رواية چرح المشاعر الفصل 70-72-73-74-75 بقلم أمال جوري حصريه وجديده

خايفاتك _ اه يا ربي ياه تقولي ماتحشمش علاه انا لقيت كيفاه نحكمك كيما درتلك محكمتكش هيا ترجعي راح نهبل والله مابقالي عقل في راسي هيا ترجعي
ديري الجام متنسايشجزء
_ مانرجعش يا عبد ربي متفهمش ولا نرجع بالسيف ياك قتلي ميتين عليا فالسبيطار وتروحي نتي يجو موراك عشرة نتا لي سرحتني وحدك وجبتني بيدك لباب دارنا الشوفة مشفتش فيا علاه راك تحوسني نرجعلك ضكا واش من سبب يخليني نرجعلك امروان _ ايناس وحبي ليك هادو اسباب مقنعة باه ترجعي عندي هيا والله تعبتيني وميزرتيني خلاص عييتيني وهبلتيني اعطيني الراحة يا بنت عاقيلة بنت السلطان ومادرتي فيا ترجعي ولا ماترجعيش _ مانرجعش _ صحيتي مالا ماترجعيش _ ايه منرجعش _ هكا _ ايه هكا _ واش تحوسي رانيا واش تحوسيني نديرلك _ تطلقني _ مالا انا ثاني مانرجعش تسالني منرجعش _ روحي معليش راني صابر كاش نهار نجي نجرجرك _ ها تحلم تجي تجرجرني وكوبيت عليه يايما كي مالقا كيفاه يوصل ليا يقولي والله تخرجو مالدار يخرج اسيدي خرج والله هاذيك الليلة رقدت مقنوطة .
جازو يومين يجيبلي ايناس كل يوم تبكي مسكينة وتحلل فيا باه نرجع تقولي فالليل ديما نقول لبابا جيبلي رانا وهو يقولي رانا متحبكش ومهيش راح تجي بصح انا فهمتها بلي نحبها وراح نرجع عندها كي نبرا برك حكاتلي على باباها ثاني يضل يحكيلها عليا جاني الضحك عليه وهكاك ومزال مبردش قلبي انا نصبر نصبر نصبر بصح كي نطرطرق واحد مايحبسني .. النهار الثالث جات عجوزتي وطفالاتي كي شفتهم فرحت يماه عندها ما سلمت عليا قلبها طيب ونقي وبيض هايلة المرا هادي رحبت بيهم وانا ولبنات عندنا ماتعانقنا حتى ماما رحبت بيهم بزاف ودخلتهم للصالو وانا رحت للكوزينة وجدت سنيوة فيها الفاكية وال وياغوت ديتهالهم حطيتها وقعدت معاهم وشړاكم لاباس عاش من شافكم _ الله يسلمك بنتي حتى نتي عاش من شافك توحشناك _ يتوحشك الخير خالتي شافت مع ماما ونتي يا عقيلة كيفاه الصحة لاباس _ نقولو الحمد لله هاذي الساعة ملي راح المرحوم تبدلت شويا العقلية بصح الصبر وخلاص وصحتي راحت مع وليدك وبنتي جرجروني معاهم _ حتى انا جرجرني ملي ينوض وهو عيطليها احكي معاها احكي مع يماها والله غير هبلت في بلاصتهم مافهمتش واش صرا بيناتهم حتى راهم مش حاملين بعض وحابين يرجعو ومش حابين في نفس الوقت _ ياو انا نقولك واش صرا بيناتهم انا بنتي فلفلة حرة لسانها متبري منها ترد الهدرة للراجل وراجلها قلوقي يعطيها طريحة ويسبها وهي تزعف قالتلها والله عرفتها اصلا مروان مقلق بزاف ويهدر بزاف لسانو ثاني مشي ليه وانا ليوما جيت لعند رانيا نهدر معاها باه ترجع لعند راجلها وبنتها ملي راحت هملو بينزوج خلاتهم ضايعين خاصة الطفلة تضل تبكي يا عقيلة فهمي بنتك _ يا ختي انا واش راح نقولك انا بنتي حكاتلي كيفاه كان معيشها مروان وماعجبنيش الحال عليها وقلتلها مترجعيش عندو بصح كي عرفت بلي هي ثاني تردلو الهدرة وتسب راجلها معجبنيش الحال ثاني وبينزوج غالطين وانا کرهت منهم بينزوج هي تحبو وهو يحبها وعقيلة فالوسط حالة فمها ضكا شوفي مع الطفلة لا راهي حابة ترجع خلي ترجع بصح لازم يحتارمها والغلطة اللولة ما تتعاودش ولا مهيش حابة انا مندخلش فيها ومانسيفش عليها راهي كبيرة و هاذي حياتها هي لي راح تعيشها قالتلها عجوزتي عندك