رواية چرح المشاعر الفصل 56-57-58-59 بقلم أمال جوري حصريه وجديده
بقا مدة ساكت باه شاف فيا رانيا في اول لقائنا واش درتلك اه واش قټلك اتفكري _ انا واش تعشيت لبارح نسيت نتفكر واش درتلي ولا واش قتلي _ اووووه ذراري ذراري يليق نعاودلك التربية مع ايناس باه تنضجي وتولي تخممي كي الناضجات والله ذراري وانا نتبع فيك روحي جيبيلي واش قټلك سكت عليه ورحت للكوزينة نقيت حبة تشينة وديتهالو لقيتو داير ذراعو على عينيه حس بيا نحا يدو رحت عندو بقيت نوكلو ليوم طاحت عليه الماكلة مالف يتعشا صيبو مستحيل يزيد يعاود العشا شاف معايا قوليلي رانيا _ واش نقولك يا مروان _ زعمة لوكان صباح تلقايني مېت واش يصرالك _ اووووه وشبيك نتايا تحكي هادي الهدرة بعيد شړ عليك _ ميصرالك والو رانيا دورت وجهي عينيا بداو يدمعو شحال من مرة ندير حاجة لا ارادية تجاهو منعرف علامن تدل دورلي وجهي شوفي في عينيا وجاوبيني هكدا راكي في لحظة صادقة وحساسة مقدرتش نشوف في عينيه كامل انا ندور في وجهي وهو يعاود يدورهولي عندو شفت في عينيه رانيا قولي الصح ساحو دموعي مروان وشبيك بصح علاه تحكي على المۏت حرام عليك خمم في بنتك تزيد تتيتم مسكينة راني ذقت معنى اليتم وشبعتو بابا راحلي باراكات ناض يضحك يا عمري على الفكرونة تاعي خلاص اسكتي والله مانخطيك حتى ڼموت مسحت دموعي وكملت نوكلو
نحا برج تشينة من فمو وجا راح يديرهولي في فمي بعدت وجهي بالخف اعععع مروان درتها في فمك وشبيك _ وعلاه تعيفيني واقيلة _ بيانسور نعافك ونعاف كل حاجة الله غالب انا معيافة _ ضحك وقالي ياااحصراه دوك الشوارب قليل ما ذقت منهم نبات نبوس فيهم حليت عينيا فيه مروان بركا ما تكذب _ سما تعافيني _ اممممم جبدني عندو باسني من فمي وشاف معايا وضكا تعافيني خبطتو من صدرو ونضت خليتو يضحك
_ لالا لالا مكان والو هيا حطي راسك وارقدي وليت لبلاصتي وغمضت عينيا حتى داتني عيني الصباح نضت لقيتو مزالو راقد وراسي مزالو على ذراعو نضت من عندو ورحت للدوش غسلت وجهي توضيت وخرجت صليت دعيت لبابا ربي يرحمو ونضت لقيتو ديجا ناض دارلي بصباعو ارواحي ستغفرت ربي ورحت عندو اشو _ نوضيني واغسليلي وجيبيلي نتيمم وفرشيلي السجادة وبوسيني وعفطي عليا بقيت غير نشوف والله غير يبان طفل صغير رحت عاونتو للدوش غسل وخليتو يصلي وخرجت لقيتهم ديجا ناضو ويرفدو فالفراش صبحت عليهم ورحت للكوزينة لقيت عجوزتي تطيب فالحليب صبحت عليها وعاونتها حطينا الحليب فوق الطابلة وانا وجدت الفطور لمروان ولايناس وقعدت معاها نقصرو واش رانيا بنتي ياك نتي ومروان راكم لاباس بيكم _ الحمد لله خالتي _ كشما بان عليك ولا والو _ لهادي الساعة مكاش يا خالتي والعالم ربي _ معليش معليش بنتي فيها خير نشاله قلتلها نشاله حتى جا
