتش و هاذاك الكلام لي قلتيهلي والله مانسيتو _ هاهاهاها محڨورتي يا جارتي ونتا قليل ما قلت راك ديكسيونار تاع المعايرات كامل جبتهولي بالإضافة إلى المعايرات اليومية والكومباراتيف هاذوك خلاص ولاو روتين وشيء ضروري _ ناض ينفخ في صدرو ويتكسل والله خفتو جبد موس خلعني يا يما قلبي حبس انا علابالي كشما راح ېقتلني قلت السيد واقيلة هبل حتى شفتو يقطع في وحد التيو تاع ڨاز زيادة طيش الموس هاذاك وهز التيو دارو في وجهي راكي تشوفي في هاذا ياو هاذا تاعك يا رانيا زيدي حلي فمك لا راكي مرا حلي الفم المشرك تاعك ونتفاهم معاك باسكو نتي محبيتيش تترباي على روحك بصح انا نربيك زيدي اهدري اهدري ضكا اهدري حلي فمك سكت حقيقة والله وليت نترعد مريض غول وحش عملاق يخوف كي يحمارو عينيه يبان مزاطلي ولا راه ضارب كاش حبة ااااااا سكتي ضكا سكتي ايه عندك الحق تسكتي باسكو تزيدي تهدري عينيك نجبدهم لحمك نزرڨو راح حطو فالبيبيوتاك تاع ماعن ايوه هاذا تاع رانيا تزيدي تغلطي تخلصي بيه وراني سير بلي راح يذوق لحمك بقيت غير نشوف وليت رحت لايناس وخليتو قلتلها واش راكي ديري ماما _ والو _ متاكليش _ خفت من بابا مالبارح وهو زعفان ويعيط وضكا شفتو راح يضربك بالعصا _ لالا ماما باباك ميضربنيش كان يلعب معايا برك هيا ارواحي تاكلي _ لالا رانا راني شبعانة راني حابة نلعب _ هيا صحيتي بنتي العبي خليتها تلعب ورحت للصالو نتفرج مالقيت ماندير وهو رايح جاي فالكوروار هاذاك كي ملقا مايدير ناض يعيط عليا واش امولاتي نجيبلك شيشة راني نشوفك رجل فوق رجل نووضي اغسلي الماعن ونتي مخليتهم مبرزعين فالكوزينة نوووووضييي ومنا وجاي التسعة التيليفيزيو ميزيدش يشعل خسارة فيك تريسيتي لي تروح سمعتي بقيت نشوف فيه
ديري الجام متنسايش
يتبع