رواية چرح المشاعر الفصل 51-52-53-54-55 بقلم أمال جوري حصريه وجديده

خلاص وشبيكي تبكي كي الذراري الصغار قټلك النهار اللول نربيك مع ايناس ولا لالا نضت نمسح في دموعي ويهدر حتى ناض ايناس تعيطلو باه يهزها داني للصالو حطني على الفوتاي خلاص اقعدي اقعدي ريحي شويا وانا نجيب لاتاي وراح بقات ايناس تاكل مالطابلة وانا نشوف فيها الله لا تربحك امروان عوقتني حتى دخل عليا وفي يدو سنيوة تاع لاتاي حطها تفكرت الحنة كانت تديرهالنا ماما 
بكري كي كنا صغار نضت نمشي ونعرج وهو يضحك عليا قلقني قالي لوكان اااااااا ميصرالكش هكا حليت عينيا والله ما يحشم البنادم هاذا على روحو رحت للقجر لقيت باطة مزية جبتها معايا نهار عرسي خلطتها بماء الزهر وديتها رحت عندهم لقيتهم ديجا ياكلو وهو يصور فيها في تيليفونو ايناس ماما نديرلك الحنة _ ايه ماما ديريلي نحب الحنة انايا ضحكت حكمتها ودرتها في حجري نديرلها ونغنيلها فغنية المولود يا طيور لي طارو لي طارو فالسما عندو دارو عندو دارو يا حجاح بيت الله لا شفتو رسول الله شفناه وريناه في مكة خليناه يما يما كحليلي بالمرود نخرج برا نشوف سيدي محمد يدو حمرة بالخواتم والحنة طيري جنة طيري جنة 
ديري الجام متنسايشجزء
شفت معاها وضحكت عجباتك مااما. _ شابة بزاف شفت معاه عينيه فيهم اللمعة ويبرقو ومفيكسيين فيا دقيقتها نطق تقول حمار راه يصهل _ حاشاك صوتي شباب شفت مع ايناس ماما صوتي عجبك ولا لالا بقات تشوف في باباها درت عندو لقيتو يقوللها قولي لالا لالا عيطت عليه مرواااااان ناض يضحك قلتلها قوليلي ماما عجبك صوتي حركت راسها بايه ضحكت معاها وحتافلنا بالمولود يعني مشي حتافلنا اصلا يقولك مكروه ولا حرام مي باش نفرحو بيه برك تصورنا في تيليفونو كامل وهو يعلق على تصويرتي ويقولي خرجتي كي الزومبي وووو حتى تقلقت عيطت عليه ورحت للشومبرة المشكل عندو لسانو موس حتى و كي يكون يقصر يستفزك ويقلقك حتى يبكيك دخلت للدوش غسلت بدلت حوايجي ودخلت فالفراش ومزالني نسمع في صوتو يقصر مع ايناس حتى داتني عيني مافطنت غير على صوتو ينوض فيا رانيا رانيا نوضي حليت عينيا اشو _ اسمعي باش نعلمك برك غدوة راهم جايين صحابي نعرفهم مالحومة يطلعو معايا الياجور للايطاج الثاني بالاك نبدا نبني فيه ونكمل البنيان تاع الشنابر لي مزالو _ ايه وانا علاه راك تقولي  _ ايه معليش غدوة ساهل خليني نرقد راني مريضة دار وجهو في وجهي منين مريضة _ واش دخلك نتايا حاجة تاع نسا ناض يضحك خلاص فهمتك دخلت فالفراش مالحشمة حتى للصباح نضت على صوت خواتاتو شفت مع ساعة الثمنية تاع الصباح دخل عليا لابس لبسة قديمة جاني الضحك عليه هاذا هو الحطة والبريستيج ولا يبان كي الطلاب لوكان مشي خفت منو عود يفعصني غير نقولو راك كي طلاب كي المتسول في الشوارع كي شافني نايضة أيا مزية نضتي جيت باه نوضك مهم الخدامين راهم جاو رانا بدينا نطلعو وخواتاتي راهم مع ايناس اغسلي واخرجي ليهم وراني شريت سكالوپ اقليه مليح وديري كباب ولا دولمة مع فريت اوملات وسلاطة مهم استيكيها مليح وحطي فالصالو هكا _ اوكي مكاش مشكل حرك راسو وخرج نضت غسلت وجهي مشطت شعري ولبست روبة شابة وخرجت سلمت على خواتاتو قصرت معاهم شويا ورحنا للكوزينة تعاونا كامل مع بعض عجبني الحال خواتاتو هايلين