رواية جنون عاشق الحلقة التاسعة بقلم آلاء الشريفي حصريه وجديده

حسيت انه اكبر منى ب عشرين سنه مروان فيه mix نادرا ما نلاقيه
وصال mix ايه بقي !!
ذكرى اولا راجل كبير زى مانتوا بتقولوا بس قادر يجمع بين الوقار وفى نفس الوقت الشباب قادر يجمع بين عقل الرجل الكبير وعيشة الشاب اللى عايش سنه وحياته وفى نفس الوقت افعاله لا هى صبيانيه ولا مراهقة ده واحد عاش حياته بالطول والعرض وقرر يتجوزنى انا يعني عمره ما هيخونى
وصال ومين قالك ان اللى من سنك هيخونك 
ذكرى والله انا شايفة كده
أدهم ذكرى وجهة نظرها ان مروان شاف حاجات كتير فى حياته وعاش تجارب كتير وعنده خبره كبيره تخليه يوم ما يختار واحده يختار واحده تكفيه وتملى عينه وحياته ويخلصلها مهما كانت المغريات لكن الشاب الصغير تحت اى اڠراء معاشهوش قبل كده هيخونها
وصال يا سلام !!
أدهم يا ماما دى وجهة نظر ولكل قاعدة شواذ
محسن والمستوى الاجتماعى 
أدهم معلش يا بابا انا معترض على وجهة نظر حضرتك دى
محسن وايه وجه اعتراضك 
أدهم لاننا مش من الشارع ولا من قاع المجتمع احنا من عيلة اغلبها مراكز محترمه فى الطب والقضاء ده على وجه العموم لكن بالنسبة لوجه الخصوص ف ذكرى نفسها خريجة حقوق وكانت من اوائل دفعتها وكانت المفروض تتعين فى النيابة الاداريه وابوها دكتور واخوها دكتور ومامتها مهندسة زراعيه وعايشه عيشة كويسة فين بقي الفرق 
محسن انت عبيط ولا بتستعبط ولا شكلك كده انا بتكلم عن الفلوس مش عارف الناس ممكن يقولوا ايه على اختك واول الناس دول عيلتك وعيلته
ذكرى هيقولوا ايه يعني 
محسن هيقولوا ان احنا طمعانين فيه هيقولوا جوزنا بنتنا ل راجل اكبر منها ب عشرين سنه بس عشان الفلوس
ذكرى اولا محدش يعرف سن مروان الحقيقي فى عيلتنا وفى عيلته محدش يعرف سنى وثانيا هيبان مع الوقت ان انتوا مستفدتوش اى استفادة ماليه من جوازى منه
وصال انت مش هامك اى حاجة !! مش فارق معاكى اى حاجة لا عرف ولا تقاليد ولا كلام الناس انا عايزه اعرف انت بتفكرى ازاى 
ذكرى يعني ايه بفكر ازاى 
وصال يا بنتى لما يكون انت عندك اربعين سنه هيكون هو عنده ستين سنه هتكونى انت لسه فى عز شبابك ومحتاجه حاجات مش هتلاقيها مع راجل عنده ستين سنه
ذكرى مافى رجاله عندهم سبعين سنه وبيتجوزوا عادى 
محسن بيتجوزوا واحده تعملهم مساج وتنقعلهم رجولهم فى مياة سخنه وتعقمله طقم اسنانه وهى بتتجوز واحد اكبر منها لانها محتاجه فلوسه او اتحرمت من حنان الاب انت بقي لا محتاجه فلوس ولا اتحرمتى من حنانى
ذكرى افهمونى بقي انا لما عرفت مروان واتعلقت بيه مكنتش اعرف سنه الحقيقي ومكنتش اتوقع خالص ان فى فرق سن كبير كده
وصال واديكي عرفتى يا ذكرى يا ذكرى فكرى فى المستقبل وفى بكرة وفى اولادك
. لاحظ أدهم تمسك كل واحد ب رأيه وتدخل ل يهدأ الحوار .
أدهم انا بقول نعمل الخطوبة وبدل ما يكون الفرح كمان شهر نخليه كمان تلت اربع شهور وفى الشهور دى نقرر نعمل ايه
محسن فكرة كويسه
وصال بتقوم روحى يا شيخه ربنا يبعتلك بنت تعمل فيكي اللى انت بتعمليه فينا ده عشان تحسي ب قهرتي وحړقة قلبى وهى ماشية فوضت امرى ليك يارب
محسن احنا هنعمل زى ما ادهم قال بس ياريت تفكري كويس فى الموضوع بصى ل قدام شوية
________
فى اوضة أدهم ....
ذكرى ايه يا أدهم رأيك 
أدهم ذكرى انت عارفه رأيي
ذكرى احب اسمعه
تانى ب تفاصيل