رواية لحظات من الصدمه الفصل الرابع بقلم عمرو راشد حصريه وجديده
مفيش اي مشكلة تطلقها
وحتى لو طلقتها برضو مش هينفع تتجوزها بكرا في حاجة اسمها شهور العدة ولا انت مش مسلم ولا انت من انهي ديانة
اسمع يا ابني انت انا هسيبك تمشي لو شوفتك هنا تاني هربطك هنا لحد ما ټموت
الراجل مشي و رجالته قربو مننا وقطعو الحبل اللي كنا مربوطين بيه قومت مشيت بسرعة و خرجت من المخزن دا سامح كان بينده عليا وانا بجري ومش بقف لحد ما جري ورايا و مسك كتفي
عايز ايه
ممكن تقولي رايح فين
رايح اجيب مراتي يا دكتور
هتجيبها منين هو انت فاكر أنها هتعرفك
لو حد كلمني أو حتى هي بلغت البوليس هوريهم القسيمة
كدا انت بتعرضها لصدمة تانية وليد انت مش عارف انت بتعمل ايه
اعرف بقا ولا معرفش خلاص مبقتش فارقة دا بيقولك فرحهم بكرا
خلاص احنا ممكن نمنع الفرح دا بس بطريقة تانية
انت لازم تظهر ل ملك احنا بنظهر للشخص الغلط انت لازم تخلي ملك تنجذب ليك عشان توافق تتجوزك إنما احنا ماشيين في سكة غلط
وانت جاي تقولي كدا دلوقتي
عقبال ما افتكرت
هو انت مش دكتور ولا انت سباك ولا انت حكايتك ايه
لحد هنا وتقف انا دكتور محترم ومش معنى اني بساعدك انك تنسى اني دكتور وليا اسمي وليا برستيچي وسط الناس
قصدك نخلي ملك تحبك ازاي
مش فاهم يعني ايه
هي ملك بتحبك ليه
السؤال دا تسأله ل ملك مش ليا انا
لا انا عايز اعرف انت عملت ايه عشان هي تحبك الحاجات اللي انت بتعرف تكسب قلبها بيها اكيد انت حافظها اكتر منهم يعني انت اللي هتعرف تكسبها
ملك بتحب الشخص الحنين
بس يكون قاسې
ايه دا
ملك بتحب الشخص يكون عصبي كدا و دمه حامي
كويس جدا
بس في نفس الوقت لازم يبقا هادي
لا حول ولا قوة الا بالله
ملك عايزة الشخص اللي معاها يبقا تقيل كدا و راجل واثق من نفسه
جميل
بس هي عايزاه يقولها كلام حب كل دقيقة
هي تعبانة في دماغها ولا ايه
انت اټجننت يا سامح ولا ايه دي مراتي
مراتك مچنونة يا عم
هتعمل ايه يعني
هعمل اللي مشافتوش عينك
يبقا اكيد كنت نايم ساعتها
ابتسمت وقتها وقولت
دمك خفيف
أوي
بس هضربك
اوي برضو
طب ممكن كفاية هبل ومنضيعش وقت أكتر من كدا
انت اتعرفت على ملك ازاي يا وليد
كان في واحد بيضايقها في الشارع وأنا كنت ماشي بالصدفة و شوفتها و روحت عملت نفسي ظابط قدام الواد اللي بيضايقها وطبعا عملت
