رواية جنون عاشق الحلقة التاسعة بقلم آلاء الشريفي حصريه وجديده

بنتها على مروان ولكن فرق السن كان منغص عليها الفرحة

بعد مرور شهر ...
أدهم ورهف عايشين اجمل قصة حب
فطيمة بتتعايش مع الچرح النفسى اللى سببه لها تامر
تامر اتعين فى الخارجيه
لسه خطوبة مروان وذكرى مستمرة بس الفرح اتأجل واهلها لسه رافضين
مروان رجع شغله ومبيتقابلش هو وذكرى كتير لان وقته بين ليڤربول وبين البحر

في بيت نهال الواصفى ...
. نهال كان فى شقتها بتقرأ كتاب وبتسمع فيروز باب الجرس رن وقامت تفتح لقيت حازم فرحت وارتبكت بس حاولت تتظاهر بانها عادية .
نهال بفرحة مستخبية حازم اهلا وسهلا اتفضل
حازم انا اسف انى جيت من غير معاد
نهال عيب يا حازم الكلام ده اتفضل تعالى
. دخل حازم وقدمت نهال ل حازم فنجان قهوة .
نهال بتحط القهوه قدامه قهوة سادة ولا انا غلطانه 
حازم لا مش غلطانه انت لسه بتسمعى فيروز
نهال اهاا انت عارف اليوم ميكملش الا بيها
حازم بابتسامه اه عارف
. تبادل نهال وحازم نظرات طويلة كانت بتحكى كلام كتير وحس حازم انه هيبعد عن الموضوع الاساسي اللى جاي عشانه فقطع النظرات دى وخد رشفة من القهوة .
نهال نسيت اسألك صحيح هى رهف كويسه
حازم ماهو انا جاى بخصوص رهف
نهال خير رهف فيها حاجة ولا ايه 
حازم لا متتخضيش كده هى طبعا حكيتلك على موضوع أدهم ده
نهال آه
حازم انا حاسس ان احنا سايبين الحبل على الغارب
نهال مش فاهمه يا حازم انت عايز تقول ايه 
حازم كونا مصاحبين رهف وبتحكيلنا كل حاجة من غير خوف ف ده كويس جدا لكننا نسيبها تحب وتتحب فى اطار غير شرعى لا يقبله العرف والدين ف ده مينفعش
نهال رهف وأدهم فى مرحلة تعارف لو اتفقوا هيتخطبوا لو متفقوش يبقي كل واحد يروح ل حاله
حازم وانا معنديش مانع من مرحلة التعارف دى بس على الاقل تتم ادامنا
نهال بمعنى !
حازم انهم يتقابلوا قدامنا لاما عندك هنا لاما عندى فى البيت واهو يبقي كل حاجة قدامنا عشان حتى مندهوش فرصه يستغل حبها له او ضعفها ك أنثى
نهال وجهة نظر محترمه جدا بس خد بالك ان ده ممكن يوصل احساس ل رهف اننا مبتثقش فيه وتعملنا اللى احنا عايزينه وفى نفس الوقت من ورانا تعمل اللى هى عيزاه
حازم بس رهف عارفه اننا بنثق فيها جدا احنا ربيناهم احسن تربية
نهال انت مش قابلت أدهم اسأل بقي عن اهله وخليه يقابلك بوالده وعرفه عن ارتباط رهف وأدهم
حازم انا مقابلتش ادهم
نهال مقابلتوش !! ازاى !! رهف قالتلى انك مصمم تقابله
حازم ورهف مقابلتنيش بيه
نهال يا قلبك يا حازم انا سايبه البنت براحتها كل ده على اساس انك قابلته ومستريحله
حازم انا كنت رايحله العيادة النهاردة مفاجأة يعني من غير ما يكون عامل حسابه بس جيت اخد رأيك فى انهم يتقابلوا قدامنا
نهال روح قابله وشوف مېته ايه كده وبعد كده قرر وشوف الصح واكيد اى شئ هتعمله ماهو الا فى مصلحه رهف
حازم تمام استأذن انا بقي عشان الحق اروحله عيادته وارجع البنك
نهال اوكى وابقي عرفنى حصل ايه معاه
حازم ان شاء الله
نهال نورت الشوية دول
حازم متشكر
. ونزل حازم من عند نهال وقعدت نهال على الكرسى الهزاز بتاعها وفضلت تفتكر اجمل ايامها مع حازم افتكرت حاجات كتير اوى حلوة بينهم خلتها تضحك وتبكى فى نفس الوقت .

فى عيادة دكتور محسن سلامة ....
. راح حازم ودفع كشف مستعجل
ودخل بسرعه عند ادهم دخل اوضة الكشف وقعد على كرسي قصاد أدهم .
أدهم أول زيارة ولا فى