رواية چرح المشاعر الفصل 63-64-65 بقلم أمال جوري حصريه وجديده

وتعلقت بيها و حسيت روحي صح ام معاها لوكان مشي مخالفة للقانون غير نجيبها عندي وما يزيد يشوفها بصح الله غالب مجيتش يماها الحقيقية _ الله يسجيك ويرحم ذاك الفم ولك الاجر عند الله مهم انا نروح ارانيا ونشاله تاخذي القرار الصحيح .. صحيتي يما اتهلاي في روحك وكوبيت عليها طلعت راسي لقيت ايناس طايحة فاللرض وتضحك توسخت كامل رحت نجري ليها هزيتها وديتها للدار وعلاه انوسة وسختي روحك واش نلبسلك انا ضكا شافتنا ماما اااااااا ايناس وعلاه وسختي روحك بنتي والله ماعندي ذراري صغار عندهم الحوايج قدك واش نلبس لبنتي ضكا بقيت غير نضحك معاها ڼموت عليها شافت فيا ماما رانيا روحي اجبديلها الروبة تاعك كي كنتي صغيييورة نشاله تجيها برك راني مزالني مخبيتها _ الحمد لله يا ربي هيا انوسة نلبسلك روبة شابة بزاف نشاله تعجبك برك ديتها للشومبرة طلعت فوق الخزانة باش نجبدها قاټلي ايناس رانا بابا يضل يقولك متزيديش تطلعي عود تطيحي _ يا عمري سمعتيه كي يقولي هكا _ ايه سمعتو ويقولك نخاف عليك عود تطيحيلي وما تبقالي حتى رانيا نضت نضحك يايما شحال تشد في راسها الله يبارك مزية لقيت الروبة هاذيك جبدتها قستها عليها مالفوق برك مزية ربي جات فيها سواسوا كانت روبة قطيفة فالڨرونة بليمونش وفيها قلوبة بيوضة تاع بكري حد الركبة بصح ايناس قصيرة شويا سما جاتها تحت الركبة بشويا ديتها للدوش غسلتلها وجهها ذراعتيها رجليها وبدلتلها عاودت حكمتلها شعرها هي صغيرة بصح شعرها الله يبارك قاوي وطويل شباب على شعري الروبة جاتها تهبل مع لي هي شويا سمينة مشي غير تهبل برك ماشاء الله تشبه لعمتها اية بزاف ومدية شويا من مروان حتى عيطتلنا ماما باش نتغداو حكمتها في يدي ورحنا للكوزينة كي شافتها ماما قالتلها اوووو انوسة جاتك بزاف شابة الروبة علابالك بلي هادي الروبة تاع رانيا ضحكت من قلبها وقالتلها بصح رانيا كبيرة _ لالا كانت تاعها كي كانت صغيرة _ علاه رانيا كانت صغيرة طرطقتني بالضحك الطفلة هادي حتى ماما وضحكت قلتلها ايه اماما كنت صغيرة قدك منبعد كبرت وتزوجت باباك ولقيتك نتيا _ وانا تاني نكبر ولا لالا _ ايه تكبري وتقراي وتولي تخدمي نشاله _ بصح بابا قالي كي تكبري تتزوجي شافت فيا ماما يا نندب حناكي بالقرداش على الزين تاع راجلك _ اماما خلي منو والله شفت معاها ايه حتى تكبري باه تقدري تتزوجي وحقا مزالكي حافظة السورة لي حفظتهالك البارح ديراكت بدات تقرا فيها وتعاود وماما جايبتها غير شطورة شطورة
ديريلي جامجزء
تغدينا بين تلاثة و الضحك مع ايناس غسلنا الماعن صلينا لبست جلابتي وجاو عماتي سلمت عليهم ورحنا للجبانة مع خويا كان الجو