رواية چرح المشاعر الفصل 76-77-78-79-80 بقلم أمال جوري حصريه وجديده

كبير بستو على خدو رجعهالي ورحت تكسلت الفشل فشلانة والنوم نعسانة بصح مقدرتش نرقد حتى دخل عليا يمسح في وجهو بالسربيتة شاف معايا كيفاه راكي ضكا _ كيما قبيلة حكمتني الفشل فالعظم _ معليش تجوز نشاله لازم تصبري انا نروح نرقد ايناس ونجي عندك نرقدك اوكي _ اوكي بابا _ ضحك معايا انا باباك _ ياك سمعت نسيبتك كي قاټلي ديريه باباك ولا لالا _ أيا اوكي ضك نجي نرقد بنتي الشابة وراح وانا بقيت نخمم تفكرت ماما بالسيف لا نضت جبت التيليفون وليت لبلاصتي تكسلت وعيطتلها هزت بالخف الو ماما وشراكي _ لاباس يا بنتي راني مليحة ونتي كيفاه حوالك _ والله لاباس الحمد لله راني في نعمة حبيت نقولك حاجة _ غير لخير ابنتي _ ليوما رحت للطبيبة وظهرت بالحمل _ ياااااا الحمد لله يا ربي مبروك عليك صبرتي صبرتي صبرتي حتى ربي عطاك واحد العقۏبة للثاني يا بنتي _ ان شاء الله يا ماما العزيزة الغالية _ وينهي ايناس _ راه مروان يرقد فيها انا منيش كامل قادرة نوض راني مېتة ليوما _ معليش كامل كنا هكا وزيدنا وكبرنا الذراري نورمال بالعقل حتى تجوز وصايي _ اللهم امين _ حقا كيفاه راكي مع راجلك راكم لاباس ولا خاطي _ لوكان نقولك يا ماما كيفاه ولينا تاع صح تبدلنا وولينا كيما الازواج كامل وهو مسكين راه يعاوني ليوم هو غسل الماعن في بلاصتي ربي يحفظهولي _ ها الحمد لله يا ربي الحمد لله يقولك الضړبة اللولة تعلم ونتوما راكم تعلمتو بينزوج ربي يدوم المحبة بيناتكم ويزيد يقويها لي راه جاي نشاله وكل يوم ارقو من الناس الحسادة يا بنتي ... 
جازو شهرين ودخلت في شهري الثالث كرشي بدات تخرج وبدا الوحم تاع الصح . كنت نفرس فالحالة كي العادة مي غير حاجة خفيفة برك ملي وليت اونسات وليت منخدمش بزاف ومنتحركش بزاف حتى هو يضل يوصي بالاكي على روحك ومتعرشيش فالسما ومتهزيش الثقيل ومتتعرايش ومتمشيش بالحفا مسكين عيا معايا وايناس ثاني هملتها شويا مرانيش مهتمة فيها كيما مقبل اصلا مبقالهاش بزاف وتدخل تقرا واقيلة السمانة هادي يسجلو تاع التحضيري ومروان قالي ندخلها في ليكول بريفي عند صاحبي وفي نفس الوقت جارنا سما هو لي يجيبها معاه باه يأمن عليها برك انا هكاك حتى دخل مروان لقاني في اسوء خالاتي نتضارب مع البالي والفروطوار انا من بكري مقلقة وزادني الوحم هبلني خلاص شاف معايا خلاص حطي من يدك ونتي قريب تتضاربي معاهم حطي وروحي تريحي حطي _ مروان انا عيييت بزاف عليا الدار كبيرة والغدا والعشا والحوايج والتسياق ملحقتش مقدرتش وزيد الوحم مالفوق كنت نهدر والدمعة على خدي منعرف علاه تقلقت جا عندي يا رانيا خلاص وشبيكي علاه وليتي سونسيبل بزاف نورمال مشي نتي اول وحدة تتوحم ولا تحمل هيا ارواحي نروحو للشومبرة ريحي شويا ونوضي كملي ولا مقدرتيش انا نكمل نورمال حظنتو لالا مروان بزاف عليك تضل تعاون فيا الماعن شحال من مرة تغسلهم وحدك نتا تتعب برا وتزيد تجي عندي نزيد نتعبك خليني نكمل وحدي
ديري جام متنسايش
يتبع