رواية الكاتبه والفتوه الفصل الثاني بقلم إلهام عبد الرحمن حصريه وجديده

الموجه والمدير لكن الدفتر تمام أنا مخلصاه هجيبه لحضرتك بعد ما اخلص حصص في حاجه تانية ولا ممكن أمشي
أيمن وهو ينظر لها بخبث لا خلاص ثم مال ناحيتها قليلا وتحدث بهمس ريحة البرفيوم اللي انتي حاطاه يجنن.
هدى بحدة وانت واحد مش محترم ويا ريت يبقى في حدود في تعاملك معايا بعد كده وإلا مش هيحصل طيب.
ثم تركته وذهبت إلى حجرة المدرسات وهي في قمه ڠضبها من تصرفات هذا الشخص عديم الأخلاق دخلت هدى إلى حجرة المدرسات وكانت تجلس بها بعض زميلاتها المقربين إليها.
سلوى مالك يا هدهد بتطلعي دخان من دماغك ليه
زفرت هدى بضيق وقالت والنبي سيبيني في حالي يا سلوى دلوقتي.
دينافي إيه يا بت يا هدى بتهري وتنكتي في نفسك كده ليه اوعي يكون المضړوب على قلبه ضايقك تاني
هدى بضيق أيوه يا اختي هو... بني ادم معندوش ډم انسان سمج مش عارفة هو حاططني في دماغه ليه
سلوىمش يمكن عاوز يتجوزك يا جميل
هدى يتجوزني ده لو بني ادم محترم فعلا كان دخل البيت من بابه لكن ده انسان عديم الأخلاق ما لوش غرض في الحلال وحتى لو كان عاوز يتجوزني أنا استحالة أوافق على واحد عينه زايغة بالشكل ده دا بيحب كل ما هو مؤنث.
دينا طيب روق كده يا جميل وسيبك منه خالص ده ما يستاهلش لحظة حزن واحدة منك.
سلوى بقولكم إيه أنا جعانة العيال ولاد الذين دول فرهدوني من كتر الشرح وكل شوية مس يا مس لما هدوا حيلي تعالوا نبعت أي عامل يجيبلنا سندوتشات.
هدى بضحك ېخرب عقلك يا سلوى هو انتي يا بنتي مش بتبطلي أكل لا وإيه ما شاء الله عليكي مش بيبان عليكي خالص.
سلوى هي اللي تتجوز واحد زي جوزي وعندها عيال زي عيالي وكمان بتشتغل مدرسة هيبان عليها ازاي ان شاء الله يا اختي ده كفاية حړقة الډم اللي بشوفها كل يوم سواء في البيت ولا في المدرسة.
في تلك الأثناء دخل أحد العمال حاملا ورقة بيده ثم أعطاها لسلوى وعندما قرأتها لطمت على صدرها وقالت بضيق.
سلوى بضيق قريتي فيها يا هدى يا بنت طنط فاطمة أهو جالي حصه احتياطي عاجبك كده حتى الأكل مش متهنية عليه يا اخواتي ده ايه الحظ المهبب ده والله لو جرالي حاجة هيبقى ذنبي في رقبة وزارة التربية والتعليم.
دينا بضحك معلش يا سلوى بقا أصل انتى الحيطة المايلة بتاعتهم كل ما حد يغيب تلبسي انتي الاحتياطي ههههههههههه.
هدى بس يا دودو ما تولعيش في الدنيا حريقة ما تزعليش يا سلوى من دينا بس بردو يا حبيبتي ما لو عندك شخصية مكنتيش لبستي احتياطي كل شوية ههههههههههه.
سلوى بنرفزة ابو شكلك انتي وهي دا انتم كيادين أوي يا رب اشوفكم لابسين احتياطي السنة كلها.
ثم تركتهم وذهبت لتحضر الحصة
وظلت هدى ودينا يضحكان على اسلوبها الطفولي.
دينابت يا هدى تعالي قوليلي هنا يا جزمة إيه اللي انتي عملتيه ده
هدىعملت إيه يا اختي
دينا ازاي ټموتي البطلة يا قوية يا مفترية
هدى بضحك وانتي مالك هي بطلة روايتي انا ولا روايتك أنا حرة أعمل فيها اللي أنا عاوزاه ههههههههههه.
دينا بقا كده.... يبقى خلاص مش هقرألك روايات تاني وابقي شوفي مين اللي هيشجعك.
هدى والله ما تقدري يا بنتي دا انت مبتقدريش تصبري لحد ما أنزل الفصل وبتقعدي جنبي وأنا بكتب.
دينا بتوسل طيب قوليلي والنبي إيه اللي هيحصل.. مش ھتموت صح عشان خاطري بقا ما تبقيش رخمة.
هدى بضحك بعينك خليكي كده على نارك لحد ما الفصل التاني ينزل بكرا.
دينا والله انتي باردة بس مضطرة استنى أعمل إيه ما انتي بتكتبي روايات حلوة مينفعش ما اقرأهاش ثم صمتت قليلا وظلت تفكر وقالت ولا أقولك أنا أحسن حاجة اخطفك واحبسك في اوضة ضلمة لحد ما تقري وتعترفي بأحداث الرواية.
هدى بضحك هو إيه حكاية الخطڤ ده اللي بقا منتشر حتى في الروايات طب تصدقي جاتلي حتة فكرة بس حلوة أوي.
دينا فكرة إيه يا بت انطقي.
هدى هتعرفي بالليل يا دودو.
يتبع