زهرة_وسط_اشواك البارت_ال22 بقلم فريدة احمد حصريه وجديده

زهرة_وسط_اشواك البارت_ال بقلم فريدة احمد حصريه وجديده 
بترفع زهرة وشها وهي طالعة علي السلم اتفاجأت ب حمزة في وشها وهو نازل زهرة كانت مصډومة ومتوترة ومش عارفة تعمل ايه
بس من حظها ان حمزة كان بيقلب في موبايله ومشغول فيه مشافهاش اساسا
زهرة بسرعة سحبت نفسها بهدوء ورجعت لورا قبل ماحمزة ياخد بالو منها ونزلت بسرعة وهي بتتلفت علي مكان تتداري نفسها فيه بصت لاقت اوضة مفتوحة دخلت علطول استخبت فيها وهي حاطة ايدها علي قلبها 

بعد دقايق فتحت الباب وخرجت وهي بتبص عليه كان حمزة نزل وهو بيتلكم في التليفون وخد عربيته ومشي
اتنهدت براحة لكن كانت متوترة وهي مش علي بعضها وطلعت ل شيري مكتبها
زهرة دخلت وهي حاطة ايدها علي قلبها
شيري قربت عليها.... زهرة... حمزة كان عندي دلوقتي ولسه نازل. هو شافك. شوفتيه طيب
زهرة وهي بتتنفس بصوت عالي .... شوفتو.. بس استخبيت منو.. قبل مايشوفني 
شيري... جدعة
زهرة بصتلها.... انا خاېفة 
شيري.... خاېفة من ايه هو خلاص مشي 
زهرة.... بس اكيد هيخلي حد من رجالته هنا يراقبك لأنو اكيد شاكك اني عندك او تعرفي مكاني 
شيري.... هو فعلا شاكك بس انتي اتطمني متقلقيش. انا هعرف اذا كان مراقبني ولا لا.. متقلقيش بقا 
زهرة.... بس انا مش هينفع افضل عندك 
شيري..... ليه ما انا قولتلك متقلقيش 
زهرة..... لا هو اكيد هيوصلي... شيري انا مش عاوزاهم يعرفو مكاني.. انا لازم امشي اروح مكان تاني
شيري..... طيب خلاص. انا عندي شقة محدش يعرف عنها حاجه. هاخدك تقعدي فيها .. 
في الصعيد 
صفية.....انا مش فاهمه حاجه.. الزاي يعني زهرة بنت زيدان. مش بنت محمد 
امينة.... والنبي ياختي انا زيك. مافاهمة حاجة 
وبصت ل هارون اللي قاعد قلقان وماسك تليفونه وباين انو مستني مكالمة
امينة..... هو الزاي ده ياحاج.. يعني بعد السنين دي كلها نكتشف انها بنت زيدان.. 
صفية... انا مصډومة ومستغربة
هارون.... نلاقي البت الاول وبعدين اټصدمو واستغربيو براحتكم 
صفية بغيظ .... وانتو ليه كنتو مخبيين علينا يعني ياهارون
هارون بحدة ....مش وقتو ياصفية. انا مش عاوز لت كتير دلوقتي 
حمزة دخل كانو كلهم متجمعين 
هارون بسرعة..... ايه عرفت مكانها
حمزة قعد بيأس.... لأ 
هارون..... يعني ايه. اختفت 
حمزة بشرود ... متقلقش يابوي. كده كده هاجبيها 
وفي نفسه... طيب يازهرة. انا هعرفك الزاي تمشي وتسيبي البيت
.......... 
مساءا في اخر اليوم
عند زهرة وشيري 
زهرة ..... ها خلاص 
شيري وهي بتلم الورق اللي قدامها علي المكتب.... خلاص اهو 
و قامت وهي بتاخد تليفونها وشنتطها.. يلا... بس مش هنروح 
زهرة.... امال هنروح فين 
شيري..... هروح اعمل شعري وانتي هتيجي معايا 
زهرة.... ماشعرك حلو اهو هتعملي فيه ايه 
شيري.... هغير لونه. بقيلي كتير مغيرتوش 
زهرة .... اللي تشوفيه.. بس انا مش هينفع اجي معاكي 
شيري.... لييه. ماانا اتأكدت ان مفيش حد بيراقبنا..قلقانة من ايه بقا 
زهرة وهي حاسة بأرق ... ايو بس عاوزة ارجع الشقة علشان انام 
شيري..... يازهرة. سيبك من النوم بقا. ويلا تعالي معايا نعمل لوك جديد كده بدل الزهق والملل ده.. طب انتي مش عاوزة تعملي حاجة في وشك او في شعرك 
زهرة... لا. انا ماليش نفس اعمل اي حاجة سيبيني باللي انا فيه
شيري..... احنا قولنا ايه.. هنحاول ننسي ونعيش حياتنا... 
هاا هتعملي ايه بقا.. انا بقول تغيري لون شعرك انتي كمان 
زهرة.... لأ. انا بفكر اقصو. عاوزة اعمل قصة جديدة
زهرة في الاساس شعرها طويل جدا ولونه بني ودايما بتعملو كيرلي 
شيري بحماس..... ايوا بقا.. يلا بينا 
....................................... 
عند سهر في شقة مامتها اللي هي تحت شقتها 
لان حمزة من يوم مااتجوزها واخدلها شقة ول مامتها شقة في نفس العمارة 
سهر قاعدة بټعيط وحزينة
بصتلها لثواني اختها الصغيرة اللي قاعدة بتذاكر 
وقالتلها بتساؤل.... سهر هو انتي بتحبي حمزة. ولا بتحبي فلوسه 
سهر مسحت دموعها وردت عليها باستغراب.... مش فاهمه. ايه السؤال ده. تقصدي ايه
رنا..... اقصد بتحبيه هو ولا بتحبي فلوسه. واضحة اهي
سهر..... بحبه وبحب فلوسه 
رنا..... بس اكيد بتحبي حاجة اكتر. يعني يا بتحبيه هو اكتر يا بتحبي فلوسه اكتر 
وقبل ماسهر ترد رنا قالت... وانا متأكدة انك بتحبي فلوسه اكتر. لانك معندكيش استعداد ترجعلي للفقر تاني 
وهو ده اللي مخوفك ياسهر لأنك بكده هترجعي للفقر تاني 
سهر..... بس انا بحب حمزة. حبيتو بجد 
رنا.... طب عندك استعداد ترجعلي للفقر تاني حتي لو مع حمزة 
سهر سكتت
رنا... يبقي بتحبي فلوسه 
سهر .... اه طبعا. حمزة جبل فلوس