رواية المؤنسات الغاليات الفصل الثالث بقلم مريم سيد أم البنات حصريه وجديده
قلتله ماينفعش تسيب اختك
احمد..ايوه صح عاليا ماينفعش تنساب لوحدها اه ياعمر ابقى اتصل بفاطمه وطمنها عليك عمر..حاضر وفى الوقت ده خرجت عاليا وسلمت على احمد بتقوله ازيك ياابيه
احمد.. الحمدلله يالولو عامله ايه انتى واخبار مذاكراتك ايييه
عاليا.. الحمدلله...انا عندى امتحان عملى بكره ادعيلى ياابيه
احمد .. ربنا يوفقك يارب وعاليه قالتله يامورى ياحبيبى بكره لما اخلص الامتحان هروح لماما
عمر..خلصى وانا هاجى اخدك واوديكى اتصلى بيا هتلاقينى ادامك
عاليا..حبيبى يامورى ربنا يخليك ليا يالا انا ماشيه مع ابيه احمد وانت ابقى ادخل اطمن على عمار وعمر هزالها راسها وقالها ماشى وعاليا مشيت وعمر دخل على عمار نايم بس فى اثار دموع فى عيونه اتنهد بحزن على حال اخوه وخد عهد على نفسه ان هو مش هيسييه للشله الفاسده ويقرب منه ويخليه يخلى باله من مستقبله وخرج اتوضى وصلى فرضه ودخل على اوضته ونام لانه كان تعبان واحمد اخد عاليا وراح بيتهم وأحمد دخل البيت بينادى على اخته فاطمه خرحت من اوضتها وهى بتقوله نعم يااحمد واتفاحات بوجود عاليا بنت خالتها جريت عليها خدتها بالحضن بتقولها لولو حبيبه قلبي وحشانى
فاطمه.... حبيبتي خالتو عامله ايه قبل ما عاليا تكلم احمد قالها خدوا بعضكم كده وعلى الاوضه واقفلوا الباب مش هنفضل طول الليل واقفين على الباب والأستاذة عاليا عندها امتحان الصبح خليها يتذاكر يتنام علشان تصحى فايقه وانا الصبح اوصلها قبل ماروح لماما واطمن على خالتو والبنات هزوا راسهم ودخلوا ومحمود بيقوله ياحنين
احمد..بيبصله وهز راسه بقلة حيله من تصرفات اخوه ودخل الحمام وسابو اتوضى وصلى فرضه ودخل على اوضته ومتكلمش مع محمود لانه مش عاجبه تصرفاته نسيبهم ونروح لشقة عبدالعزيز القاضى من داخل الشقه الحج عبدالعزيز عرف ايييه اللى حصل للحجه كريمه وقال لمراته وهى انبته بتقوله ط كنت اتصلت بيا كنت روحت اشوفها
امال..ان شاء الله ربنا يقومها بالسلامه يارب ويشفيها ويعفو عنها يارب ويحفظها لولادها كريمه شايله هم كبييير من ساعة ماالحج حسن اتوفى واستحملت رزالة الكل وعلشان هى ست بمېت وقفت ادام الكل خصوصا اهل جوزها وجوز اختها الزفت سعيد الديب رجل معندوش ډم
عبدالعزيز...يابنتى ايييه كمية الكره اللى انتى شيلاه فى قلبك من ناحية سعيد
امال ..يعنى انت مش عارف انسان قلبه حجر وخصوصا على بناته دانا لسه مقابله فاطمه عيونها عالطول حزينه بسبب معاملته ليها ده كويس ان البت ساميه عند الحجه امينه كانت شافت منه المرار الطافح هى كمان
F B
عبدالعزيز...ميكى حبيبة قلب ابوها
مليكه ...قلبى وربنا يازيزو واحشنى ياراجل
عبدالعزيز..واتتى اكتر ياقلب الراجل ايييه اكيد الاتصال واره مصلحه
مليكه ..بضحك انت تعرف عنى كده يازيزو
عبدالعزيز..طيعا ياقلب زيزو ها قولى كلى اذان صاغيه
وبعد ماقفلت مع مليكه لاقته بيبصلى بيقولى انت كده ازاى
عبدالعزيز..ازاى ازاى مش فاهم
سعيد...البنت بتقولك زيزو مش عيب البنات مش عايزين البنات عايزين كسر رقابتهم
عبدالعزيز...كسر رقابتهم ليه ان شاء الله البنت حبيبة ابوها وهو امانها وسندها ومصدر الحنان مش مصدر الخۏف والكره
سعيد...ياعم بالاارف خلفة بنات ايييه وزفت ايييه ياريت كانوا مبطلوش واؤدهم كان الواحد خلص من ارفهم
عبدالعزيز..بس بس حرام عليك البنات دووول نعمه واللى يكرهم يعمى دانا حياتى كلها هما البنات انت مش هتعرف قيمتهم لما تحتجهم
سعيد واحتاجهم ليه
