رواية جنون عاشق الحلقة الثالثة بقلم آلاء الشريفي حصريه وجديده

كده بتضايق ان الحاجة راحت لغيرهم مش عشان بيحبوها لان عشان بس حاسين بامتلاكها
أدهم جايز بس الواد يتحب يا زيزو طول بعرض بشياكه بوسامة لا وكمان قبطان
ذكرى بخجل بس بقي يا أدهم
أدهم أنت هتتكسفى منى يا هبلة مش دايما اقولك اعتبرنى صاحبتك كمان مش صاحبك
ذكرى ايوة بس انا فعلا بتكسف
أدهم خلاص خلاص سيبك من الحوار ده
بعد مرور اسبوع ....
فى بيت حازم الطوبجى ...
. فطيمة راحت ل حازم عشان تسأله عن واسطة .
رهف بابا فطيمة جاية لحضرتك عشان عيزاك فى موضوع مهم
حازم خير يا فطومه
. فطيمة بتبص ل رهف كانت مكسوفه تحكى .
حازم خير يا بنات فى ايه 
رهف ل فطيمة خلاص انا هحكى ل حازم بص يا بابا فطيمة مرتبطه ب شاب من وهى فى ثانوى ودخلوا سوا سياسة واقتصاد حضرتك عارف ان فطيمه اتخصصت فى الاقتصاد وقريب ان شاء الله هتشتغل فى البورصة اما تامر اتخصص سياسة على اساس انه ينجح فى اختبار الخارجيه بس منجحش لان والده موظف عادى ومش معاه واسطه ف لو حضرتك عارف واسطه يبقي كويس
حازم كبرتوا وبيقتوا بتحبوا
رهف هههه بس انا لسه محبتش
فطيمة يارب افرح فيكي قريب قصدى بيكي
حازم هههههه هاتيلي ال cv بتاعه كده وانا لو معرفتش اتوسطله فى الخارجيه ان شاء الله الاقيله شغل مناسب يخلي مامتك تقبل بيه
فطيمة ياريت يا عمو
حازم ربنا يسهل يا حبيبتى
فطيمة طيب انا هروح بقي عشان ماما متتخانقش معايا
رهف بابا هروح اوصلها
حازم ماشى بس خدى رامى معاكى
رهف حاضر
. راحت رهف غيرت هدومها وقالت ل رامى يلبس عشان يروح معاها يوصلوا فطيمه .
وهما واقفين تحت قبل ما يركبوا العربية 
فطيمة انت شوفتى اللى انا شوفته
رهف ايوة مش ده تامر اللى كان سايق العربية ال kia ده
فطيمة ايوة بس غريبة دى
رهف ايه الغريب 
فطيمه هو قالى انه مش هيخرج النهاردة ولما كلمته قالى انه نايم ده غير انه معندوش عربية
رهف يمكن عربية واحد صاحبه
رامى مش قصدكوا على ال kia الحمرا اللى لسه معديه
رهف وفطيمه اه
رامى اللى سايق واحد وراكب جنبه بنت
رهف وفطيمه بيبصوا لبعض وبيقولوا فى نفس واحد بنت !!
رامى ايوة انا متأكد
. فطيمة طلعت موبايلها من شنطتها واتصلت ب تامر لقيت موبايله مقفول .
رامى احنا هنفضل واقفين فى الشارع
رهف لا لا يالا بينا يالا يا فطيمه
فى بيت نهال الواصفى ....
. نهال اتصلت ب رهف طلبت منها تجيلها ورهف اتصلت ب حازم تستأذنه تعدى على مامتها بعد ما توصل فطيمه ووافق ضړبت رهف الجرس وفتحت لها نهال .
رهف بتسلم على نهال اذيك يا ماما
نهال بخير يا حبيبتى وانت
رهف كويسة الحمد لله
نهال مين ده 
رهف ده رامى اخويا
نهال بقرف اااه ابن مرات ابوكى
رامى اه ابن ميرڤت الله يرحمها
نهال اتفضلوا
رامى ل رهف ما تجيبي مفاتيح العربية استناكى فيها
رهف ليه يا حبيبي تعالى اقعد معانا
رامى لا خليكوا براحتكوا وانا هستناكى
رهف ماشى واديته المفاتيح شغل التكييف والكاسيت وفى سوبر ماركت تحت هاتلك حاجة اشربها
. خد رامى المفاتيح ونزل ودخلت رهف وقفلت وراها .
رهف ايه يا ماما اللى حضرتك عملتيه ده 
نهال عملت ايه 
رهف بتكلمى رامى كده ليه وايه النظرات البايخه دى
نهال نظرات بايخه !! انت ناسية انك بتكلمى امك
رهف وحضرتك ناسية انه اخويا وان محدش هيبقالى غيره وانى بحبه ومحبش حد يزعله
نهال بس هو ابن ضرتى
رهف لا يا ماما مش ضرتك طنط ميرڤت مش ضرتك لانها اتجوزت بابا وانتوا منفصلين وحضرتك