رواية چرح المشاعر الفصل 51-52-53-54-55 بقلم أمال جوري حصريه وجديده

حتى صفية كنت دايرتها مشي مليحة مي ظهرت هاذيك هي عقليتها وهي هكاك دايرة بصح تقصر وتضحك وعجبتها نورمال فاميلتو سكر في سكر غير هو رهج خارج لجدو درنا الكباب وحمرنا سكالوب وشبحنا السلاطة وبدينا ندو نحطو فالصالو كنت فالكوزينة نوجد فالغدا تاني وجيت نجبد الملح من فوق فريجيدار طاحو وحد الوراقي وزيد طاحو فالما تشمخو كامل حتى دخل عليا قتلو هاذو وراقيك جا شافهم ناض يعيط عليا علااااه علاااااه تشمخي فيهم _ ونتا كاين لي يدير وراقي يحتاجهم فوق الفريجيدار _ واش دخلك حلوفة نحتاجهم _ حلوف وحدك يايما علاه تسب فيا احتارم نفسك مبجق خبطني بكف زيدي حلي فمك واضربيني خير زيدي _ روح امروان الله يعطيك كسرة فهاذيك اليد الله يعطيك كسرة مسڨمة نشاله حكملي يدي عوجهالي حتى عيطت باه طلقني تخنزر فيا هز الورق تاوعو وخرج يتمتم وحدو حتى خواتاتو ونخلعو فيه قالولي وشبيه حكيتلهم _ علاه هاذا المهبول الناس يهدرو عليه مريض مريض تعرفي وعندو لسان الله يبارك انا نفضل يضربني ومايهدرش ومايعايرنيش كان مهبلنا كي كان عايش معانا يضل يعاير بالعاني ويعلق ويستفر بالعمد _ سما معاكم ثاني مشي غير معايا برك _ احييي مروان مريض في راسو يا رانيا والله وقلوقي بزاف وعقليتو هكاك لازمك تسڨميه نتي دبري راسك كيفاه تريڨليه نتي لي راكي مرتو ربيه ضحكت وقلتلها في قلبي راهي جاية فالطريق نشاله راهي جاية فالطريق متخميش كي كملو تغداو رحنا هزينا الماعن جبناهم للكوزينة تغدينا وبقينا نغسلو فيهم حتى عيط سلفي لاية منعرف واش قاللها وجات عندنا وجهها صفر _وشبيكي اية وش كاين _ خويا مروان مروان زلق طاح من فوق الدالة على البريك والياجور هاذاك كامل عيطو وشنووووو ووين راه ضكا _ طلعوه للسبيطار خرجو كامل يتجاراو وانا بقيت نطلع في حواجبي وعاجبني الحال ونخبط في يديا تاع شح شح شح شح شح شح دعوتي خرجت فيه دعيت عليه ربي خرج في دعوتي حسيت روحي درت انجاز عظيم ياو شححححح امروان شح كسرة نشاله كسرة شحححح ..... يتبع
ديري الجام متنسايش جزء
جات ليا صفية مخلوعة رانيا البسي البسي نروحو نلحقوه راه فالسبيطار يايما هادا وين كان لاباس بيه اجري مالقيت مانقول بصح جات على قلبي دعوتي لحقاتو في زوج دقايق جات عندي ايناس تبكي صح بابا طاح وراح للسبيطار حكمتها عندي لالا لالا مطاحش ومشي هو لي طاح برك راح للسبيطار ياك هو يخدم ثما هيا بنتي نلبسلك ونروحو عندو ديتها لبستها خف خف ومشطتلها ورحت لشومبرة لبست جلابتي والخيمار رميتو غير هكاك برك ورحت ركبنا كي السردين فالطونوبيل هاديك وديمارا كامل كانو خايفين عليه يعني تاع صح جاتني على قلبي ودعوتي خرجت فيه بصح غاضني حتى وصلنا للسبيطار كامل هبطو يجرو غير انا مهبطة ايناس في يدي ونمشي ونتكسل والله يا مروان تزيد تغلط ندعي عليك حسيت روحي دراغومبول ولا باتمان ولا كاش بطل هكا حتى وصلنا للشومبرة لقيتهم كامل لداخل محبيتش ندخل حتى يخرجو علابالي بيه ميحشمش وكشما يهدر خليت غير ايناس دخلت عندو حتى خرجو كامل شافت معايا اية روحي شوفي راجلك مسكين روحي ذراعو دڨدڨ شفت معاهم دخلت وغلقت الباب لقيتهم مدايرينلو البلاتر في ذراعو شحال غاضني مالڨري كامل واش دار فيا بصح غاضني الله غالب القلب لحمة رحت ليه نمشي ونشطح ونسفق ونطلعلو في حواجبي وصلت