رواية چرح المشاعر الفصل 70-72-73-74-75 بقلم أمال جوري حصريه وجديده

توحشت طلتك عليا كي نجي مالخدمة توحشت هبالك وزعافك توحشت كلش فيك ارانيا ارجعي عندي راكي خلفتي الضړبة بالدوبل ارجعي خلاص منزيدش نعاود _ سما نتا حبيتني على جال زيني ولاطاي ديالي _ انا حبيتك بدون اسباب حبيتك نتي رانيا محبيتش زينك وماحبيت حتى حاجة فيك حبيت روحك الانسانية ولي زاد خلاني نعشقك كيفاه تربيلي في بنتي ودايرتها بنتك تحفظيلها فالقران حتى ولات تضل تعاود فيهم وقبل ماتجي ترقد وتقرا اذكارها الله يجعلك من اهل الجنة حبيبتي كل يوم تبينيلي بلي روحك نقية رانيا مروان يحبك نتي كشخص تعلق بروحك وبنفسك لي عزيزة عليك حتى هاديك الحرارة والنيف لي يديك على لي عزاز عليك وحبيتهم تاع صح حبيتك يا رانيا وعمري لا حبيت واحد كيفك والدليل كيفاه راني نحلل فيك كي المرا روحي سقسي خواتاتي لا كاش نهار جريت ورا وحدة والدليل الثاني تحديت جدي وقنعتو يتنازل على الثروة باه نتزوج بيك وتقوليلي متحبنيش سما لوكان نحبك كيفاه نتي لي غبية ومتعرفيش تخمي وتزيدي تقوليلي منحبكش ونحب وندي لي يعجبني _ انا عمري حبيت في حياتي وعمري لا شفت في راجل نتا الراجل الوحيد لي عشت معاه وتعامل معايا معاملة الحيوان _ بقا ساكت حتى ناض يغنيلي فالغنية تاع شاب عقيل عندو وحد صوت يزعزع انا وحرك فيا المشاعر سالولي عليها وجيبولي خبارها .. لا راها مغبونة ولا مهنية .. ولا مازالها تجبد عليا .. ولا خلاص راهي ناسية .. متحكولهاش واش راه صاري فيا .. بلي نبكي كي نتوحشها .. باش أي لا ولاتلي سيتادير تبغيني . .. يا لي نسيتينا عينيا دمعو تاع صح توحشتو صح بينلي بلي يحبني بصح والله ماقدرت ننسا واش دار فيا الله غالب القلب لحمة سكت شويا وقالي متوليش عندي مزال ميحنش قلبك حتى انا نغنيلو تستقاملك غالية كي تعرف قيمتي .. مهما تعيش متلقاش كي حنانتي.. تعيا دور تغيضك خسارتي .. في هادي الدنيا .. ونقولك صايي صايي صايي ليك منوليش _ والله ماتحشمي تاع صح اهااه تزيدي ټعذبي فيا بصوتك _ مروان تصبح على خير نعست راح نرقد ماهدر والو بقا غير ساكت حتى كوبيت عليه حطيت راسي على المخدة ونفكر كل حاجة معاه نهار يتمسخر معايا نهار شرالي الشوكولا ونهار خرجني نشري كل حاجة نهار حكمني كي جيت راح نطيح نهار رحنا نحو الزيتون ولبس ديك اللبسة توحشت هادوك اللحظات بصح الله غالب عيوبو هوما لي خلاوني نقسي عليه معلاباليش علاه راني حابة نطلق منو وفي نفس الوقت منش حابة نرجعلو هاديك الليلة ماجيت نرقد بالسيف .
ديري الجام متنسايش جزء
غدوة منذاك نضت لقيتو باعث الف ميساج خليتو ورحت غسلت لقيت ماما صبحت عليها شربنا الحليب وقاټلي انا راني رايحة كشما نقضي للدار واذا جا راجلك جابلك الطفلة افتحيلو الباب نورمال فهمتي _ ايه خلاص روحي مهنية وواش ندير الفطور _ ديري روز وصايي _ ورحت نطيب فالغدا 3 2 1 حتى صونا الباب عرفتها بلي هو محبيتش نفتح بالخف باه ميقولكش كانت تستنا فيا زاد صونا زوج مرات باه فتحت الباب هو مشفتش كامل فيه ديراكت رحت و سبحان الله حتى هاذي الحركة وتوحشتها شاف معايا ضكا نتي متحشميش على روحك ولا وشنو _ علاه نحشم اسيدي _ تلبسي فالمزير وتلمعي في شواربك وټعذبي فيا ولا وشنو _ ياودي بنتك