رواية چرح المشاعر الفصل 48-49-50 بقلم أمال جوري حصريه وجديده

دخلت ثما لقيت ماما وعماتي لداخل كي شافوني الدنيا ما وسعتهمش بقينا نتعانقو بالاك عشر دقايق وحنا غير نتعانقو حتى سمعت صوت ماما ترحب بيه خليني منو والله واش ارانيا عاش من شافك واقيلة ملي تزوجتي ماشفناكش _ الله يسلمك حتى نتوما عاش من شافكم كيفاه الحالة لاباس _ والله غير الحمد لله كيفاه مع راجلك عجبك الحال ولا والو _ والله لاباس نورمال كيما اي متزوجين كاين مشاكل وكاين الحلوة _ الحمد لله هاذيك هي روح العشرة _ والله صح هاذيك هي جات عندي ماما هيا رانا ارواحي راجلك يعيط عليك _ ونتي تاني تعيطيلي رانا _ يا ودي هو لي قالي عيطلي لرانا وانا واش نديرلك ناضو يضحكو قاټلي عمتي رانا ياااه راه مقلشك سي مروان قلتلها في قلبي لالا مقلشني ورحت عندو اشو _ مهم رانا ني رايح ضكا وغدوة نشاله نجي الصباح نديك _ مروان قټلك رايحين نحو الزيتون سما ارواح فالليل كامل _ نورمال نجي نحي معاكم مكاش مشكل _ ومتخدمش دارلي بكتافو نورمال قتلو اوكي مالا غدوة نشاله بقا يشوف معايا درتلو براسي اشو بحركة سريعة حكملي وجهي بين يديه باسني بوسة ثقيلة من فمي وقالي أيا باي الحب انا نروح وراح بقيت مسمرة هادي المرة الدوزيام لي يقولي الحب واقيلة راه يحبني اواه لالا غير منحلمش بزاف اصلا ماتبدل فيه والو بقا كيما هو مروان هو مروان بصح والله يا حقي غير نجيبو منو بالدوبل والتريبل ومخلوفة من عند رانا نشاله ورحت عندهم بقينا نقصرو وهوما يسقسو فيا على دارهم كيفاه جاوني وكيفاه عاملوني وهو كيفاه يعاملني حقيقة ماهدرت والو خصوصياتي منهدرهمش كامل عاونت ماما فالغدا وحطتلنا تغدينا كامل مع بعض في رحبة والقصرة دايرة حالة نسيت كل حاجة يايما دارنا ودار بابا غير دخلتها شميت ريحتو وتفكرت كل حاجة جوزتها معاه جا خويا كي شافني قريب مصدقش عنقني ويدور فيا مهوش كبير عليا بزاف عندو 30سنة كي كنت صغيرة كنت متقربة ليه بزاف برك كي كبرنا لي فرقونا على بعض يقولك غير يبلغو فرقوهم على بعضاهم الله غالب هاذي هي سنة الحياة كي صلينا الظهر قاټلي ماما نروحو لقبر باباك نزوروه انا وياك وعماتك عيطي لراجلك قوليلو راني رايحة وليت رحت للشومبرة غلقت الباب وعيطتلو ثم ثم هز عليا تقول كان يستنا فيا واش رانو توحشتيني واقيلة هادا وين كنت معاك يايما والله ماعرفتو ياك منيش غالطة هاذا مروان ليوم مسبنيش ومعايرنيش بالعكس قالي رانو راه قلشني _ مروان رانا كامل رايحين لقبر بابا نزوروه مهم عيطتلك باه نعلمك _ اوكي روحي بصح متبطايش _ معليش صحا وكوبيت عليه لبسنا
حوايجنا ورحنا للمقپرة