رواية جميله الحلقه الثالثه حصريه وجديده

رواية جميله الحلقه الثالثه حصريه وجديده 
وليد ركب عربيته ومشي وجميله لفت وشها للشركه وداخله ومره واحده ايد مسكتها من وراها پعنف ولفها ليه پعنف اكتر
جميله بتلف انت اټجننت
سكتت لما شافته فهد وشدت دراعها من ايده
جميله افندم خير 
فهد بغيظ من اللي موصلك ده لحد هنا 
جميله اعتقد ده شيء ما يخصكش
فهد سمعه الشركه تخصني .. ميس قالت انك ولا متجوزه ولا مرتبطه يبقي مين بقي اللي بيوصلك لحد الباب ويمسك ايدك كمان 
جميله وحضرتك مركز معايا قوي كده لدرجه شوفت كل التفاصيل دي !!
فهد بغيظ تطلعي ايه انتي علشان اركز معاكي هاه 

جميله ببرود امال شاغل نفسك بيا ليه ! يهمك في ايه مين يوصلني وبعدين طالما بره شركتك يبقي بالعربي كده مالكش فيه !! بعد اذنك
فهد سيادتك رايحه علي فين ولا مش شايفه ان الشركه ظلمه جوه !
جميله انتبهت دلوقتي ان فعلا الشركه ظلمه مفيش غير اتنين الامن واقفين علي الباب بس
جميله المفروض ان معادي مع ميس هانم الساعه ٧ واهي يدوب ٧ بالظبط اهي يعني انا ما اتأخرتش
فهد وعلشان كده انا واقف منتظر سيادتك مش حكايه مركز معاكي يا فصيحه هانم .. اتفضلي معايا
جميله علي فين 
فهد ميس اضطرت تمشي وطلبت مني أجيبك معايا فاتفضلي
جميله اترددت بس هتعمل ايه 
جميله طيب دلوقتي في ملفات المفروض اجيبها معايا
فهد فين الملفات دي 
جميله فوق في مكتبي
فهد والشركه مقفوله 
جميله انت صاحب الشركه ما تقوليش ان معكش مفاتيح شركتك !
فهد بصلها كتير واخيرا نطق معايا
جميله مدت ايدها هات
فهد هتطلعي لوحدك !
جميله ماهو اكيد مش هطمع ان سيادتك ممكن تتكرم وتتنازل وتطلع معايا ولا ايه 
فهد ولا ايه اتفضلي
فهد مشي قدامها وبتوع الامن فتحولهم باب الشركه ودخلوا وفهد طلب الاسانسير اللي كان واقف .. دخل ومسك الباب وانتظرها تدخل وطلعوا لفوق وبمجرد ما الاسانسير وقف جميله اللي فتحت الباب ما انتظرتش فهد يفتح الاول اتفاجئت بظلام دامس جدا لدرجه خاڤت تطلع بره باب الاسانسير وجه في دماغها جميع افلام الړعب اللي اتفرجت عليها في حياتها وايه اللي ممكن يخرج من الظلام
فهد بتريقه ايه يا عم رامبو رجعتي ليه ما تتفضلي 
جميله رجعت خطوه لوري وفتحتله الطريق لا هنا تنطبق المقوله بتاعت الرجال قوامون علي النساء
فهد بصلها وشبح ابتسامه ظهر بس اختفي بسرعه ظهوره وخطي هو قدامها وطلع موبيله نور بيه علشان يشوف وهيا وراه تماما لدرجه بصلها من فوق كتفه
جميله بعد ما تنور المكان هرجع رامبو تاني ما تقلقش
فهد بص لقدامه علشان يداري ابتسامته بس جميله ابتسمت لانها حست بابتسامته
فهد هو ليه قافلين الانوار كده ما يسيبو اي نور
جميله شكل صاحب الشركه بخيل وخاېف علي فاتوره الكهربا
فهد لف وبصلها ما تلمي لسانك ده بقي شويه لقسما بالله انزل واسيبك هنا تأزأزي لب مع العفاريت اللي هنا .. عارفه بيقولو الشركات والاماكن العامه دي كلها بالليل بتكون مسكونه
جميله اتلفتت حواليها پخوف وبصوت مهزوز ما تهرجش في المواضيع دي واتفضل بقي شوف اي نور تاني
فهد وصل لزرار النور ونوره بس للاسف مانورش شكلهم منزلين سکينه الكهربا كلها بقولك ايه انجزي وهاتي اللي انتي عيزاه خلينا نخرج من هنا يالا
ماشيه وراه پخوف ولولا حبة كرامه كانت مسكت في هدومه بس تقريبا لازقه فيه وبتتلفت حواليها وبتتخيل الاف الاشباح حواليها وهيا ماشيه شنطتها شبكت في حاجه علي مكتب فشدتها ووقعت وراها بصوت عالي وفي اللحظه