رواية چرح المشاعر الفصل 80-81-82 بقلم أمال جوري حصريه وجديده
مع الليبة تاعها ولبسلها الصندالة الحمرة تاع البريو بقا يحوس فالخزانة حتى لقاها لبسهالها وجابتلي نمشطلها حطيتها قدامي حليتلها شعرها سلكتهولها درتلها زوج ضفاير مالقدام رقااااق ودومي كوتشوفال ماللور والشعر مطلوق درتها سيرتات تاع الروبة وقلت لمروان يديرلها بارفان تاعها ومسياستها ومناقشها تاع الذهب شفت معاها يا عمري على بنتي تهبل تهبل ارواحي بوسيني ارواحي _ جات عندي بستها تقول مزالني نتوحم عليها وقالي منبطاش نوصلها ونجي عندك صحا حركت راسي بايه تبسمت معاهم وراحو وانا بقيت نتفرج فالتيليفيزيو حتى حسيت بوجاعة خفيفية في كرشي منبعد بدات تقوا بقيت نمشي وحاكمة كرشي انا قلت بالاك مزال الحال حتى قوات خلاص وليت نبكي بالدموع ونستنا فيه عندي وحد زهر غير راح حب يخرج البيبي جبت التيليفون عيطتلو ديراكت هز عليا الو وي رانيا واش كاين هدرت معاه وانا نبكي مروان وينك ضكا _ راني جاي وصلت ايناس وضكا ني جاي للدار علاه راكي تبكي بصح _ كييفاااااه علااااه راني نبكي حكمتني الوجاااعة ازرب مروان راح نووووولد _ ياااايما على الزهر لي عندي احملي شويا ضكا نجي اصبري وكوبا عليا بقيت نتلوا مالسطر حسيتو خرج مالتحت حتى دخل عليا لقاني مشوكية ديراكت هزني وهبطني للطونوبيل لاح غير الخيمار مالفوق وديراكسيو للسبيطار وانا نعيط ونبكي نص البيبي زاد فالطونوبيل حتى وصلنا ناض يعيط عليهم جاو حطني فالسرير هاداك وجرا بيا للبلوك عيط للطبيبة يعرفها وهي لي زيدتني ما جا يخرج البيبي حتى عمري خرجت وطاقتي خلاصت كامل مزية لا كوراجاني هو ويقولي زيدي دقيقة وترتاحي هيا رانيا لازم وانا خلاص مقدرتش بالسيف لازاد وتنفست خرجو كامل بقا غير هو معايا خلاص خلاص اعمري زال الهم وجات النعم حياتي نشاله منزيدش نخليك كامل اسمحيلي _ لا مروان معليش واش ذنبك نتايا مكتوبة من عند ربي سبحانو نهدر معاه ومزالني نلهث ونبكي شاف معايا بصح علابالك خليتيها يا جدك شحال ټعيطي سلفيلي شويا من صوتك انا نعيط مرة يروحلي الصوت نورمالمو يدوك تمثلي فالدراما والعياط والبكا كنت متوجعة كي هدرلي الهدرة هادي ضحكت من قلبي هبط عندي هااااااا عمري ضحكت زيديني وحدة زيديني حاب نشوف الضحكة زيدي زيدي وليت نضحك من قلبي وهو غير زيدي اضحكي زيدي يا عملي يا عملي كيفاه تضحك ويدغدغ في وجهي باسني وحدة رانا حنونتي انا نروح نشوف وليدنا الشباب لي هبلني وهبل يماه ونجي حركت راسي وخرج شويا هكا ورجع عندي في يدو بيبي صغيييور يبوس فيه ويشم في ريحتو شاف معايا سبحان الله تقول عمي محمد الله يرحمو يشبهلو _ اعطيني نشوفو تعيش حطهولي في حجري غير مسيتو برك مشا فيا وحد الشعور احساس الامومة الله لا يحرم
