رواية چرح المشاعر الفصل 56-57-58-59 بقلم أمال جوري حصريه وجديده
غير ليوم وين ديسيداو _ والحلوة وقتاه يديروها _ قالك يكمونديها مهم وجدي الحوايج والكابة باه غدوة نروحو عندهم حركت راسي بايه كي كملنا غسلت الماعن ورحت للشومبرة وجدت كابة درت فيها كلش حتى اللبسة لي نلبسها وماكياجي كامل . الصباح نضت صليت انا ومروان لبسنا وزدت لبست لايناس حوايجها وديمارينا ماوصلناش حتى للثناش هبطنا ودخلنا لقينا الغاشي شويا نساب سلفي وعمات مروان ووحد العجايز خواتات عجوزتي سلمت عليهم كامل خالات مروان معرفونيش حتى قالولهم مرت مروان قريب هبلو عليا غير الله يبارك الله يبارك بنت محمد كبرت وشفناك مين كنتي صغيرة وضكا الله يبارك وليتي كي الغزالة ماشاء الله عندو وحد الزهر مروان يكسر الحجر بقيت غير نضحك قتلوني بالضحك حتى جات صفية دارتلي بيدها ارواحي ستسمحت منهم ونضت قاټلي واشبيكي قاعدة كي الضيفة اسيدي ارواحي معانا راكي من الفاميلية _ لا والله هادا وين جيت وبقيت قاعدة مع خالاتك رحنا لقيناهم كامل فالكوزينة يديرو فالغدا قلتلها وين نحط كابتي _ للشومبرة تاعكم كي تجو هنايا واصبري نمدلك المفتاح تاعها باسكو خالاتي وين يلقاو يحطو ولاد ولادهم طرطقتني بالضحك مدتلي المفتاح ورحت دخلت وغلقتو جبدت الحوايج لبست جبة لحت الخيمار مالفوق وخرجت لعندهم عاونتهم فالغدا تغدينا كامل وايناس تاني مغفلتش عليها خلاص وغدوة مينداك فالليل ستفنا الحلوة كامل لي راح نمدوها للغاشي بالسيف لا كملنا باه رحت للشومبرة لقيتو مع ايناس يلعب معاها ويضحكو كي شافني قاللها كنا لاباس بينا جاو وحد العباد زادو علينا الغمة خنزرت فيه ورحت لبست بيجامة ودخلت فالفراش كنت نعسانة بزاف وعيانة وهوما يهززو فيا ويقلقو فيا بصح من كثرة العيا رقدت مانضتش حتى للصباح لقيت مروان مكاشو وايناس راقدة قدامي هاديك هي صليت صلاتي ولبست روبتي خيماري وهبطت التحت لقيتهم ناضو ويسربو فالحليب عاونتهم فالغدا باه يغدو الغاشي واياد وليد سلفي داوه باه يختنوه كي تغداو غسلنا ماعن الغدا شفنا الناس بداو يجو طلعنا انا ولبنات للشومبرة تاعي وكل وحدة جابت ماكياجها وحوايجها وجينا للشومبر واش خيرت تلبس وانا عجبتني وحد روب كابيل جاية في لبيض وعريانة فلكتاف وجاية مزيرة مطرطقة فالحوض اما من الركبة للتحت جاية لاااارج ومع لاطاي تاعي جاتني بزاف شابة حتى لبنات وقالولي قبايلية بارصونال جاتك تهبل شعري درتلو اوندولي درتلو لالاك ودرت اكسسوارات كابيل في راسي ومناڨش طالو تاع لاروب لي لابستها وماكييت ماكياج كلش موف غير فمي لي يلمع برك درت بارفان كامل شكرو زيني وقالولي راكي تهبلي ولوكان يشوفوك يخطبوك وصح تقول كانو حاسين بصح الحق على ربي حتى هوما خرجو بوبيات خاصة اية اسم على مسمى اية في الجمال ماشاء الله جات عندي ايناس لبستلها قبايلي ودرتلها في فمها شوي ماكياج ميبانش بزاف مشطتلها الله الله وخرجت تلعب مع بنات عمها سمعنا الزغاريت والبوسط شعل سير جابوه نضت نشطح وحدي وهوما يضحكو عليا _ رانيا تعرفي تشطحي _ خسارة عليكم نروبلها _ وماتحشميش _ انا نحشم روحي تلعبي على روحك روحي روحي غير انا لي منحشمش ونشطح نروبل الصالو ناضو يضحكو ولينا خرجنا كامل شفنا اياد مع يماه تعنق فيه وتلعب معاه وهو يبكي مسكين شافتنا عجوزتي قالتلنا راكم كي العرايس ليوم يخطبوكم ضحكنا برك ورحنا نقدشو حتى عاودنا سمعنا البوسطا باه قالتنا
