رواية چرح المشاعر الفصل 51-52-53-54-55 بقلم أمال جوري حصريه وجديده

 _ ارواحي رانيا ارواحي لهنا قټلك رحت نمشي بالعقل مروان والله نوكل عليك ربي والله ندعي عليك والله بقا يشوف معايا كي قريب نوصل عندو جبدني من يدي بيدو الصحيحة بصح حلوف الله يبارك هادا تكسر من يدو وراه ينڨز كي العود لوكان انا راني مالفراش منضتش بقا يشوف معايا علاه درتي هكاك علاه علاه رحتي ليها علاه تتقلقي بالخف ارانا وعلاه ياو كنت نتمسخر معاك برك علابالك صح نشوف في ڨصبات كيما هادوك نخلي زين الغالي ونشوف فالصوصيال انا نحب غير الحاجة الغالية _ ايه يا سيدي نقولو كنت تتمسخر برك ومكاش منها بصح شحال من مرة نشوفها هكاك تتعوج اووو ياسيدي ياك علابالها بلي أنا م ر ت ك انا مرتك مالا تحتارمني وتديرلي بلاصة هي في حضوري تتعوج وتوري في روحها قدامك هادي المرة الثالثة يا مروان بزاف _ امممم غيورة خلاص ڤضحتي روحك _ والله مشي غيرة ولا كاش حاجة علاه حتى نغير عليك الانسان يغير على لي يحبو وانا وياك منحبو بعضانا منحملو بعضانا كيفاه تحبني نغير عليك برك لازم الواجب هادا مكان وكل واحد يدير قيمة لخوه _ امممم معليش بصح واش قلتيلها راني شفتك تغلي وتطلقي فالړصاص القبائلي عليها _ كل انواع الشتم سبيتها بيه تعرفي بلي مريضة في راسي واي حاجة تتوقع مني _ ايه نعرفك علاه منعرفكش زعمة ملي عرفتك ونتي طوايشية في كل حاجة
ديري الجام متنسايش جزء
وبعد عليا بقيت مسمرة وحد المدة باه درت لقيتو متكي فوق السرير ومغمض عينيه وليت نحيت صاكي وقعدت فالكرسي نشوف فيه حتى دخلت ايناس جات تجري عندي ماما وشبيه بابا علاه راهم دايرينلو لبيض في يدو _ راه مريض اماما بصح ضك يبرا نشاله فتح عينيه شاف معايا شفتي الناس تاع الصح لي تخاف عليا مشي كيما نتي غير ډخلتي ډخلتي عاجبك الحال وفرحانة كسرتي بخاطري علابالك بقيت نشوف معاه والله غاضني وحسيتو شيء خارج نطاق التربية مروان مروان يا مروان شوف ليا برك دور وجهو بالسماطة واش تحوسي _ والله كنت نڨصر معاك برك والله اسمحلي _ ايه خلاص معليش سكت مالقيت مانقولو بقينا هكاك حتى دخلت عجوزتي ونسا سلافي وسلافي وشيخي وجدو جاو يجرو عندو يماه مسكينة الدمعة في عينيها غير تسقسي على حوالو وياك مصرالك والو ومشي حاجة كبيرة وباباه غير سالامات سالامات وجدو كيف كيف شويا هكا باش تولهولي اااا رانيا راكي هنايا حركت راسي ونضت سلمت عليهم بالواحد سقساوني على حوالي وحوال دارنا ودارو عندو كملو يسقسو فيه وانا قعدت وايناس في حجري كانت نعسانة مېتة مسكينة كي شافتها عجوزتي هكاك سقساتني اذا انا لي راح نبات معاه _ ايه باينة انايا خالتي _ مالا ايناس هاتيها نديها انايا _ ايه معليش _ مهم غدوة نشاله نجو نلقاوكم فالدار باذن الله حركت راسي وتبسمت معاها بقاوني على خير داو ايناس وراحو بقيت غير انا وهو شاف معايا ارواحي عندي _ علاه نجي _ ارواحي برك وشبيكي رحت نمشي بالعقل قعدت على شط السرير بقا يشوف معايا بصح علاه دايرة هكا نتيا علاه _ كيفاه دايرة _ ماتشبهي لوالو وجهك وجه قرقابو النسا لي شفتهم كامل شابات