رواية جميله الحلقه 10 و 11 و12 الأخيرة حصريه وجديده

وفهد استوعب ان الكل بيبصلهم
فهد بتعمد ان صوته يكون مسموع اوك سوري انا جاي من المستشفي وبقالي يومين ما نمتش .. خير يا باشمهندسه
جميله پغضب الملف ميس هانم طالبه امضتك عليه
اخد من ايدها الملف حاضر
بص للموظفين وزعق كل واحد يروح شغله ولا اول مره تشوفوا حد متنرفر اتفضلوا علي اشغالكم .. بص لجميله اللي ماشيه باشمهندسه تعالي خدي ملفك
دخل مكتبه وجميله وراه وتعمدت تسيب الباب كله مفتوح وهو لاحظ ده
وبدأ يقلب في الملف وبصلها امضي فين !
قربت جميله وشاورتله بصمت
فهد علي فكره مش لدرجه تسيبي باب المكتب بالشكل ده !
جميله الحذر عمره ما بيضر حد وخصوصا مع اصحاب العقول المريضه
فهد بصلها پعنف وكمل امضاؤه وقفل الملف ملفك
جميله بتاع مامتك مش بتاعي بعد اذنك
مشيت خطوتين وافتكرت كلام عمتها انها تقف جنبه وتستحمله شويه فرجعت تاني وهو بصلها باستغراب
سندت علي المكتب بايديها الاتنين قصاده
جميله بغيظ هقدملك نصيحه قصاد نصيحتك بتاعت امبارح علشان بس نبقي خالصين
فهد بتريقه اتفضلي
جميله مش وقت انهيارك ده ونرفزتك دي لان نرفزتك وصوتك العالي ده بيدل علي ضعفك وانت اعداءك حواليك وكتير حتي لو مش واخد بالك منهم ولما يشوفوك مهزوز كده هيعرفوا امتي يضربوك وازاي يقضوا عليك .. انت مش عايز تبين مشاعرك ناحيه جدتك والله اعلم ليه بس انهيارك ده وصوتك ده اكبر دليل علي مشاعرك .. انت حاليا المفروض تركز وتحط عنيك وسط راسك وياريت يكون فيك ولو شويه من اسمك يا فهد .. الفهد بيقرب بحذر وفريسته ما بتحسش بيه غير لما تلاقي نفسها بين ايديه .. بينقض بهدوء .. فقلد اسمك او اعتبر بيه .. بعد اذنك يا .. يافهد بيه
خرجت وسابت فهد في حاله هو مش عارفها ... كلامها كله جاي في وقته بالظبط !! هو فعلا بينهار وده مش وقته ولا وقت ضعفه !! بس ياتري مين اعداؤه اللي هيا بتتكلم عنهم !! معقوله تكون عارفه حاجه هو ما يعرفهاش .... جميله وهيا خارجه خبطت في سالي اللي داخله عند فهد
سالي ما تفتحي ولا بتخرجي من عند فهد مش شايفه قصادك !!
جميله پعنف انا مش هسمح لتعليقاتك السخيفه دي تستمر
سالي محستش بنفسها غير وهيا بټضرب جميله بالقلم في وسط المكاتب والكل كان مستغرب ايه اللي بيحصل في اليوم ده ..
سالي ده علشان تتأدبي وتردي علي اسيادك باحترام
ميس كانت داخله ايه اللي بيحصل هنا
سالي سيادتها بتقل ادبها ومش عاجبها اني بقولها تبعد عن خطيبي
اللي كل ما ادخل الاقيها في حضنه
ميس زعقت سالي وبعدين !! انتي زودتيها قوي .. جميله ما بتروحش مكتب فهد الا اذا انا بعتها اعتذريلها حالا
سالي انا اعتذر لدي !
فهد خرج علي صوتهم في ايه هنا
بص لجميله اللي ايدها علي خدها مصدومه لتاني مره
الكل بصله وسالي ردت بأدب اللي بترمي نفسها في حضنك كل شويه بحافظ علي خطيبي
فهد پصدمه غيظ بتعملي ايه انتي اټجننتي ! يعني انتي مش بس بتغلطي فيها انتي بتغلطي فيا انا كمان !! وانا من امتي باخد حد في حضڼي في مكتبي ! اتهاماتك السخيفه دي غير مقبوله وانا ما اسمحش لاي حد يتكلم بالشكل ده . اعتذري لها حالا
سالي مش انا اللي اعتذر لدي
فهد هتعتذري ڠصب عنك يا سالي وبعدين مين ده اللي خطيبك هاه ! ولا انتي بتحلمي ولا دي كمان ضمن التهيؤات بتاعتك
سالي بصتله پصدمه تهيؤات !! ماشي يا فهد .. يا انا