رواية چرح المشاعر الفصل 76-77-78-79-80 بقلم أمال جوري حصريه وجديده

تاعو وصا ايناس باه متتبلاش وقاللها ابقاي مع ماما راهي مريضة مسكينة وهي طفلة تاخذ الراي خاصة باباها تخاف منو ولازم تاخد رايو جا عندي باس راسي وراح وانا بقات معايا ايناس تسوطي فوق المطرح وانا مكسلة كي المېت ثما مانعرف شحال جاز الوقت حتى لقيتو عند راسي يمس في وجهي لقاني كيما كسلني راح للخزانة جاب جلابة لبسهالي والخيمار عدلهولي ايناس زادلها فيستا خفيفة مالفوق برك وخرجني للطونوبيل ركبت وديمارا ديراكسيو للسبيطار نزلني ودخلني لوحد الشومبرة وراح عيط للطبيبة جات ماعرف واش حكا معاها وجات عندي غير شافتني وسقساتني وشبيا قاټلو هادي باينة راهي اونسات _ ايه علابالي حتى انا قلت هكا بصح جيت نتاكد خير منيش طبيب النسا جات عندي فحصتني قدامو وانا مت بالحشمة شافت معاه مبروك عليك دكتور مروان المادام بالحمل وزادت شافت معايا مبروك عليك مادام راكي اونسات في شهرك اللول بالباراكة وخرجت شاف معايا ضحك وقالي مبروك علينا مزية ظهر في وسطنا وماظهرش كي كنتي في داركم ضحكت معاه مبروك علينا مرواني العقۏبة للثاني نشاله _ ان شاء الله جا عندي نوضني قعدت هبطلي حوايجي شاف معايا قرب عندي باسني وحدة سما ايناس راح يجيها خوها _ ان شاء الله يا ربي مسكينة تلقا معامن تتونس وهي تضل مخزونة فالدار _ راه قريب يوصل الصيف نولي نخرجكم فالليل للجاردا لي قدامنا _ ربي يخليك علابالك كنت فشلانة كامل سمعت بهاذا الخبر المفرح نشطت _ الله يخليها دايمة هيا عمري نولو لدارنا ونخبرو انوستك نوضني وخرجنا تلاقينا مع هاديك الفرملية غير شافتني بدلت الطريق ركبتلها الړعب حتى هو فاقلها وناض يضحك قالي المخلوقة واقيلة راكي تخرجيلها في منامها _ ايه حاجة باينة منقبلش لي تخزر في حاجتي ولي تدنا لصوالحي نمرمدها _ واعرة واعرة وصعيبة بزاف هيا نروحو ضكا وصلنا للطونوبيل ركبني وزاد ركب دار عند ايناس باباتي ماما رانا راح تجيبلك خوك باه تولي تلعبي معاه _ صح بااابااااا وييييين راه _ راه في كرشها _ اجبدو بابا _ يا بنتي مشي ضكا لي يجي لازم يطول شويا منبعد يجي ايه بابا سكتت درت عندها انوستي خوك راه في بطني وكي يكبر لداخل يخرج عندك ونعطيهولك نتي تربيه واش رايك تبسمت التبسيمة الحلوة تاعها وديمارا حتى وصلنا للدار
ديريلي جام متنسايشجزء
دخل الطونوبيل للقاراج شاف معايا هيا رانيا اهبطي نتي وايناس وانا نفيريفي الطونوبيل ونجي صحا عمري _ اوكي مرواني دخلت للدار ديراكت نحيت العباية طيشتها وايناس بدلتلها وخليتها تتفرج في توم وجيري وانا تكسلت فالفراش حتى دخل عليا صافا رانونة. _ والله شويا برك الفشلة حكمتني _ معليش تصرا تصرا شاف مع ايناس باباتي واش راكي تتفرجي _ القط والفار _ لالا قوليلي نتفرج في ماما وبابا ضحكت شاف معايا تضحكي يا الفارة نتي لي تقامري وتنڨرشي بزاف _ نورمال _ ايه نورمال عندك الحق باسكو مروان لي ټعذب مسكين _ جزاؤو مروان _ جزاء تاعو _ اممممم _ معليش نتي عذبي فالنهار وانا نعذب فالليل حليت فمي وغميت وجهي فالمخدة خليتو يضحك حتى مانعرف كيفاه داتني عيني .. سمعتو ينوض فيا حليت عينيا شفت معاه مرواني خليني نرقد _ اعمري راه الليل متنوضيش لازم شوي طاقة شوي ماكلة _ لا مناكلش الطعام تاع الصباح دار على قلبي _ معليش كولي ورجعي كولي ورجعي على جال صحة البيبي رانيا هيا ومام صحتك ياسيدي شحال تدللي هادا وين راكي في شهرك اللول مينبا ادخلي فالثالث وابداي بالدلال بقيت نشوف معاه _ واش راكي تشوفي بعثتلو بوسة فالهوا ونضت تسوفجتي يا الحلوة _ ممممم مع مرواني مشي غير نتسوفج برك غسلت وجهي وروحت للكوزينة مالقيتهم دايرين والو يايما مساكن خليتهم جيعانين خاصة ايناس طيبت شربة بحليب ومروان درتلو سلاطة تاع الخضرة غير هي لي تسلك حطيتلهم وعيطتلهم جاو كلاو جيت نغسل الماعن شافني عيانة راح نطيح كامل خلاص رانيا روحي ريحي انا نغسلهم ياك زوج طباسا برك شفت معاه يا عمري على الحنين تاعي نحيت عليا هم