رواية چرح المشاعر الفصل 56-57-58-59 بقلم أمال جوري حصريه وجديده

مروان وقف في فم باب الكوزينة بقا يشوف معايا رانا مشي كنت نعيطلك _ والله ماسمعتك امروان كنت مقصرة مع خالتي _ ايه مقصرة مع خالتك ومخلية راجلك وحدو لوكان جيتي دايرتلي اكسباريونس تتفكريني وتسمعيني تبعيني للشومبرة ازربي خير ما منعرف واش ندير فيك خي يخي وراح شافت معايا يماه روحي روحي خليك منو هاذا هو داير هكا اعرفي كيفاه تمشي معاه شوي حنانة شوي تكلاخ تشوفي لا مولاش كي الخاتم في صباعك نضت نضحك ورحت عندو اشو مروان _ اشو اشو ا القبايلية كيفاه اشو كيفاه مالصباح نعيط ل وين كنتي _ خلاص مروان مسمعتكش برك والله ناض يستغفر شحال مقلق المخلوق هادا شاف معايا مديلي حوايجي وعاونيني نلبس ااااااا رباني شحال يدلل طلعت فالخزانة وهو قريب هبل يضل يعيط عليا باه منزيدش نطلع ونعرش باسكو كل مايدخل يلقاني طالعة فكاش حاجة جامي لقاني فاللرض جبدتلو حوايجو وسوطيت فوق المطرح بقا يشوف معايا والله ذراري اطفال اطفال نتي رانيا رحت عندو عاونتو يلبس قالي رجعيلي شعري اكوتي بقيت نخربلو فيه بصح مروان وين راك رايح _ خارج هنايا برك ونولي وديجا واش دخلك نتي من وقتاه تسقسي فيا _ اييييه عندك الحق انا لي حمارة نسقسي فيك _ مزية ربي عرفتي روحك بلي حمارة بعدي بعدي خليني نروح وطبعني بقيت حالة فمي حتى عاود ولا ماشاريال شاف معايا باسني وحدة وراح مشي تقول مريض نفسيا ستغفرت وخرجت نوضت ايناس غسلتلها وفطرتها ورحت للشومبرة فيها ريحة النوم فتحت البالكو تهوات ونفضت الفراش سيقتها وعاودت فرشت الطابيات ولات تهبل رشيت فيها ريحة شابة ورحت عندهم لقيتهم يديرو فالغدا تعاونت معاهم مع شوي قصرة حتى كملنا تغدينا باه جا مروان خليتهم يغسلو فالماعن ديت بلا ورحت عندو عاونتو نحا حوايجو غسل صلا وكلتلو وخليتو يرقد وحنا هاديك الڨايلة جوزناها نقصرو ونحكو جبنا العصر صلينا ودرنا العشا جاو نسا سلافي تعشاو معانا زادو شويا وراحو بقينا غير حنايا مالين الدار مالقيت ما ندير بقيت مع ايناس نلعب معاها حتى رقدت باه رحت للشومبرة زعمة جيت نتفرج كي بقا يعاير فيا وانا نرجعلو تقلق وناض يسب وليت خبطت الباب وخرجت وخليتو يعيط ويتمتم وحدو بقيت فالصالو نتفرج حتى جا عندي طفي التيليفيزيو وامشي ترقدي _ منرقدش أخطيني _ نوضي قټلك متخلينيش نكسرو عليك تاففت طفيتو ونضت رحت للشومبرة دخلت فالفراش وهو طفا الضواوي وجا دخل فالفراش غير يتافف حتى رقدنا بينزوج .. جاز شهر كل يوم هكايا ومروان هبلني شحال يدلل الكاس تاع لما يكون قدامو بصح يجيبني من قندهار باه نمدهولو وشحال يتشرط جيبيلي هادي ديريلي هادي وهادي معجبتنيش و هادي مسوسة و هادي مشي صحية مهم کرهت منو وايناس منهدروش عليها من بكري تدلل شهر وانا نعاني من الدلال نتاعهم خاصة هو حتى نحا البلاطر ورجع للخدمة باه ريحت منو وعادت ريمة لعاداتها القديمة كل يوم حاملاتو المرة اللولة كان يعايرني ويقارني بمرتو شوي بزاف مي دوكا مولاش يجبد عليها بزاف ولكن يجبد عليها لازم يقولي حنان وانا نكره سوايع يبكيني لسانو لامجيلات .
ديري الجام متنسايشجزء
كنا كامل قاعدين فالكوزينة نتعشاو حتى صونا تيليفونو هز منعرف واش حكا وكوبا شاف معايا خويا راح يختن وليدو وراح يدير عرس اليومين هادو _ وهادا وين يقولك _ لالا مشي قضية ميسمعونيش ولا شي حاجة برك