رواية چرح المشاعر الفصل 80-81-82 بقلم أمال جوري حصريه وجديده
ونتا تقول مېت هيااااااا رووووح ازرب _ منروحش صافا هكا جاني البكا هيا مروان روح وعلاه والله ما تحشم رحت عندو بستو هيا روح حكملي وجهي بين يديه علاه راكي تديري هكا علاه راكي تدللي _ راجلي مروان كااااامل ومندللش باسني وحدة وراح وانا عاودت وليت للفراش حتى غفيت ما فطنت غير على صوتو حليت عينيا لقيتو هاز الصواشي هيا رانيا نوضي راني جبتلك تاكلي نوضي _ قووول والله ونضت مالفراش قريب طحت حكمت الصاشي لقيتو جايبلي وحد زوج كيلو مع باطة لاكريم منعرف وين لقاها بالاك مزال كاين لي يبيعوها بقيت نقشر بالوحدة وناكل وهو يشوف معايا والله جامي شفت مرا تتوحم كيما نتي انا من هاذا منزيدش نقيسك خلاص _ مزية مالا الواحد يريح ناض يضحك ياو والله ونجيبو طزينة تاع ذراري منطلقك _ اممممم شحال بنينة وقارصة ارواح تاكل _ مناكلهاش منحبهاش _ مروان راني حابة نشوفك تاكلها _ أيا روحي عليا كثرتي فيها نضت نضحك والله نقصر برك خليني ناكل وحدي وكملت نقشر وناكل جا ذاق وحدة حتى زير وجهو احححح رانيا كيفاه راكي تقدري تاكلي فيها قارصة قارص وشبيكي قادر تحرقلك المصران _ لالا نتا متحبهاش برك لاباس بيها بقا مدة يشوف فيا حتى نحالي الصاشي هاتي هنا خلاص راكي قريب تكملي تلاثين حبة واش عندك في كرشك _ خلاص مناكلش حكمت الباطة تاع لاكريم لقيتها ذابت بقيت نشرب فيه شاف معايا دايرة قد الناموسة وكرشك تاع ديناصور بالعقل عليك اصاحبي شفت معاه وتخنزرت عاودت وليت للفراش وغمضت عينيا حتى لقيتو جبدني ماللور رانيا زعفتي حركت راسي بايه بقا يبوس في وجهي من كل بلاص خلاص زينة تاعي متزعفيش كنت نقصر انا لي وحش ونتي جميلة ولا واش قالو درت عندو تكيت على ظهري حطيت يديا على وجهو لالا مروان نتا مشي وحش بالعكس هايل _ انا هايل ولا غير كي تتوحمي عليا _ لالا نتا هايل لاح ثقلو عليا حتى راح فيها .. دخلت في شهري التاسع وليت كي البطة مالشومبرة منخرجش كامل حتى دخل عليا رانيا وينهم حوايج ايناس ليوم تدخل تقرا شفت معاها فتحتلها يديا هياااا عندي ماما توحشتك جات تجري دخلت في حظني بقيت نبوس في شعرها يا ماما تدخلي تقراي ليوما صح _ ايه ماما راح ندخل نقرا _ يا عمري على بنتي الشابة تدخل تقرا زدت بستها أيا روحي لبابا يلبسلك انا راني كي البالو منقدرش نوض كي تلبسي جيبيلي المشطة نمشط لبنتي مشطة شابة صح انوستي
ديري الجام متنسايشجزء
_ حركت راسها باستني على خدي وراحت عندو شاف معايا دارلي براسو وين _ شوف ثما فالخزانة تلقا روبة حمرة وبيضة
