رواية چرح المشاعر الفصل 60+61+62 بقلم أمال جوري حصريه وجديده

معايا زادت في صوتها ونتي علاااه متهدريش علاه متحكيليش ياك انا ماماك ياك انا لي جبتك في كرشي ونحس بيك وهزيتك تسع شهر علاه متحكيليش والله لوكان علابالي غير من نهارك اللول نرجعك ومنخليه يزيد يشوفك مزال مزادش انايا لي يذل بنتي ويبكيها بنتي بنت باباها بنت محمد لي ناس كامل تعرفو في قبرو ويهدرو عليه بالخير يجي واحد ميحشمش كيما هاذاك يذل بنتو ويضربها ويعايرها ويزيد يقارنها بمرتو اللولة قولو ياو قول لمرتك تلحق بنتي برك ياك شفتها مرتو اللولة كيفاه دايرة صدقيني غير جاية عادية وين تخليها بنتي فالزين العينين كبار والشعر حرير والبشرة بيضة والحرورية قولو ألحق بنتي برك لا راك راجل والله فظفرها ما تلحقهاش متسواش متحشمش شافت معايا خبطتني لذراعي ونتيييي ملي عرفتك ونتي تنڨزي كي اوم قرقور حارة وتتحداي الرجال في وجوههم لي يهدر معاك كلمة ترديلو عشرة فارضة روحك على الجميع ومتكبرة الناس اكل تحتارمك ويضربو بيك المثل وكي رحتي عند الباخس الباسل هاذا شبعك ذل كنت دايرتك صح قافزة ووين تروحي مانخافش عليك بصح ظهرتي العكس يا رانيا والله تاع صح ظهرتي العكس _ ماما شوفي عندك الحق في كل حاجة صح شخصيتي تبدلت من رحت لعندو وعندك الحق شبعت ذل وترخاس ومعايارت ومقارنات
جام متنسايشجزء
بصح صدقيني عندي اسباب اللولة كنت نعمل على وصية بابا الله يرحمو وراكي كنتي معايا نهار كان رايح يسهل يلك اللولة لي وصاني عليها هي بنت مروان وماقصرتش وخليتو على راحتو باه كي نوقفو عند حدو ونروح ونخليه نكون درت واجبي كامل ومارانيش مقصرة معاه وباه نكون صح عملت بوصية بابا الله يرحمو والحاجة الثانية متنسايش بلي مروان واحد خبيث وعندو المعارف قادر يحشيها لخويا في دقيقة بشي وراقي ويرجع كلش باسمو ويخرجنا برا _ يا سيدي نقولو معليش كنتي تديري بوصية باباك وصية باباك كانت على ايناس الطفيلة بنتو برك ياك محڨرتيهاش خلاص مالا كي محڨرتيهاش ودرتيها بنتك تاع الصح هاداك هو البليزير واش دخل جد الذل والحڨرة في وصية باباك والحاجة الثانية خليه يرجع كلش باسمو خليه يخرجنا خليه يدير كل حاجة خليه لي جاتو في راسو يديرها علاه زعمة الرزق بيد مروان يا والله غير الرزق بيد ربي سبحانو نخرجو من نلقاو ناس الخير يعاونونا من مزال كاين ناس الخير في بلادنا وانا النهار اللول كنت نقولك ما تتزوجيش بيه بصح نتي راسك خشين ولا لالا الحق عليا انا لي مسيفتش عليك باه متتزوجيش بيه بصح نقولك حاجة خليه ضكا يلقا الفحلة لي تربيلو بنتو كيما رباتها بنتي مسكينة _ اييييه لوكان تسمعي واش قالي _ استر يا ربي واش قال ثاني راني كرهتوا والله _ ياو قالي تروحي نتي يجو موراك عشرة وبنتي نجيبلها عشر نسا كل وحدة كيفاه تخدمها _ ايه هاذا يسموه الغرور كاش نهار ربي ينحيلو النعمة هادي ويذوق من نفس الكاس وثم يجيب حداش لا حب مشي غير عشرة ياو خلي يجيب مليار مرا ويلمهم في صالة مهم نتي مرجوعك مشي ليه هو وانا نزوج بنتي بسيد الرجال وهو يتفرج ولا مداكش سيدو منيش عقيلة بنت السلطان بتاسمت معاها برك ونضت رحت للشومبرة نحيت حوايجي لبست روبتي لي كنت مقبل نلبسها في يامات العزوبية والله توحشت اليايمات هادوك والزواج موصيبة خاصة لا الواحد طاح في راجل ميعرفش قيمتك بصح ماليوم