رواية چرح المشاعر الفصل 60+61+62 بقلم أمال جوري حصريه وجديده

راح يتبدل القانون ورانا راح تولي رانيا القديمة لي تفرض احترامها على الجميع وكيما قالت ماما يضربو بيها المثل ولا منيش بنت محمد في قبرو . 
ماما مالصباح حتى لليل وهي تهدر وتسب فيه دارت عندي اسمعي نقولك حاجة لا جا هنايا بالاكي تخرجي عندو ولا كاش حاجة شوفي انايا لي نخرج ايه فهمتي ونهدر معاه على قيس سؤالو منبينلو والو فهمتي وضكا هو راه داير في بالو جيتي تزوري برك ولا وشنو _ ايه داير في بالو بلي جيت يامات ونرجع _ في منامو ترجعيلو لا مسيلتلوش خنونتو من وذنو منيش يماك ارانيا خليه معليش خليه يحڨرلي في بنتي ويزيد يقارنها باللولة و هاديك شيبة الڼار قوللها بنتك مكاشها خلاص ضكا ولات داري لوكان جيتي شاطرة وتعرفي تهدري لوكان ماللول بينتيلها بلي نتي جادور من نهارها اللول متزيدش تجي _ واش تديري المرا كبيرة خلينا منها _ ايه هي كبيرة وهو شارف ميحشمش علابالك راني مغزلة منو وراني مغزلة منك كثر منو مافهمتش علاه متهدريش تقول ماراني يماك انايا لوكان قلتيلي والله تشوفي لا مندمتوش بصح معليش يندم عليها هادي مليح مليح سكت وفي قلبي قلتلها هادي خممتلها قبلك ولا زاد لمحڼي منتسماش يروح يجيب الزلات تاع سبيطار يربولو بنتو ويصونو دارو ويبنوهالو كيما بناتهالو رانا مسكينة بصح خلاص ضكا يحوس العالم كامل ميصيبش رانا هاديك باسكو ماټت وجات في بلاصتها رانا القديمة ولا عادت مرتو رعفاتو من نيفو ياو انا نرعفو من وذنو وسبق وقلت نخليه يهترف باسمي ويحوس عليا في منامو ومايلقانيش جا خويا كي شافني فرح سقساني على حوالي كي سقساني على مروان وبنتو طرطقت فيه ماما خليييينااااااا منو خامج كيما هاذاك ميستهلش نسقسو على حوالو _ علاه يما واش كاين _ مسكينة ختك كان مكرهلها حياتها كل ما هو مر عيشهولها وليوم جابها حطها هنايا وراح _ لالا يا ماما مشي هو لي جابني انا لي طلبت يجيبني ومايزيدش يجي عندي _ حبسو حبسو حبسو علاه رانيا وشبيك نتي وراجلك _ ماللخر هو مايحشمش وانا وياه متفاهمناش وراني رجعت هنايا لدار بابا انا الراجل لي يعايرني بالفقر ويقارني بمستواه ميشرفنيش نكون مرتو وحكيتلو الحكاية بقا حاكم راسو شاف معايا شوفي يا ختي انا والله راسي حبس ونتي لي بهلولة متهدريش وماتحكيش بقيتي حاملة الذل عام كومبلي شوفي مراح نقولك والو من غير ما ترجعيش عندو وتنساي جدو وتتزوجي بوليد الحلال لي يقدرك ويعرف قيمتك مشي لي يجرجرك مالقيت ما نقولو هاداك النهار جاز سامط كي الرهج كامل كانو كارهين ومش عاجبهم الحال غير انايا لي عجبني الحال تهنيت منو الشړ المشرور الله يشوفو المرار في حياتو بصح لازم عليا نذوقو من نفس الكاس برك جازت هاذيك السمانة كامل هكايا ومكاين حتى جديد ومزدناش جبدنا كامل عليه ..
جام متنسايشجزء
راني شافية نهار التاسع ملي جيت لدارنا وجابني لدارنا مزدتش شفتو كامل كنا انا ومااما فالكوزينة نشربو فالحليب حتى صونا الباب نضت باه نحل طلبت مالفتحة هاديك لقيتو هو وايناس في يدو وليت نجري لماما وجهي صفر واشبيك اطفلة _ نسيبك العزيز جا ياو غير روحي ليه قولو قاتلك رانيا غير روح شوفلك جيهة وحد اخرى وجابلي ربي قبل سمانة قټلك سي فيني بيناتنا خبطت الطابلة بيديها وخرجت رحت نجري التاقة تاع الكوزينة يبانلي كامل شكون جا لينا لقيتو