رواية چرح المشاعر الفصل 70-72-73-74-75 بقلم أمال جوري حصريه وجديده

بلي نحوس عليه ڤضحت روحي ..دخلنا رحبو بينا تاع صح شحال متواضعين خاصة باباها هادي وحد اخرى مشي لي كان راح يخطبها المرة اللولة جايين قيسهم قيس روحهم كيفاه يهدرو يماها تهبل تهبل والطفلة ماشاء الله ماخصها والو شابة وحلوة ومسرارة ودبدوبة عجبتني بزاف قعدنا فالشومبرة لي فرشوهالنا وكانو ثما ربع خواتاتها ماشاء الله كامل شابات وحلوات ومسرارات كيما هي سلمو علينا ورحبو بينا جداها ثاني مسكينة هايلة غير ترحب وتعاود وخالتها كانت ثما ثاني ضيفونا وحطو من كل خير بقينا نقصرو مع بعض وانا كنت قاعدة وسط عجوزتي وصفية واية قدامنا وماما كانت مع حبيبة مرت خويا تحكي معاها هي ويماها عجبتها داتلها عقلها تبان عاقلة ومربية وتستحي وحشومية ومشي متكبرة كاين انسان غير تشوف ليه تعرف لا خبيث ولا لالا ولا قلبو كحل ولا بيض دخلو فالموضوع ديراكت وقالو حابين بنتكم لوليدنا حكيم وقالتلهم ماما انا وليدي لاباس بيه خدام ويجيب مصروف جيبو قيسو قيس روحو راح يعيشها لاباس بيها ونشاله معاه مايخصها والو والسكنة تسكن معايا راني انا وحدي فالدار والدار واسعة وعندي وليدي واحد وبنتي وحدة رانيا ونشاله مايكونش غير الخير رجعتلها يمات العروسة حتى حنايا ناس ڨلاليل قيسنا قيس روحنا والكلمة الكبيرة تعود لباباها وانشاء الله يكون بيناتنا مكتوب هاديك خالتها طول القعدة تشوف معايا وتتبسم حتى قالت لماما و هادي هي بنتك _ ايه بنتي الوحيدة والصغيرة _ الله يبارك عليها عجبتني بزاف حابة نخطبها لوليدي ضحكت معاها عجوزتي وقالتلها هادي عروستي _ ااااااا اسمحيلي مكانش علابالي الله يبارك حتى هاذو الزوج غزالات ماشاء الله عرايسك تاني _ لالا هادو بناتي ومشي متزوجات _ الله يبارك عليهم نشاله حتى حنايا يكون بيناتنا مكتوب خاطر وليدي ماخصو والو خدام فالعسكر _ ان شاء الله جابولنا القهوة والحليب سقهوينا وعجوزتي وصفية غير يهدرو قالتلها صفية يما شوفي هاديك البوڨوصة بالاك تعجب خويا ويتزوج بيها _ ايه والله ماشاء الله عليها باينة يهبل عليها شفت معاهم شكون فيهم كاين زوج خاوتكم مشي متزوجين _ لالا مناش عليهم رانا على مروان بالاك تعجبو هاديك البيضة الدبدوبة هو يحب بزاف الدبدوبات واش رايك يما فيها نصورهالو ونقولو عليها بالاك تعجبو ويخطبها _ ايه صوريهالو والله حتى انا عجبتني سكرة الطفلة باينة تديلو عقلو هوما يهدرو وانا قلبي ينغز فيا كيفاه هادي متزوج ويحوسولو على العروسة مام عجوزتي شافت وجهي كي تقلب وماعجبنيش الحال كنت حابة نهدر بصح مقدرتش حكمتني الغصة البكا وجاني بالسيف لا شفت معاها وقلتلها بصح يما مروان متزوج كيفاه يتزوج _ ايه واش نديرلها مرتو محبتش ترجع عندو لازملو مرا تدفي فراشو _ سكت مالقيت مانقوللها وكملو يخيرو في لبنات وانا طول القعدة مقنوطة وحابة نبكي صح لازملو مرا راه في 3اشهر وحدو حتى للدقيقة لي كنا رايحين فيها تفاهمو على العرس وزغرتو وخرجنا ماحسيتش كامل للطريق باسكو صح كانت خليقتي مڨلبة رحت رقدت ديراكت العشا ومتعشيتش .
ديري الجام متنسايشجزء
غدوة منذاك صبحت كارهة كامل قاټلي ماما هيا تروحي معايا للبلاد نحو شويا لوز وشوي حمص محبيتش قاټلي مالا نروح وحدي ونتي بالاكي على روحك _ خلاص معليش روحي مهنية ماما راحت هي وخويا وانا بقيت ندير فالغدا كنت لابسة روبة قصيرة اصلا خويا ميدخلش بزاف للدار سما نلقا راحتي في دارنا انا هكاك والباب ولا يصوني