رواية فريد وتغريد الحلقة الثامنة بقلم عادل عبدالله حصريه وجديده
حاضر يا حبيبي .
وبعد منتصف الليل بساعتين ....
نزل فريد مع زوجته تغريد عند والدته و كان عندها اخاه شريف وزوجته هند و سمية زوجة أخاهم المسافر أسامة .
فريد كل سنة وأنتي طيبة يا ست الحبايب .
أم فريد كل سنة وأنت طيب ياحبيبي يعود عليكم الايام بخير تعالي اقعد يا فريد تعالي يا تغريد أقعدي كل سنة وأنتي طيبة يا حبيبتي .
سمية كل سنة وانت طيب يا فريد كل سنة وانتي طيبة يا تغريد يلا يا تغريد تعالي معانا أنا وهند نحضر السحور .
تنظر تغريد بدهشة وغيظ لفريد فأشار لها فريد بأن تذهب معهن .
شريف ما تسبيها يا سمية تقعد وكفاية أنتي وهند !!
سمية تضحك لأ انا عايزاها علشان نرغي شوية واحنا بنحضر السحور .
سمية تضحك عشر دقايق بالظبط وهيكون السحور علي السفرة .
قامت تغريد تعد طعام السحور مع سمية وهند بعدم رضا .
بينما جلس فريد مع اخاه شريف ووالدته ولاحظ وجود دموع في عيونها !!
فريد مالك يا ست الحبايب !
ام فريد تبكي أول سنة أبوكو يبقي مش موجود معانا وكمان أسامة ربنا يرجعه بالسلامة مش معانا صعبان عليا أنهم مش وسطنا .
أم فربد لا يا حبيبي حسكم في الدنيا ربنا يخليكوا ليا لكن الفراق صعب وبيبان أكتر في المناسبات الحلوة اللي متعودين نتجمع فيها !!!
شريف ربنا يخليكي لينا يا ماما ويديكي طول العمر ونفضل نتجمع علطول عندك حق المفروض كان أسامة رجع قضي معانا اسبوع علي الأقل !!!
فريد يلاحظ أن أخاه شريف يمسك برأسه !!!
فريد مالك يا شريف لسه بتشتكي من الصداع بردو !!!
شريف أيوه يا فريد .
فريد أنت لسه مكشفتش عند دكتور لحد دلوقتي
شريف أيوه .
فريد لا يا شريف أنت كده لازم تكشف في أسرع وقت .
شريف أنا فعلا بكره هحجز كشف عند دكتور كويس تبع الشغل .
دخلت سمية ومعها أطباق الطعام ومن خلفها هند وتغريد .
سمية أحلي سحور لأحلي عيلة في الدنيا هتاكلوا وتدعولي طبعا .
فريد يضحك أحنا بندعي عليكي قصدي بندعيلك من غير حاجة وعموما يا ستي تسلم أيديكي مقدما .
تغريد بعصبية تسلم ايديها هيه بس !! ليه هيه كانت بتجهز السحور لوحدها اومال أنا وهند كنا بنعمل ايه !!
فريد يضحك يا توتا أنتي صدقتي ولا ايه !! اصل دي لسانها مش بيبطل كلام ورغاية
