رواية چرح المشاعر الفصل 63-64-65 بقلم أمال جوري حصريه وجديده

تزوجت رحت ليها زوج مرات المرة اللولة بت والمرة الثانية مخلانيش نبات تقول راح نرضعو .
الصباح كي العادة ليوما ايناس مجاتش بالاك راحت لجداتها نضت غسلت ورحت نفطر حتى تفكرت مروان شفت في ماما وضكا هاذا ميطلقنيش نبقا معلقة ولا وشنو وخويا ياك قالي يجوز شهر لا محبش يطلق انا ندبرلك المحامي _ ايه مالا خلاص منبعد كي يجي نقولو وهادا راجلك راسو خشين محبش يفهم بلي خلاص مكيش حاباتو منا يذل فيك ومنا يحوس يرجعك ومحبش يطلقك بصح نتي ثاني ا رانيا باينة فيك لسانك طويل المرة اللولة قټلك متعانديهش هو صعيب بزاف لحد الان معلاباليش شكون الغالط فيكم ولكن انا على حساب واش حكيتيلي واش دار فيك مرجوعك عندو غير ينساه _ ياو انا منرجعلوش برحمة الوالدين ونفضل نبقا طول حياتي في دارنا حتى ولو بلا طلاق ومنرجعش عندو لوكان مانعرف واش يعيشني في قصر منقبلش اخويا كرامتي دحس عليها وفات لوكان يطلب السماح الف مرة يفرشلي الجنة يجيبلي قصر بالكانيش بالجاكوزي منيش قابلة نرجع عندو حتى دقدق الباب قاټلي هادا سير هو لا كان هو انا نهدر معاه بالفهامة باه يطلقك _ ياودي والله ما يفهم ما فهمتش كيفاه قرا القراية تاع الطب وراه طبيب لي يشوفو يقول كلوشار عمرو لا قرا الثقافة والو يعرف العلم تاع العلم مخ فالقراية وبنتو راني شاكتها تخرج ليه بصح الثقافة والذكاء الاجتماعي صفر سمعتها تهدر وتضحك وشراكي نجاة لاباس عرفتها جارتنا خرجت نجري كي شافتني جات تجري تعنق وتعاود كانت صحبتي وجارتي الروح فالروح قبل مانتزوج وشحال عندي ماشفتهاش حتى انا توحشتها وبادلتها الحظن شافت فيا عاش من شافك ازينة كيفاه حوالك كيفاه راكي عايشة محلبتيناش كامل قالولي داك سيد الرجال شفت ماما تعوج في فمها وراحت قلتلها والله لاباس حتى نتي عاش من شافك _ الله يعزك حنونة كي سمعت بيك جيتي قلت والله نروح عندها راني خارجة ندور شويا فالمدينة كشما نشري زعمة لا تخرجي معايا
يتبع