رواية چرح المشاعر الفصل 51-52-53-54-55 بقلم أمال جوري حصريه وجديده

رواية چرح المشاعر الفصل 51-52-53-54-55 بقلم أمال جوري حصريه وجديده 
جزء
جا نهار المولود نضت الصباح رحت للكوزينة دلكت المسمن وخليتو نوضت ايناس فطرتها وديتها دوشتلها ونشفتلها شعرها وخليتها تلعب سيقت الدار كامل ونظفت كل حاجة الفراشات كامل بدلتهم وهويت الحالة رحت درت غدا خفيف تغديت انا وايناس وغسلت الماعن اذن عليا الظهر جيت نصلي لقيت الانسة الحمراء وصلتني جاني في بالي الحمل راني طولت بزاف راني في سبع شهر ولا فايت ومزال مابان والو بصح واش دخلني خاصة من مرواني تفقدت ايناس ورحت للكوزينة نكسل فالمسمن هاذاك ونطيب فيه العرق ولا يسيل عليا بالسيف لا كملت باه رحت زدت وجدت المرقة تاع شخشوخة وخليتها تطيب ودخلت للدوش مطولتش مهم نحيت العرق برك خفت على ايناس كشما تدير وخرجت نشفت شعري ولبست روبة شابة وحكمت شعري بكراب نفحتلي نماكيي شويا درت حاجة خفيفة ورحت للكوزينة طفيت على العشا وقعدت نتفرج مع ايناس حتى دخل عليا اوووو ليوم جا بكري جا مع المغرب راحت تجري عندو ايناس وحد صاشي وشاف معايا واش واقيلة مرانيش نبان _ ايه مراكش تبان _ يخي صوصيال يخي عوجت عليه عينيا وكملت نتفرج راح وعاود ولا درتي شخشوخة _ ايه _ حاشا نعمة ربي جات كي الرهج تقول طيبتي برجلين الجاجة مشي بيديك _ جات لاباس بيها واش خصها _ خصها كلش زعمة تعرفي تطيبي نتيا والله والو لوكان نقول لايناس تطيب تطيبها تهبل _ ايه متاكلش مالا _ والله تنوضي تديري حاجة واحد اخرى وانا واش ناكل الخالوطة لي درتيها _ واش خدامة عندك واقيلة انايا نطيب زوج مرات نغسل زوج مرات نعشي زوج مرات ونتشتم الف مرة واقيلة راني خدامة عندك _ ايه خدامة مالا واش راكي حاسبة روحك كي مراكيش خدامة شفت معاه عيط عليا نوووضي واش تحوسي نضت نخبط في رجليا 

يا البلا جيني ولا نجيك ماعرفتش واش نطيبلو وليت درتلو موشطو فايرة بزيت زيتون وسلاطة فيها كل الخضرة النيئة كي اذن المغرب وجدت الطابلة وهو صلا وجا شاف واش طيبتلو ذاق وقالي اممم مناكلش عجبتني الشخشوخة ناكل منها وليت غير نزير على سناني يدير فالسكارة تعشيت بالقلقة لابيتي غلقهالي كي كملنا غسلت الماعن وهو خرج مع ايناس ديما فالليل يخرجها شويا برا كي جات متخرجش كامل مالدار وانا كملت غسلت الماعن ونظفت الحالة مسحت الدنيا بالنشاف شفت وحد صشي فوق الفريجيدار لي جابها قبيلة جبدتها لقيتو جايب صوالح تاع المولود حلوة الترك والحلقومة ماييز كوكاو تفكرت يامات زمان باه ديتهم للصالو وجدت الطابلة عمرتها بيهم ورحت للكوزينة كنت ندير في لاتاي يطيب حتى حسيت بومبة ضړبت مورايا عيطت فزعت للسما والبليغة لي كنت لابستها تزلق وكان الزلق فالكوزينة ضړبتها بطيحة ظهري تقسم لاريال تشقت كان هو وايناس طرطقو عليا محيرقة وهو كي طحت جاتو على قلبو ويضحك عليا مالاعماق والله ما قدرت نوض وكي بقا يضحك عليا هكاك غاضتني عمري ومالوجع نضت نبكي بالصوت وهو طرطق بالضحك ماقدرش يسكت انا نبكي وهو وبنتو يضحكو عليا ويتنمرو جيت نوض زدت طحت يايما ليوما نهار تاع طيحات كي شافني نبكي من قلبي جا عندي مسني من ظهري باه ينوضني عيطت ولا هزني واشبيك بصح مكانش علابالي بلي كي تتخلعي تطيحي هيا خلاص اسكتي _ مروان علاه بصح زوج مرات وانا نطيح _ يخلاص خلاص ارانا