رواية جنون عاشق الحلقة الثالثة عشر بقلم آلاء الشريفي حصريه وجديده

عندى سعادتك كل سنة وانت معايا
رهف كل سنة واحنا مع بعض
. كان أدهم عامل حسابه انهم يقضوا الوقت على البحر كان جايب فى شنطه العربيه كرسيين بحر وتربيزة وتورته صغيره وشمع حط الكرسيين والتربيزة والتورته وۏلع الشمع واحتفلوا سوا وقعدوا على البحر فترة طويلة يتكلموا ويحكوا سوا ومش حاسين بأى حاجة غير انهم فعلا فى اخر الدنيا سوا وان مفيش حاجة اقوى منهم بس أدهم مكنش حاسس انه فى اخر الدنيا زى كل مرة لا كان حاسس ان هو مالك الدنيا كلها وان الكون ده مفهوش اى حد غيره هو ورهف .
جزء من المشهد ده مقتبس من فيلم آخر الدنيا لما نيللى كريم اخدت يوسف الشريف عند البحر فى اسكندريه وقالتله بحس ان هنا اخر الدنيا وبخاف اجى لوحدى ولازم لما تجى اخر الدنيا يكون معاك حد انت اخترته .. لزم التنويه
فى احد فنادق شرم الشيخ ...
. قرر مروان وذكرى يقضوا شهر العسل فى مكان ساحلى فى مصر لانهم كده كده هيسافروا بره مصر فقرروا يروحوا شرم الشيخ اسبوع او عشر ايام وبعد كده يرجعوا على القاهره عشان يخلصوا اوراق السفر الخاصة ب ذكرى .
الساعة ١١ مساءا ..
. ذكرى رايحه فى نوم عميق ومروان راح يصحيها ماسك ورده وبيمشيها على خدها .
مروان ذوذا حبيبتى يا كسلانه قومى بقي
ذكرى بتصحى مروان صباح الخير يا حبيبي
مروان صباح مين يا كسلانه الساعه ١١ بالليل
ذكرى ياااه انا نايمه من الضهر محستش بحاجه خالص
مروان طيب قومى بقي
ذكرى حلوة الورده دى عشانى !!
مروان لا طبعا
ذكرى بدلع ليه بقى 
مروان عشان انت احلى ورده فى الدنيا مينفعش اديلك ورده
ذكرى يا سلام على بكشك
مروان والله مش بكش انا شايفك احلى حاجة فى الدنيا
ذكرى ربنا يخليك ليا يا حبيبي
مروان طيب قومى بقي عشان نخرج نسهر بره شوية
ذكرى حاضر يا حبيبي هقوم ادخل الحمام
مروان وانا هختارلك فستان
. دخلت ذكرى الحمام وخدت دش وخرجت .
ذكرى حبيبي انا بس هصلى الفروض اللى فاتتني وانا نايمه
مروان تمام
ذكرى انت صاحى من امتى
مروان من الساعه تمانيه تقريبا
ذكرى يعني صليت 
مروان صلي يالا عشان نلحق ننزل
. خلصت ذكرى صلاه ولقيت مروان مختار لها فستان .
ذكرى ايه ده 
مروان ايه رأيك فى الفستان ده 
ذكرى ده انت جايبهولى صح 
مروان اه جبتهولك من انجلترا
ذكرى انت عايزنى اخرج ب الفستان ده 
مروان اه يا حبيبى ده هيبقي شيك عليكي خالص
ذكرى بس ده قصير اوى وتقريبا عريان
مروان عريان ايه !! انا شايفه normal جدا
. وخدت ذكرى الفستان من مروان ولبسته .
ذكرى باستغراب normal !! ده normal
مروان مخليكي زى القمر
ذكرى يعني انت موافق انى اخرج كده !!
مروان مش فاهمه ايه مشكلتك فى كده
ذكرى انت مبتغيرش عليا ولا ايه 
مروان بغير عليكي طبعا واللى يقرب منك انا اكله باسنانى
ذكرى امال ازاى موافق اخرج كده 
مروان انا اتربيت ان الغيره ملهاش علاقه باللبس اختى تلبس اللى هى عيزاه بس لو حد بصلها اقتله لانها من حقها تلبس اللى هى عيزاه بس مش من حق اى حد يضايقها عشان لابسه حاجة معينه
ذكرى بس انا اتربيت ان الغيره مرتبطه باللبس
مروان ولما الغيره فى وجهة نظرك مرتبطه باللبس ليه متحجبتيش مانت مامتك محجبه
ذكرى انا ناويه اتحجب بإذن الله بس ادام شوية
مروان وحجابك ولبسك دى شئ يخصك وعموما الفستان او غيره مينفعش يكون موضع خلاف بينا
ذكرى يعني ايه 
مروان يعني غيريه والبسي اللى انت عيزاه
.