رواية چرح المشاعر الفصل 60+61+62 بقلم أمال جوري حصريه وجديده

هو لابس كي العادة بصح کرهت من شوفتو منيش حاملة نزيد نشوفو كامل وماعندي حتى حاجة تربطني بيه ضكا باه كشما يسال عندي ولا شفت ماما كي فتحتلو الباب ديراكت قاټلو واش تحوس _ صباح الخير خالتي وين راهي رانيا _ رانيا راهي لداخل علاه _ ناض يضحك كيفاه علاه ولا نسيتي بلي بنتك مرتي _ بكري كانت مرتك بصح ضكا جابلي ربي نورمالمو لا منيش غالطة خلاص بيناتكم المحكمة ولا راني غالطة قولي يا وليدي انا عمك الله يرحمو عطاك بنتو امانة باه تصونها ونتا مصنتهاش مالا الله يربح انا وحدة بنتي كبدتي متزيدش تلمحها كيما نتايا تحب بنتك وتحبلها غير المليح والهنا في حياتها حتى انا بنتي غالية وعزيزة عليا بزاف ونحبلها غير المليح في حياتها كي قاټلو هكا وجهو تزير شاف معاها الله يرضى عليك ايما روحي عيطيلها نهدر معاها _ شوف امروان ما تكسرلي راسي ماوالو سمعت رانيا محبتش تزيد تشوف وجهك كامل خلاص قاتلك بيناتنا حاجة وحدة وهي لاجيستيس المحكمة وماتخافش مراهي طالبة والو انا بنتي منزيدش نطلقها للراجل لي يذلها _ علاه انا ذليتها ياك كانت معزوزة عندي ولي تطلبها تحضر _ نتا ترضا لبنتك تروح عند واحد عندو الدراهم كي الشعير بصح ملي ينوض وهو يسرفڨ فيها بالكفوف ويعاير فيها لا نتا تقبل انا مانقبلش اخويا و هادي بنتي قبل ما تكون مرتك وحتى ولوكان تقبل تخرج عندك انا منخليهاش _ ياودي انعلي الشيطان اخالتي والله لا راكي مقلقة برك حتى بنتك مشي ساهلة صعيبة باه الواحد يوصل ليها غير لسانها فيه زوج مواتر جامي حتارمتني نهدر كلمة ترجعلي عشرة ومتاخذش الراي كامل شفت ماما سكتت بقا يشوف فيها هيا عيطيلها والله نسحقها في موضوع على جال ايناس طارت فيه علاااه ايناس بنتها حتى تحتاجها في موضوع على جالها ياك بنتك نتا دبر راسك معاها _ والله لا هبلتني سمانة كومبلي تبكي وتقولي جيبلي رانا ملي تنوض وهي تحوس على رانيا _ نطقت انا بصوت عالي باه يسمعني ياااااااك قتلي نجيبلها عشرة كل وحدة كيييفاااااه تخدمهاااا مااالاااااا روح جيبلها العشرة هادوك يخدموها متزيدش تحوس عليا خلااااصت خدمتي معااااك شفتو كي طلع راسو وجهو تفتح كي سمع صوتي هدر معايا من ثم رااانياا ارواحي نهدر معاك تعيشي محبيتش نرجعلو قاټلو ماما شوف نقولهالك هنايا انا بنتي متوليلكش حتى ټموت فهمت وراهي طالبة الطلاق _ يا والله العلي العظيم الطلاق ما تشوفو في منامها وخليها تقعد يامات ونجي نرجعها علابالي متغششة مني تقلقت من هدرتو كيفاه يهدر والله خليه مسكين يحلم شويا باه نوليلو شافت معاه ماما ايواااااااه مالا لا رجعتلك منيش مرا نزيد نبعثلك بنتي تمرمدها صحتها وتضيعهالها بقا يشوف يشوف ويشوف كي مالقا واش يدير قاللها مالا نخليلها ايناس هنايا باسكو تاع الصح هبلتني وتضل تبكيلي عليها _ مكان حتى مشكل بنتك معندي حتى مشكل معاها راهي ملائكة بصح نتايا الله يربح مخليتناش نقادروك امروان شويا والله شويا _ ايه معليش اسيدي كي يروح الغش راني نرجع وخلا ايناس تدخل رحت لعندها كي شافتني جات تجري عندي عنقتني بالقوة حتى انا عنقتها والله توحشتها تهبل الطفلة هادي عكس باباها لي يخلع شفت معاها انا نبوس وهي تبوس شافت فيا رانا علاه رحتي وخليتيني وعلاه كنت ديما نبكي عليك وكل ما نسقسي بابا يقولي
راحت رانا متزيديش تروحي باه مانوليش منحبكش كيما ماما حنان شحال غاضتني البكا وبكات حكمتها عندي نبوس ونعنق خلاص اماما حنونتي اسمحيلي منزيدش نخليك وقولي لباباك كل يوم يجيبك عندي صحا ماما _ مسحت دموعها وحركت راسها بايه بقيت نشوف فيها واش دارت بنتي كي مكنتش انايا فالدار _ مدرت والو جداتي كانت تديني عندها بصح انا نحبك نتيا تكوني معايا _ وباباك واش دار _ كل يوم نسقسيه نقولو وينهي رانا يقولي راحت وغدوة نجيبهالك وكل يوم ېكذب عليا وانا منيش حاباتك تروحي كيما ماما حنان
جام متنسايشتكملة الجزء 62
_ ياعمري على بنتي خلاص اسكتي والله منزيدش نخليك صحا بنتي هيا نروحو ضكا هزيتها ورحت للكوزينة قلتلها ايناس فطرتي _ لالا مكليت والو شربتلها الحليب ومسمن حتى دخلت ماما شافت فيا رهج السامط تاع راجلك رهج لوكان مشي شويا غير ندخل فيه بدماغ _ علاه واش قالك _ انا نقولو بنتي متوليلكش وهو يقولي خلي يامات يروحلها الغش ونرجعها عندي _ واش دخلك فيه خلي يقول واش يهوالو زعمة انا راح نوليلو _ سامط درتها بوجهي خلاص اسكتي بنتو راهي هنايا عود توصللو الهدرة شافتها جات باستها وشراكي ايناس _ لاباس طاطا _ عجبك المسمن نديرلك زبدة حركت راسها بايه دارتلها فيه وعطاتهولها قلتلها ايناس نروحو نشوفو حيوانات ضحكت فالبلاص عرفتها بلي عجبها الحال كيما المرة اللولة خرجتها دورت بيها الجنان كامل لعبت حتى کرهت حتى للزوج تاع العشية باه دخلتها للدار لقيت ماما راقدة وليت غديتها وديتها لشومبرتي قلتلها مترقديش شويا _ امممم نو نو منيش نعسانة _ معليش بنتي راكي حافضة القران ايناس _ وشنو القران _ يااااا وخذتي متعرفيش القران باباك ميقريكش _ لالا ميقريني والو _ شوفي ايناس ضكا حنا رانا عايشين بصح كاين واحد راه فالسما العالية كامل هاداك ربي سبحانو وهو لي خلقنا وجابنا للدنيا والقران هو لي هدرو كيما راني نهدر معاك انايا دوكا شرحتلها قيس عقلها _ شوفي فيا ماما ضك نقرالك وحدة وقوليلي لا مليحة هكا _ ايه قل هو الله احد الله الصمد لم يلد ولم يولد ولم يكن له كفؤا احد صدق الله العظيم شفت معاها عجباتك ماما _ هايلة بزاف عجبتني _ هيا ضكا ابقاي تقراي معايا حتى تحفضيها وعودي كل يوم اقرايها وكي تحفضيها المرة الجاية نزيد نحفضلك وحد اخرى هززت براسها وبقيت نعاود فيها حفضت منها شويا بصح تتخلطلها حتى صونا تيليفوني لقيت نيميرو تاعو ريبونديت وشفت مع ايناس هاكي باباك احكي معاه مديتلها التيليفون وخرجت منيش كامل حابة نحكي معاه ولا نسمع غير صوتو برك شويا هكا خرجت عندي رانا قالك بابا احكمي عليا التيليفون نحكي معاك _ روحي اهدري معاه نتيا _ محبش يحكي معايا قالي اعطيني ماماك هاكي حكمت عليها التيليفون كوبيت عليه وغلقت تيليفون ديراكت هكا باش ميكسرليش راسي _ وعلاه محكيتيش معاه مسكين يضل يقولي عليك ويقولي توحشنا رانيا _ لالا مكوبيتش الباتري هبطتلي برك هيا نكملو نحفضو زدت حفضتها فالسورة حتى حفضتها مليح مليح ورقدنا .... يتبع