رواية چرح المشاعر الفصل 60+61+62 بقلم أمال جوري حصريه وجديده

رواية چرح المشاعر الفصل 606162 بقلم أمال جوري حصريه وجديده 
وصلني لدارنا الشوفة مشافش فيا حتى انايا حلفت دمعة متزيد تهبط على جالو صيبو دمعتي غالية ومتزيد تهبط على جال حتى واحد خاصة في جال ناس ميستاهلوهاش كيما مروان غير هبطت مالطونوبيل وحطيت رجلي على اللرض خبط الباب وقلع طيارة خلا الدخاخن يطايرو موراه طلعت لدارنا طبطبت بالزور منعرف علاه حلت عليا ماما ااااا رانيا بنتي هاذا نتي وعلاه راكي تطبطبي هكايا وينو راجلك _ خلاااااص ماليوم هاداك مراهش راجلي كان بكري راجلي على جال الاتفاق وعلى جال وصية بابا بصح ضكا صيبو ما بقات حتى حاجة بيني وبينو _ واش راكي تخلطي واش كاين تهدري بوضوح مش فاهماتك كامل _ يا ماما السي الشباب لي كان راجلي بكري ياو كنت متزوجة بوحش اماما تفهمي واش معنتها بنتك كانت متزوجة بوحش اكبر حڨار فالعالم وجارح هو نسيبك لي مايخافش ربي فاليتيم _ اصبري اصبري رانيا بنتي احبسي اقعدي وقوليلي بالعقل اقعدي واهدري بوضوح باسكو خيوط راسي تخلطو ومافهمتش كامل واش كنتي تخلطي _ يا ماما تعرفي بنتك قريب عام وهي تعاني معاه تعرفي يا ماما ولا لالا ياو قريب عام وانا نعاني منو يا ماما حڨرني بخسني سبني جرجرني ضړبني ظلمني شتمني وسخني كامل دارهملي يا ماما كامل يا ماما من اول نهار تزوجت بيه وانا عايشة تحت الذل علابالك واش راه يشوف فينا هاداك الانسان ولا ماعلابالكش راه حاسبنا فقراء ويضل يسب فيا ويعاير فيا ويقولي كنتي عايشة تحت لرض وانا لي خرجتك مالميزيرية وطورتك نحلفلك بربي يا ماما غير قالهالي شحال من مرة ضړبني بتيو تاع الڨاز بابا مضربنيش بيه السلاح هاذاك ومروان رحت ليه كي المذلولة يا ماما كي المذلولة تعرفي واش معنتها كي المذلولة ولا متعرفيش غير لبارح برك ضړبني لبارح برك يا ماما ضړبني ضړب الكلاب عطاني ربع كفوف وزوج ركالي يركل فيا كي الهايشة يا ماما يضرب فيا كي الحيوانات ويسب فيا ونزيدك حاجة اماما ولا لالا ليوم الصباح جات عندي نسيبتو حتى هي رخستني ملي دخلت وهي دار بنتي دار بنتي كي قلقتني وسبيتها معجبوش الحال وقالي كيفاه تطيحي ولا كنتي مرا برك الحقي بنتها تأمني بربي يا ماما غير ملي رحت عندو وهو يقارن فيا بمرتو اللولة نمشط شعري يقولي هي مكانتش تدير هكاك نطيب يعلق على ماكلتي ويقولي تقول طيبتي برجليك وهي ماكلتها مكانتش تديرها هكا نغسل يقولي هي مكانتش تغسل هكا حتى بنتو اذا كشما مسيت كاش حاجة تقولي حطي هادي تاع ماما اماما قوليلي هادي معيشة كنت عايشتها وعلابالك عيشني في دارو هو ومرتو المرحومة القش تاع دار كامل كان تاعها واقيلة حتى الماعن ماعنها ياماما بنتك تحملت كلش والله غير تعذبت خلاص نذليت وشبعت ذل بصح هنا وتحبس العلاقة ماعندي ما ندير براجل مايخافش ربي كيما هاذاك ودعوة لولية بلية روح يا مروان راني موكلة عليك ربي سبحانو ... بقات دايرة يدها على فمها وعينها تدمع شفت معاها متبكيش ماما متبكيش عمرك لا تبكي على ناس ميستاهلوش عمرك يا ماما عمرك وردي بالك شافت معايا هادا الشي كامل كنتي عايشاتو يا بنتي شكون لي تحمل المعيشة هاذي شكووون اه شكون لي تحمل معيشة الكلاب هادي وكيفاه كنتي راضية كيفاه ابنتي وعلاه يعني وعلاه قرصتني من ذراعي حتى عيطت شافت