رواية چرح المشاعر الفصل 70-72-73-74-75 بقلم أمال جوري حصريه وجديده

رواية چرح المشاعر الفصل 70-72-73-74-75 بقلم أمال جوري حصريه وجديده 
جزء
كي خرجت عندو غير شافني بقا باهت فيا حكم فيا النظرة محبش ينحي عينيه مني بقا مدة وهو هكاك غلقت الباب ورحت قعدت فوق الفوتاي الحركة لي نديرها نلقاه يتبع فيا بعينيه سخفني عليه قتلو انعم قالولي حبيت تحكي معايا اتفضل راني ليك ... بقا كيما راه حاجة ما تبدلت فيه _ لا متحكيش نقدر نروح معنديش الوقت كيفكيف حاجة ماتحركت فيه بالسيف لا نطڨ علاه علاه ارانيا علاه ټعذبي فيا علاه _ علاه حتى نعذبك اخويا كشما درتلك ياك نتا قتلي روحي على روحك ومانسحقكش ويجو موراك عشرة علاه تحوس عليا ضكا _ رانيا راكي شافية نهار قټلك كي تطيح السما على لرضلي نولي ما نحبكش _ ايه شافية _ والسما على اللرض مايطيحوش مستحيل بلعت ريقي وصلي ميساج بلي يحبني بطريقة غير مباشرة شفت معاه ضكا احكي واش عندك خليني نروح _ علاه حتى تروحي انا كي شفتك الروح رجعت فيا الامنية الوحيدة لي مكنتش داير في بالي يجي النهار لي نتمناها هي اني نشوف رانيا برك يخلوني نشوف رانونتي _ رانونتك كنت داير فيها الشطلي يطلي وضكا تحوس عليها _ هيا ترجعي عندي بنتي سماطتلي الحياة بلا بيك والله هيا تولي عندي راني وحداني نتعذب كل يوم مصبح عندك نطبطب فالباب هيا حياتي هيا _ ماللخر تاع اللخر لا جيت باه ترجعني غير روح شوفلك جيهة وحد اخرى وانا خلاص منرجعش عندك صيبو مستحيل تفرشلي الجنة منرجعش عندك مروان راني حالفة ولا نتا مريض انا مريضة عليك ولا نتا سامط انا سامطة عليك ولا حبيت متطلقش متطلقش نفضل نبقا معلقة ومنرجعش عندك _ بصح علاه زدتي زينتي وربيتي الفورما راكي تاكلي مليح نتي شابة من بكري وزدتي تزينتي ولبستيلي المزير وحمرتيلي ذوك الشوارب لي نبات نحلم بيهم علاه علاه والله لا قټلتيني جاتك تتزيني غير كي جيتي لداركم وكي كنتي عندي وعلاه ماكنتيش تحططي هكا تديري فالسكارة وتقوليلي ظالمك نتي لي معرفتيش تمشي معايا ومعرفتيليش العقلية _ ضكا لي فات ماټ ومنزيدش كامل نخمم فالماضي نخمم غير فالحاضر صيبو _ هيا ترجعي عندي حياتي هيا والله توحشتك وتوحشت حنانتك وهبالك هيا وايناس تضل تبكي عليك حتى وليت كل يوم نجيبها عندك خطړة بكاتلي فالليل حتى جبتهالك باتت عندك هيا عمري تعيشي ني مبقيتش راجل قدامك راني نحلل فيك تعرفي كون يشوفوني صحابي كيفاه نحلل في وحدة عقلها عقل ذراري والله الهيبة تروح هيا حنة حنة حنونتي تحن عليا هيا بنتي هيا راني نديرلك كي ايناس مترجعيش _ منرجعش مروان خلاص غير روح تروح _ رباني كيفاه نديرلك انا ضكا خلاص ارانيا حتى نتي مشي ساهلة وشحال من مرة تجرحيني وكي تبقاي تطيري متخلينيش راجل قدامك والهدرة تاع طلقني باه نتزوج بصاحبي علابالك قلبي حكمني عليها قريب شربت الشراب مزية لا هداني ربي سبحانو ورحت صليت باه رحت عند المخنث هاذاك عطيتو طريحة مترجعيش _ نونو بقا يشوف معايا بهاذيك النظرة تاع واحد تعبااااان مشتااااق مسكييييين شاف معايا والله لا عييتيني يا رانيا ملي شفتك من نهارك اللول ټعذبي فيا وتعيي فيا و هاذي المرة حطمتيني دار صباعو تحت عينيه ويقولي شوفي شوفي برك الرقاد ومنيش نرقد نبات نخمم فيك تديني عيني نحلم بيك ونعاود نفطن راني في