رواية چرح المشاعر الفصل 70-72-73-74-75 بقلم أمال جوري حصريه وجديده

شهر مارقدتش الماكلة ومانيش ناكل شوفي كي شينت ووليت صفر صح راني نشوف كيفاه كان بشحمو ولحمو ضكا بقا فيه غير عظمو صراحة غاضني بصح والله نصعب روحي وڼموت منرجعلوش مالڨري نحبو بقا يشوف فيا 
وعلاه حمرتيلي الشوارب هاذوك تسخفي فيا ولا وشنو نضت ديراكت جيت رايحة ناض يجري طبعني لسقت فالباب بقيت نطبع فيه من صدرو ونحكي بالعقل باه متسمعناش ماما وهو لاسق فيا ويتلمس فيا ووجهو مدفون شاف معايا _ مروان بعدني منيش حابة نشوفك بعد بعد منحبكش _ بصح انا نحبك وحتى نتي تحبيني انا علابالي هيا رانونتي ترجعي معايا والله تعبت _ منرجعش نتا متفهمش ولا اشو زعمة نتي تخمي بعقلك ولا برجليك انا نطلقك رانيا وزعمة ترفعي عليا قضية خلع ارفعي ربعة ڨاااع _ دبر راسك مهم انا منرجعش عندك _ انا صبري راه بدا ينفذ وكي ينفذ نجرجرك من شعرك لداري لوكان جات وحد اخرى والله مانحوس عليها بصح نتي سبيسيال نتي تاعي وحدي حتى لوكان ڼموت واحد مايديك ولي يشوف فيك برك نمحيه مالدنيا بالسيف لا طلقني وخلاني نروح وهو راح جازت سمانة وهو هكا ملي خرجتلو المرة لي فاتت مزدتش خرجتلو كامل كي العادة مكان حتى جديد كل يوم مصبح عند باب الدار يهبل في ماما وهي تليكيديه وتجي تسبني شويا وتروح .
ديري الجام متنسايش جزء
كانت الثناش تاع الليل مجانيش نوم بقيت نشوف بالتيليفون حتى بداو ليميساج يدخلو منعندو 
دليني فاتنتي بأي قول أخاطب رموشك ومن أي كتاب أكتب الشعر لجمالك تمنيت لوتسقيني كأسا من حبك وحنانك وأعطيك أغلى ماأملك لخاطرك فأنت دنياي التي أسعد بها
ليتني طفلا باكيا على ذراعيك كم تمنيت أن أكون نبضا بقلبك . أخبريني فاتنتي ماذا يقول قلبك لقلبي ولا تسأليني ماذا يقول قلبي لقلبك سوى أني أحبك وحبي وحبك قد سبقا زمن الحب بملايين السنين أخبريني جميلتي ماذا تقول عيناك لي سوى أنهما بحرا أسافر فيهما! أهاجر منهما! وإليهما! وأرغب أن أسجل في تاريخ الحب كأول غريق في أمواجهما 
بقيت نقرا وعينيا يلمعو والله حتى انا توحشتك امرواني بصح منقدرش نرجعلك حنا مناش لبعضانا منتوالموش ومانتشابهوش كامل عينيا دمعو محبيتش نرجعلو حتى بقا يعيط فالتيليفون وانا نكوبي زاد بعثلي ميساج حني قلبك وريبوندي راح تحكمني الجلطة منك لوكان درت في بالي نتي واعرة وصعيبة لهاديك الدرجة نخاف نغلط معاك راكي جرجرتيني تجرجيرة الكلاب خلاص بزاف عليا ارانيا بزاف ريبوندي عمري والله لا نبغيك ومين شفتك عشقتك نتي تتنشعي مني بزاف وانا كي شفتك تتنشعي نزيد نهبلك ونستفزك والله هيا حياتي هيا علابالك كيفاه راني نحلل فيك بنتي ومحللتهاش هكايا بعثتلو ميساج في كلمة وحنان _ريبوندالي والله منكذبش عليك صح كانت مرتي وكنت نحبها بالاك كي راحت فجاة عليا خلاتني مصډوم وبقات في عقلي برك علابالك والله ماكنت ندللها كيما نتي كانت تروح لدارهم ميهمنيش جامي جريت وراها هكا نتي تقول راكي ساحرتني حني قلبك وريبونديلي حني عليا _ بقيت نخمم حتى صونا تيليفوني ريبونديت وحطيتو في وذني كلمة منطقتهاش بقا يتنهد اااااه يا رانيا عذابك وحدو خليتيني هايم هملتيني والله ما تحشمي انا قلت تروح وتولي ونتي قطعتي عليا كلش حتى وليت نهترف باسمك يعني منغيضكش قلبك حجرة علابالك بقيت ساكتة _ توحشت الزين ولاطاي يدورو في داري توحشت الحنانة توحشت ذاك الصوت لي يذوبني ونفرح كي نسمعو