رواية چرح المشاعر الفصل 48-49-50 بقلم أمال جوري حصريه وجديده

مشي بعيدة بزاف سبحان الله مالبعيد شفت قبر بابا شفت النور خارج منو غير شفتو دموعي ساحو وصلنا ليه قريت عليه الفاتحة ودعيتلو بالرحمة من اعماق قلبي مسيت تراب قبرو وبكيت تاع صح بكيت تاع صح انا يتيمة تاع صح حڨروني وحقرني كي جا بابا مېت وكي جيت يتيمة وباردة لكتاف محبيتش نوض حتى نوضتني ماما بالسيف وولينا للدار كتائبت تاع صح جيت باه نحي على خاطري عشيت منارفية ومقلقة حتى لليل عيطتلي ايناس قاټلي توحشتك حكيت معاها شويا وكوبيت زدت قصرت شويا مع ماما ورقدنا للصباح جات تنوض فيا تفكرت يامات العزوبية والله روعة امممم اماما هاني نضت _ واقيلة في دار راجلك متنوضيش حتى للثناش كي جات دارك وحدك أيا نوضي عند عقيلة السبعة تكوني فاطنة _ والله يا ماما غير نوض معاه على الستة نوجدلو ويروح يخدم وسوايع نكون نعسانة نكمل نرقد للتسعة نوض ندير شغلي _ هيا مهم راه جا راجلك نوضي عندو نضت كيما راني نتكسل ودخلت للصالة لقيتو قاعد رجل على رجل ومتكي ظهرو على الفوتاي قريب قتلو مولاي بقيت نتكسل قدامو ونحك في شعري كي المهبولة بقا حال فمو فيا درتلو براسي وشنو _ يا اعوذ بالله من الشيطان الرجيم بليس ولا نتيا لاه راكي دايرة هكا روحي اغسلي وجهك الريوڨ راهم يسيلو العمش ريحة نووم راكي تغيلفي هكا تجي عندي بقيت كيما راني واش جابك علاه صبحت عندي توحشتني ولا
ديري الجام متنسايشجزء
_ ياك قټلك صباح ربي نصبح عندك وماتروحوش تنحو زيتون هاذا راني مرحتش للخدمة _ وانوستي وين راهي _ انوستك راهي عند جداها _ عند يما ولا عند جداااها تاع اااا _ عند جداها تاع يماها مشي يما حركت راسي وبقينا نشوفو في بعضانا واش تشوف فيا مروان اشو _ والله والو خلعتيني برك تقول عمي صالح راه واقف قدامي _ اووووووه راك كثرت فيها خطړة جلول خطړة جعفر خطړة لخضر خطړة صالح واش باركينڨ ولا شاه _  وعماتك يكونو وصلو راحو مع الفجر _ يا ماما مروان راح يجي معانا قالك نجرب نحي معاكم زيتون _ ناضت تضحك ايه مرحبا بيه اسيدي ازربي روحي البسي وليت رحت لشومبرتي لبست روبة قديمة كابيل منحتاجهاش ولحت حجابي مالفوق والخيمار وخرجت لقيتو هو وماما يقصرو قلتلها وينو البوت تاعي نلبسو _ شوفي لفوق حركت راسي ورحت نحوس عليه كي لقيتو لبستو ورحت عندهم هيا
امشي راني واجدة _