رواية چرح المشاعر الفصل 76-77-78-79-80 بقلم أمال جوري حصريه وجديده

رواية چرح المشاعر الفصل 7677787980 بقلم أمال جوري حصريه وجديده 
.جزء 76
غير صونا تيليفوني رحت نجري نشوف شكون كان علابالي هو باسكو هاديك السمانة غير نستنا فيه يعيط معيطش هزيت التيليفون لقيتها صفية رفدت عليها الو صفية وشراكي جاني صوتها حزيييين وشغل تبكي _ صفية وشبيكي غير الخير ختي وشبيكي _ اسمعيني نقولك حاجة بصح متنخلعيش _ يايما خلعتيني كيفاه منتخلعش ونتي تبكي واش كاين _ مروان خويا هي قاټلي اسمو وانا لحمي شوك ديراكت عيطت يخااااه وشبيييه _ الله يرحمو هي قاټلي هكا وانا وليت نسوطي لربي لي خلقني ونبكي ونعيط وشبيييييييه وشبييييييه كيفاه حتى مااااات كيفاه غير السمانة لي فااتت كان يجي عندي كيفاه خليتها بالبكا وماما ما فاهمة والو غير تكالمي فيا وتحوس تفهم واش صرا وصفية انا نحكي معاها وهي غير ساكتة حتى كوبات عليا بقيت نعاودلها ونعيط ونبكي ويديا يرعشو مقدرتش كامل نحكم التيليفون ست مرات وانا نعاودلها وهي تكوبي عليا زادت هبلتني كثر زدت في عياطي حتى خبطتني ماما بكف باه قدرت نشوف فيها وشبيييك يا طفلة واش كاين لاه راكي تديري هكا اهدري واش كاين _ يا ماما مروان مروان ماټ ماټ مفهمتش كيفاه ماټ يا ماما كيفاه ماټ حابني نهبل _ اوخذتي كيفاه ماټ الله يسترنا واش كاين اصبري نعيط ليماه نشوف واش كاين يا ربي استغفر الله وراحت جرية جابت تيليفونها وعيطت لعجوزتي هزت عليها ديراكت الو ختي ربيعة وشبيه مروان كيفاه حتى ماټ _ ااااااااه بعيييييد شړ على وليييدي علاه حتى يموووت بعيد الشړ الله لايبليه راه هادا وين كان عندي وضكا راه مع خواتاتو وشكون قاللكم دي الهدرة _ يااااايما على بنتك عيطت لرانيا وقالتلها راجلك ماټ الطفلة قريب هبلت مازالها تبكي وتسوطي _ اوخذتي كوبي كوبي عقيلة ضك نعاودلك وكوبات عليها شافت فيا ماما لقاتني مزالني نبكي ونشهق ونتنفس _ بلعيييي يتمسخرو بيك شحلك بصح السيد يضل يحلل فيك ومحبيتيش ترجعي بقيت كيما راني مزال مستوعبتش بلي يتمسخر بيا بصح كيفاه مثلتها تقول صح ماټ اربي صونا تيليفوني هزيت بالخف جاني صوتو يضحك من قلبو قالولي بكيتي عليا كاين منها محبيتش نهدر مزالني تحت الصدمة _ ايما راكي تشهقي ياو منموتش ارانيا نبقا معاك حتى ڼموتو كيفكيف خطفتلي ماما تيليفون وعلاه يا مروان وليدي وعلاه هبلت الطفلة قريب ماتتلي مالبكا والعياط هبلت ارواح اديها عليا واخطوني متزيدوش تجو عندي ارواح يرحم باباك وكوبات عليه جات عندي ياو يحصرك اطفلة يتمسخر بيك نوضي راه جاي يديك نوضي مادام مېتة عليه لاه راكي قاعدة عندي نوضي _ ماما قولي والله يتمسخر _ ياو يتمسخر اطفلة والله لا يتمسخر معاك ياك هو لي هدر معاك فالتيليفون راه جاي يديك ثم ثم وليت نضحك بالدموع من كثرة الفرحة المخلطة بالشوك عنقت ماما شفت معاها ماما نقولك حاجة باه يروح يخطيني ومايزيدش يجي لازم نشرط شروط شويا كبار مايقدرش يلبيهم هكا يقولي لا منقدرش اسمحيلي خلاص منقدرش نرجعك _ هاذاك الحلوف ثلث اشهر يجري موراك مع اللخر يقولك منقدرش ي روحي يا سيدي ضكا يجي واتفاهمي معاه وصيبو سكتت عليا ساعة حتى صونا الباب راحت حلت ودخلاتو للصالو سباتو بالڨصرة وهو غير يضحك قاټلو علابالنا صح حتى جات عندي روحي راه يستنا فيك مسحت عينيا ورحت لقيتو متكسل فالصالو رجل على رجل غلقت الباب شاف معايا يا عمري عينيها كيفاه راهم منفخين يا عملي يا عملي كون عرفتك تبكي لوكان يا حصراه ملي درتهالك _ والله ماتحشم علابالك برا وحد كاريزما والرجلة وقدامي تبان ذراري علابالك ذراري حتى يماك ويما قالو عليك ذراري حتى انا وقالو عليا ذراري _ ايه نورمال هادي هي بنة الحياة تكون مهبول