رواية جراح لاتنسى البارت السابع بقلم أماني سيد حصريه وجديده

كان بيراضيها كده 
دى نفس كلمه الدلع اللى كان دايما يقولهالها معقول معقول تكون رجعتله الزاكره 
بعدت منتهى عنه براحه وبصتله بطرف عنيها بأمل
منتهى انت عرفت اسم الدلع بتاعى ازاى 
عرفات حاسس انى اعرف عنك كل حاجه لا مش بس احساس انا متأكد من ده منتهى ارجوكى قوليلي احنا كنا نعرف بعض 
منتهى محتاره تقول ولا لأ
هنا فاق احمد وبص لعرفات وامه 
احمد ماما ده بابا صح بابا رجع ولا انا بحلم 
عرفات هنا بص لمنتهى اللى غيرت اتجاه وشها لابنها وراح لابنه حضنه 
احمد لو انت حقيقى احضنى جامد ماما كانت دايما بتقول انك راجع وتيتا تقولها ده ماټ بس كانت دايما تقولى انك راجع 
عرفات انا خلاص رجعت يا حبيبي ومش همشى تانى وبص لمنتهى لينا كلام تاني
ايه رايك يا بطل يلا نروح وتحكيلى وقعت ازاى ولا حد وقعك 
احمد واحد رخم معايا في الفصل انا اشطر منه دايما بجاوب والميس بتديمى بونبونى وهو لا فهو بيفضل يقولى هات البونبونى ده وانا بقوله لا انا بوريه لماما عشان تعرف انى شاطر زاكر انت كمان ولما تبقى شاطر الميس هتديك زيه قالى بقى كده وراح موقعنى من المرجيحه 
منتهى ومقلتليش قبل كده ليه ان فى حد بيضايقك
احمد انا راجل واعرف ادافع عن نفسي 
هنا حضنه عرفات بس بعد كده لازم تقول لماما احنا عارفين انك راجل والراجل مش بېخاف وبيحكى لاهله كل حاجه وانا خلاص رجعت وعايزك تحكيلى كل حاجه حصلت معام 
احمد حاضر يا بابا 
شال عرفات احمد وركبه العربيه فى الكرسى اللى ورا وفتح الباب لمنتهى اركبى يا هانم 
منتهى عرفات
عرفات لينا قاعده هاتى العنوان 
وصل عرفات من غير اى كلام
تلقائيا دخل عرفات العماره بشكل لا ارادى وخبط على باب الشقه فتحت ليه ام منتهى 
مرفت اول ماشافته برقت ايه ده زهران معقول رجعت مش مصدقه
منتهى ماما ده عرفات بيه مديرى في الشغل 
مرفت ايه ده عرفات طلع زهران ازاى انا عايزه اعرف وبعدين مش انتى كنتى قولتيلى مش هو يا ماما والحقيقة شكله مختلف طلع هو بتخبى ليه 
زهران واضح كده ان فى حاجات كتير اوى محتاج اعرفها ممكن نقعد انا ومنتهى على انفراد 
وبص لاحمد 
وانت يا بطل تدخل مع تيتا تغيرلك هدوك وتريح شويه
مرفت بخضه ايه ده احمد مالك يا حبيبي حصلك ايه 
زهران هو هيحكيلك انا عايز لو سمحت اتكلم مع منتهى 
دخل هو ومنتهى الصالون 
ها احكيلى بقى 
منتهى من سبع سنين كنا انا وانت متجوزين عن حب كنت انا فى ثانوى وانت فى الكليه وكنت بتزاكرلى احيانا وكنت بتغير عليا لدرجة انك مانع انى اخد دروس خصوصيه وخصوصا لو المدرسين رجاله
اتخرجت من الجامعه وانا دخلت الجامعه واتخطبنا اربع سنين لحد ما خلصت جامعه وانت يادوب قدرت تجهز الشقه وتفرشها 
كنت شغال في شركه هنا بتاعت قطع غيار سيارات اسمها ..... جيب فى يوم قلتلى ان حصلتلك مشكله في الشغل عشان كان فى فساد في الشركه وانهم فصلوك عشان ماتقدرش توصل لأى مسئول وقتها كانت نفسيتك تعبانه جدا وخصوصا ان الدنيا كانت بتغلى حوالينا فقررت تسافر تشتغل خدمه عملاء فى دبى انا الأول كنت رافضه وبعدين رضخت لطلبك خصوصا اننا كنا خلفنا وعدى وقتها سنتين بعد جوازنا 
سافرت اشتغلت شهرين وكنت بتبعتلنا فلوس كويسه طبعا بسبب فرق العمله 
بعد كده أخبارك كلها انقطعت مره واحده حتى الشركه اللى كنت شغال فيها انا بعت أسأل عليك قالوا مايعرفوش عنك حاجة وانك كنت قدمت استقالتك منها لحد ما شفت اعلان غى في السوشيال ميديا عن شركتك تانى يوم جيت عملت انتر فيو وعرفت وقتها من مؤمن ان زاكرتك مفقوده اخدنا مؤمن انا وباباك ومامتك ورحنا للدكتور ومعانا ما يثبت صله القرابه زى شهاداتك وصور جماعية مع اهلك فى مراحل متفرقة من عمرك وقسيمه الجواز والدكتور نبه عليا انى لو حكيتلك كل حاجه مره واحده ممكن تقلب معاك بطريقة عكسيه ويكون خطړ عليك وانى لازم اكون حذره وارجعلك الزاكره شئ في شئ 
ده كل اللى حصل باختصار
عرفات يعنى انا عندى اهل 
منتهى وهيموتوا ويشوفوك 
عرفات عايز اشوفهم 
طيب نتغدى الاول
عرفات لا دلوقتي ولسه احنا لينا كلام كتير مع بعض بس اشوف اهلى الاول 
يتبع