رواية چرح المشاعر الفصل 51-52-53-54-55 بقلم أمال جوري حصريه وجديده

غير نتيا تقول مخدومة مالقصدير _ معليش راه عاجبني زيني خليه _ علابالك تغيلفي في وجهك تقول حبة طوماطيش خاسرة _ مروان احتارم نفسك _ علاه راني نكذب واقيلة _ ايه باينة راك تكذب و هادي الغيرة تنطق جمل _ ضړبني ليدي انا جمل نضت طرت فيه واش تحساب في روحك نتايا كامل من كلش ولا اشو نتا كي تعلق واحد مايحكي معاك وانا كي نهدر ما يعجبكش الحال سما نتا انسان ولا شاه _ ايه _ قتلو وشنو ايه _ نتي حيوانة والحيوان برك لي ميفهمش _ انا حيوان _ اممم شفت معاه والله ما تحشم امروان روح برك راه جاي نهارك ورحت قعدت على الكرسي ودورت وجهي عليه قدما سيا يحكي معايا محبيتش وانا سامطة على الرهج حتى لليل عشيتو بالسماطة حتى هو وتقلق وقالي مناكلش لايمت كل حاجة فالصاشي وقعدت سماطة رهج الكونيكسيو ومكاش کرهت والله وهو راقد قدامي وليت عدلت روحي فالكرسي هاذاك ورقدت مافطنتش حتى للصباح على صوت الطبة حليت عينيا لقيتو مزالو راقد محبيتش نوضو شويا هكا وحل عينيه شاف معايا ناس تصبح على الوجوه البريئة وتنشط غير انا نصبح على الوجوه البشعة لي يفشلوني _ مروان بدينا بعد بقا يتكسل حتى دخل الطبيب دارلي براسو هبطي راسك سمعتو قالو واااش مروان لاباس الحالة أيا نشوفلك رجلك باه تخرج نشاله جا منعرف واش بقا يخربلو في رجلو شاف معاه ونصحو قتلو في قلبي زعمة حتى تنصحو حتى هو طبيب كيفك حنا هكاك ودخل سلفي صبح علينا وقالو أيا لا تخرج باه نروحو حرك راسو وخرجو بقيت معاه غير انايا رحت عندو عاونتو نوضتو لبستلو الفيستا تاعو قالي ديريلي الشابونة درتهالو ولا يبان كي الكلوشار كي جات نوار هزيت الصواشي هادوك دار يدو على كتفي ومشينا لقينا سلفي عند الباب مشا معانا حتى للطونوبيل طلع هو القدام وانا اللور وصلنا حتى للدار عاوناه دخل للشومبرة تكسل وسلفي كان راح وليت نحيت الحجاب والخيمار لبست روبة خفيفة ورحت للكوزينة لقيتها مرمدة كيما كلاو الخدامين لبارح وكانو كملو طلعو الياجور كامل درت طابلية شمرت على يديا وتكلت على ربي هاديك الكوزينة نقيتها من الالف للياء غسلت كل حاجة كي كملت قلت ندير كاش حاجة للغاشي علابالي يجي سبحان الله غير المرة لي فاتت بنتو دارت لوبيراسيو ولبارح هو طاح وتكسر المرة الجاية نزيد نهبل انا جبت الدوزان درت بسبوسة وحلوة الطابع بالسيف لا كملت حتى سمعتو يعيط عليا رااااناااااااااا انا قلت السيد كشما صرالو ولا طاح ولا كي رحت عندو قالي جيبيلي المخدة _ مروان المخدة راهي قدامك لوح يدك الصحيحة تجيبها _ نفحتلي تجيبهالي رانيا تساليني هيا جيبيهالي وديريها ورا ظهري واشعلي تيليفيزيو ديري MBC2 وطفي الضو وسكري الباب وعفطي عليا ومديريش الحس بزاف راني عيان بقيت نشوف معاه _ ايييهيييييه الله الله امولاااااي كاش اوامر وحد اخرى ولا مكاش _ هادي الساعة مكاش وكي يكون كاين راني نعيطلك متخميش شفت معاه شحا يدلل كثر من بنتو يايما هادا الشهر صحتي تروح معاه
ديري الجام متنسايش
يتبع