رواية فاعرضت نفسي بقلم آيه شاكر الفصل الاول والثاني والثالث والرابع والخامس والسادس والسابع والثامن حصريه وجديده
يا شهد والله ما فيه أي حاجه من ناحيتك بس منه....
سكتت تاني للحظات وكانت بتتأمل ملامحي زي ما تكون بتفكر تقولي ولا لأ وقالت
بصراحه منه دي أنا مبقتش مرتاحه ليها صحيح هي إلي معرفانا على بعض بس البنت دي فيه حاجه جوايا بتقولي أبعد عنها
قلت بتبرير
بس إنت شوفتي منها إيه يعني عشان تقولي كده... منه طيبه أوي وجدعه هي دبش شويه لكن..
يا شهد أنا لما قلبي بيحس بحاجه بتبقا حقيقيه وأنا قلبي بيقولي البنت دي مش تمام..
قلت بنرفزه وغيره على صاحبتي
يعني ايه مش تمام عيب تقولي كده!!
تنفست روعه الصعداء وقالت بنبرة هادئة
بصي يا قلبي أنا مش مخصماها أنا بس رجعت خطوتين لورا وعملت مسافه بينا... لكن تأكدي أنا وإنت مفيش بينا أي مسافات
مكنتش عارفه يا ترى هما شايفين إيه أنا مش شيفاه! انتشلني من أفكاري صوت روعه
وإنت يا شهد عايزاك تحاذري شويه من منه يعني بلاش التلقائية الزيادة دي
وقفت وقلت بحزم
إن شاء الله يا روعه... أنا همشي بقا عشان متأخرش
أنا آسفه يا شهد مكنتش أقولك كده
قلت بجمود
حصل خير... عن إذنك
كنت لسه هخرج وقفتني وقالت
بس إنت مشربتيش حاجه يا شهد!!
قلت بابتسامة ورتابة
مره تانيه إن شاء الله
سلمت على والدتها وخرجت وأنا دماغي بتلف...
روعه بنت محترمه وأخلاقها عاليه لبسها واسع وبنت ملتزمه زي منه برده!..
خرجني من شرودي صوت عصام إلي كان واقف قدام الصيدليه وأنا معديه مش واخده بالي منه قال بسخرية
مفهمتش قصده وقتها بس رديت بتلقائية
لأ كنت عند صاحبتي
ابتسم بسخرية وقال بنظرات متسائله ومتعجبه
صاحبتك!!!
هويت راسي بالإيجاب فعقد بين حاجبيه وكمل
وهي منه مش بتروح معاك في كل مكان! مراحتش معاك عند صاحبتك ليه!
خۏفت يقول ل منه فارتبكت وقلت
ياريت متقولش لمنه عشان هي على خلاف مع صاحبتي دي وممكن تزعل إني روحت من غير ما أقولها
اسمها روعه
عصام بجفاف
ماشي
حسيت إنه متغير وخصوصا لما دخل الصيدليه وتركني واقفه بصيت عليه للحظه ومشيت....
في اليوم التالي كالعادة بعد ما خلصنا المحاضرات سلمت روعه علينا ومشيت ومعاها حنين
بصت منه عليهم بضيق وقالتلي
البت روعه دي أنا مبقتش أطيقها!!
سألتها بتلعثم
ل.. ليه
منه بخبث
يا بنتي دا كان سرها كله معايا ومن ساعة ما قالتلي على الولاد إلي بتكلمهم وأنا بعدت عنها وقولتلها في وشها كده تبعد عني عشان مفضحهاش
يعني إيه متفضحيهاش!!!!
هزت منه رأسها بالنفي وهي بتقول متخابثة
ل.. لأ لازم أمسك لساني مينفعش أقولك يا شهد.. لكن إنت أختي ولازم أنصحك تبعدي عن البنت دي وتاخدي بالك منها لأنها مش كويسه
قلت برجاء
لا يا منه بالله عليك قوليلي أنا محتاجه أفهم
نفخت منه وقالت بتردد زائف
طيب هقولك بس توعديني يفضل سر بينا
والله وعد مش هقول لحد أبدا
روعه كانت بتكلم ولاد كتير وأخرهم واحد إنت تعرفيه كويس بس مش هينفع أقولك هو مين
لا قوليلي والله ما هقول لحد متقلقيش
ل.. لأ يا شهد مقدرش أقولك هتتصدمي وأنا خاېفه عليك إنت طيبه أوي ومش حابه أصدمك...
برقت عيني وقلت بقلق
كانت بتكلم عصام!
هزت منه رأسها بالنفي وقالت
ل.. لأ مش عصام
اومال مين! حد من الأخوه في الشات!
لأ...
سكتت منه شويه وكملت بخبث مخفى
ك.. كانت بتكلم عبيده أخوكي
قلت بحدة
إيه إلي بتقوليه ده! مستحيل أصدق حاجه زي كده!
منه بنبرة مرتعشة
لا صدقي وكمان عبيده أخوكي حاول يكلمني وأنا صديته أكتر من مره عشان كده بقا بيعاملني وحش وبيتجاهلني
قلت بنبرة مرتفعة وحادة
مسمحلكيش تقولي عن أخويا كده!!
فتحت منه موبايلها وكانت ايديها بترتعش وقالت پحقد
طيب هوريك الإسكرينات إلي روعه بعتاهالي
أخدت الموبايل من ايديها وشوفت صور روعه إلي بعتها لعبيده وكلام عبيده ليها واټصدمت قلت بنرفزة
أكيد متفبركه
أخذت منه الموبايل من إيدي وقالت
قولتلك هتتصدمي!! خ... خلاص ولا كأني قولتلك حاجه انسي
قلت بعصبية
عبيده... و... وروعه... معقوله!!.. لا إنت كدابه يا منه وممكن تكوني مفبركه الاسكرينات دي أصلا!!
منه بنرفزة
أنا كدابه!! الله يسامحك يا شهد أنا غلطانه إني بشيل الغشاوه إلي على عينك ومن النهارده اقطعي علاقتك بيا... وطلما مش بتثقي فيا يبقا ملهاش لزمه الصحوبيه المهببه دي
مشيت
