رواية چرح المشاعر الفصل 63-64-65 بقلم أمال جوري حصريه وجديده

هايل روعة غير الشميسة والذراري يلعبو مع بعض مام ايناس عجبها بزاف الحال باسكو في دارهم مكاش كامل الذراري ومكاش لي يطلق ولادو لازم يخرجهم معاه وميخرجوش بزاف خاصة هي مسكينة تضل مخزونة فالدار من صغرها طفولتها وماعاشتهاش كي الناس ساعااات برك وين يخرجها هو شويا اصلا مايجيش حتى لنص الليل وساعات مايباتش كامل معانا علابيها عجبها الحال وغير تجري وزيد لقات ذراري ولاد الجيران جاو معانا ماليهم يلعبو لعبت معاهم اما قبر بابا قريت القران برك وبعدت منيش حابة نزيد نتاثر ونتفكر الماضي بقينا ثما وحد زوج سوايع هكاك قيسما لعبت ايناس شويا ونحات على خاطرها .. كي كنا راجعين للدار تلاقا خويا بواحد صاحبو راح يسلم عليه وحنا بقينا واقفين كامل يقصرو مع بعض راكم تعرفو النسا بصح صاحبو هاذاك طول الحوار بينو وبين خويا وهو يشوف فيا ويلعب بعينيه عليا وليت حكمت ايناس وكملت طريقي حتى لحقوني ووصلنا للدار .. قالتلها ماما عجبك الحال انوسة _ حالة بزاف لوكان غير بابا يخليني نسكن معاك طاطا عقيلة _ معليه بنتي تسكن معايا وكل يوم نخرجك تلعبي مع الذراري هنا خير ولا داركم خير _ هنايا خير في دارنا مايعجبنيش الحال ميخلينيش كامل بابا نخرج وهنايا روعة عندكم نضت نضحك قلتلها قولي لباباك يخليك تعيشي عند طاطا عقيلة _ ميحبش _ نقصر برك باباك راسو خشين ومثقوب ميحبش يالوكان طيح السما على لرض .. العشية جا داها وراح .
جاز شهر كل يوم هكايا يجي الصباح يجيبلي ايناس ويحلل ماما بالريق الناشف باه يحكي معايا ولا نخرجلو برك بصح هي محبتش وانا حالفة منخرجلوش ومايزيدش يشوف وجهي وهو كي ماما متخليهش يدخل يهبل يولي يرعش ويقوللها دقيقة برك نشوفها نحكي معاها ونتفاهم معاها برك وتعاود تدخل مي انا والو الما ميسيلش حلفت عليه خلاص وحتى هو حسيتو بدا يقنع ويتأكد ويدير في راسو بلي أنا خلاص مستحيل نزيد نرجع عندو صيبو انا صبري عندو حدود وكي كلاطيت ونطالقت واحد ما يحبسني مام فالليل فالنهار فالعشية فالڨايلية يضل يعيط فالتيليفون هو يعيط وانا نكوبي التيليفون تبلوكا من العياط وليميساج وانا محبيتش نحطو فالروجوتي ولا نبلوكيه ولا نغلق التيليفون بالعاني بالعمد باه يبقا يعيط وانا نكوبي عليه نبينلو بلي مني دايرتلو حتى قيمة ضك يعرف رانيا واش تسوا وواش تقدر تدير حاسبني ساهلة صبرت معاك شويا حلاتلك ووالفت العقلية بصح صيبو تبدل القانون وتبدلت العقلية ومزال الخير للقدام عيطتلي عجوزتي ثاني قدما سيات تعرف مني واش صرا بيناتنا محبيتش نهدر خصوصياتي نهدرهم غير لماما والغلطة الوحيدة لي درتها في حياتي هي اني محكيتش لماما ماللول اصلا ميخلينيش كامل نروح ليها واقيلة ملي