رواية چرح المشاعر الفصل 63-64-65 بقلم أمال جوري حصريه وجديده

جامجزء
وتغيضني بزاف كي كانت متعلقة بيماها وراحتلها فجأة بصح تبانلي خلاص نساتها علابالي منقدرش نعوضها في يماها مية بالمية باسكو من صلبها ولكن على الأقل نعوضها بنسبة سبعين بالمية واصلا يماها معاشتش معاها بزاف ثلث سنين برك خلاتها في عمرها ثلث سنين وضكا راهي قريب خمس سنين بالاك شهر وتقفلها والعام الجاي تدخل تقرا صونا تيليفوني كانت عجوزتي هزيت عليها الو صباح الخير يما .. صباح النور بنتي كيفاه حوالك.. لاباس الحمد الله ونتوما لاباس .. نقولو الحمد لله منبعد دخلتلي فالموضوع رانيا بنتي وشبيك نتي ومروان واش كاين اسيدي راكي 10ايام في داركم وهو مستحيل يخليك تباتي فوق النهار وكاين منها راكي حابة تطلقي لبارح هدرت مع يماك قاټلي ماراهمش متفاهمين هي ومروان وبنتي راهي طالبة الطلاق علاه اسيدي وش كاين بيناتكم الطلاق اكره شيئ عند الله واش صرا كنتو كي العسل كي نشوفكم من عينيكم نقراكم كل واحد ېموت على لوخر واش صرا في ظرف أقل من شهر .. يما انا ومروان متفاهمناش ووليدك ميتعاشرش كامل لهاذا خلاص منيش حابة نكمل معاه _ بصح علاه واش كاين واش وصلكم هنايا ياك كنتو لاباس بيكم _ ايه كنا فالماضي بصح ضكا خلاص لوكان غير كل واحد يروح في طريقو ويشوف حياتو وانا وليدك مساعدنيش .. علاه حتى مساعدكش ابنتي تضارب مع جدو طاح القدر بيناتهم على جال الثروة هاديك غير باش يديك دار البوسيبل على جالك حتى داك منبعد تقولي مساعدنيش _ يا يما الله غالب هادا مكتوب ربي سبحانو وانا ما عندي ما ندير الله غالب _ شوفي انا منلومك لا نتي لا وليدي حتى انا علابالي بيه راسو خشين ولسانو مشي ليه حتى نتي حكاولي عليك بلي لسانك متبري منك لهاذا منيش راح نحكم علابالي بلي بينزوج مهابل وشحطة تزعفكم مالا زيدي ريحي شويا في دار باباك خمي بعقلك ونشاله ما يكون غير الخير .. علاه حتى نخمم يا خالتي فاش نخمم زعمة عندي ولاد معاه حتى نخمم فيهم ماعندي حتى حاجة تربطني بيه راني مزالني براسي ومزال غير الطلاق _ ياودي الله يهديكم بينزوج هو مهبول ونتي كثر منو مهم بنتي انا نخليك تخمي ونشاله كيما قټلك ما يكون غير الخير .. ان شاء الله سمعت صوت ايناس كي كانت تضحك وتلعب هادي مشي ايناس راهي عندك _ ايه هو جابهالي الصباح تقعد عندي _ والله ماتحشمو بينزوج اهاه تجرجرو فالطفلة صغيرة معاكم مسكينة في عوض ما تكون في حظنكم بينزوج راهي تجرجر صح علابالي بلي مشي بنتك بنت راجلك بصح واش فيها اذا درتيها بنتك _ خسارة عليك اخالتي انا هادي بنتي خلاص كبدتي والفتها