رواية چرح المشاعر الفصل 63-64-65 بقلم أمال جوري حصريه وجديده

رواية چرح المشاعر الفصل 636465 بقلم أمال جوري حصريه وجديده 
جزء
فطنت على ماما نوضتني قاټلي نوضي الطفلة راه جا باباها يديها وراه مزالو يحوس يهدر معاك _ ونتي وش قلتيلو _ قتلو بنتي ماراهيش كامل حابة تزيد تشوف وجهك سهل الامور تسهال وطلقها _ هكاك ماما صحيتي نستعرف بيك نوضت ايناس بالعقل لبستلها صباطها وقلتلها هيا ماما بابا راه جا يديك _ رانا ونتي متروحيش معانا _ لالا بنتي انا نبقا هنايا هيا روحي نتيا وانا غدوة نجي حسيت الدموع في عينيها عنقتها مام هي بادلتني الحظن وداتهالو ماما رحت طليت مالتاقة شفتو كي باس بنتو وقال لماما وينهي رانيا _ يا مروان وليدي ياو رانيا متزيدش تشوفها خلاص غير روح _ نورمالمو تقنعي بلي بنتك صعيبة وصعيية بزاف محبتش ترجعلو ليكيداتو بالخف دا بنتو وراح وجات عندي وجهو صحيح ويزيد يحوس على رانيا واقيلة مزال مشبعش من ذلها _ خلينا منو يرحم باباك _ اسمعي رانيا نقول لخوك يهدر معاه باه يطلق جدك وتتهناي منو وانا لي نزوج بنتي بسيد الرجال كي قاټلي هكا معجبنيش الحال منيش حابة نتزوج من غير مروان وفي نفس الوقت راني حابة نطلق من مروان سكت ما لقيت ما نقوللها عاونتها فالفطور كي جا خويا فطرنا وماما قاټلو يروح يهدر معاه قاللها هاتي نعيطلو فالتيليفون رانيا عندك نيميرو ديالو _ باينة عندي _ مالا مديهولي مليتو عليه طاباه عندو وعيطلو وقتلو ديرو باف باه نسمع حتى هز عليه قالو خويا الو مروان انا حكيم نسيبك ... ايييي حكيم خويا لاباس .. الحمد لله سوال عليكم ... ايه غير لخير كشما صرا مشي مضاري تعيطلي ... جوستومو يا مروان عيطتلك على حاجة ضرورية ندخلو فالمفيد ديراكت بلا مانكثرو الهدرة على رواحنا بلا فايدة شوف امروان انا ختي عزيزة عليا بزاف وبزاااااف ومانقبل حتى واحد يضربها يا لوكان بالتمسخير وبابا خلاهالي امانة قبل ما يخليهالك ليك نتايا بصح نتا ماحافظتش على ختي رجعتها وحد اخرى كامل مهم انا راني مع رانيا ظالمة ولا مظلومة مالقري علابالي بلي نتا لي ظالمها هي راهي طالبة الطلاق ومكتبش المكتوب بيناتكم طلقها في سبيل الله ونإييفيتيو المشاكل لوماكسيمو وكل واحد يحكم قدرو وصيبو .. سمعتو كي ضحك رجع عليه مروان علابالك مخليتليش كامل لوكازيو باه نهدر شوف نقولك حاجة قولها لرانيا انا الطلاق من عندي متشوفوش تحلم بيه ومتلقاهش وعلى كل حال المشاكل الزوجية مصراوش غير عندي انا برك بنتكم دلولة وصعيبة بزاف حتى هي لسانها طويل وهي علابالها علاه جبتها لدارهم طيحت بكلام العيب أولا قدامي محتارمتنيش ثانيا لمرا كبيرة عليها وانا عطيتها كف على كلمة هاديك وهي كبرتها وزعفت