رواية جنون عاشق الحلقة السابعة عشر بقلم آلاء الشريفي حصريه وجديده

رواية جنون عاشق الحلقة السابعة عشر بقلم آلاء الشريفي حصريه وجديده 
رهف ه اخدك مكان لازم تشوفه معايا
أدهم اللى هو
رهف فى ايه يا حبيبي هو انا ھقتلك انزل بقي ومتستعجلش
أدهم بصراحة انا حاسس انك مش طبيعيه النهاردة
رهف ده اكتر يوم انا فيه طبيعيه انا هوريك حاجة مهمه احنا هنطلع فوق سوا ولوحدنا
أدهم فوق !! فوق فين 
رهف بتشاور بالسبابه لفوق فوق هنا
أدهم مش دى عمارتكوا 
رهف ايوة عايزة اخد غرفة الذكريات بتاعتى
أدهم بيبص فى عيونها انا بس ذكرياتك
. ابتسمت رهف ونزلت من العربيه ونزل أدهم وراها وقفلت رهف العربيه وطلعوا فوق شقة رهف دخلوا الشقة ومكنش فى حد خالص فى الشقة او كان ظاهر كده ل أدهم خدته رهف ودخلوا اوضة مقفولة .

أدهم دى اوضتك 
رهف تقريبا
أدهم بس حاسس ان ديكورها بتاع اطفال
رهف ماهى دى اوضتنا واحنا صغيرين
أدهم اوضتنا !! نون الجمع دى تشمل مين 
رهف أختى
أدهم أنت ليكى أخت 
رهف اه بس محكتشلكش عنها
أدهم ليه 
رهف معرفش بس انا قررت احكيلك عنها النهاردة
أدهم احكى يا حبيبتى
رهف وعيت على وش الدنيا واحنا مع بعض مع بعض فى كل حاجة فى البيت فى الشارع فى النادى فى المدرسة كنا بنلبس نفس اللبس ونسرح شعرنا بنفس الشكل كنا بنحب نفس الاكل ونفس الاشخاص كانت احلامنا واحده
أدهم هو ليه كنا هى راحت فين
رهف بابا وماما انفصلوا واحنا تمن سنين ورغم انى كنت مرتبطه ب بابا وبحبه اكتر من ماما الا انى قررت اقعد مع ماما عشان خاطر نفضل مع بعض سيبنا الاوضة دى وروحنا بيت جدى الاوضة دى اللى احنا قاعدين فيها من يوم ما اتولدنا ياما لعبنا وهزرنا واتخانقنا وضربنا بعض وحكينا لبعض حاجات كتير هنا فى الاوضة دى حتى بعد ما روحنا عيشنا مع ماما فى بيت جدى كنا بنجى ل بابا خميس وجمعه وسبت تقريبا كنا بنجى مخصوص عشان نقعد فى اوضة ذكرياتنا
أدهم واضح ان انتوا بتحبوا الاوضة دى اوى
رهف اوى لدرجة اننا لما كبرنا كنا بنجى نقعد فيها برضه ونحكى لبعض كنا بنقعد هنا وبتشاور مكناش عارفين احنا اللى كبرنا ولا الاوضة اللى صغرت لحد ما بدأت تبعد عنى شوية بشوية
أدهم تبعد !! ليه بعدت
رهف عشان حبت حبت واحد خطڤها من الدنيا كلها خطڤها منى ومن اهلها ومن نفسها حتى
أدهم خطڤها ازاى هربت معاه يعني
رهف لا حبيته لدرجة انها اكتفيت بيه
أدهم زى انا وانت كده
رهف لحد ما عملت حاډثة هى وحبيبها بدموع وماټت
أدهم بدمعه محپوسة ويقرب من رهف ربنا يرحمها
رهف بدموع كنت ھموت وراها اتوجعت واتكسرت ولما هى ماټت كل حاجة حلوة ماټت معاها بس فجأة بدأت كل حاجة ترجع كويسة الدنيا بقت حلوة عشان قابلتك يا أدهم
أدهم بابتسامه انت كل حياتى اصلا
. جابت رهف البوم صور موجود فى نفس الاوضة .
رهف بتديله الالبوم ده البوم صورنا من يوم ما اتولدنا
أدهم بيتفرج انتوا كنتوا توأم
رهف آه
. فضل ادهم يتفرج على الصور ورهف متابعه انطباعاته ولاحظت ان ادهم بيتعامل عادى جابت البوم صور تانى بس وهما كبار .
رهف ده اخر مرة اتقابلنا فيها قبل الحاډثة ب يوم
أدهم اهاا
رهف كان قلبها حاسس انها اخر مرة هنشوف فيها بعض جت ل بابا وطلبت منه نخرج كلنا سوا يعني بابا وماما وانا وهى وكمان طلبت ان رامى يجي معانا رغم انها مكنتش قريبه من رامى خرجنا واتغدينا سوا وبعدها خرجنا انا وهى بس فضلنا