رواية الكاتبه والفتوه الفصل الرابع والعشرين بقلم إلهام عبد الرحمن حصريه وجديده

على رسول الله 
في المساء كانت تجلس فاطمة مع حمادة يشاهدان التلفاز حينما خرجت هدى من حجرتها وهي مستعدة للذهاب خارج المنزل.
هدىعن إذنك يا بابا أنا خارجة رايحة المشوار اللي قولتلك عليه الصبح.
فاطمة مشوار إيه دا يا هدى وبعدين مفيش خروج دلوقتي إحنا بقينا المغرب.
هدى بإستغرابوإيه المشكلة يا ماما ما هو لسة بدري انتى ليه ما حسساني إننا نص الليل!
فاطمة بس أنا ما أقصدش إن الوقت متأخر أنا أقصد إن الدنيا بقت ليل وممكن حد ېأذيكى أو يخطفك.
هدى پصدمة أتأذي أو أتخطف هو في إيه يا ماما دا معنى كلامك ده إن حياتي هتقف خالص لمجرد إنك خاېفة إني أتخطف اطمني يا ماما أنا محدش هيخطفني ولا حد هيأذيني.
حمادهخلاص بقا اهدوا انتم الاتنين أنا هلبس وأنزل معاكي يا بنتي كدا حلو يا ست بطة
فاطمة اه كدا كويس أهو كدا أبقى مطمنة شوية على الأقل لو اتأخرت يبقى قلبي مطمن إن في راجل بيحميها وياخد باله منها.
هدى بقلة حيلة يا ماما الحامي والحافظ هو ربنا أنا لو مكتوب ليا أتأذي مش بابا هو اللي هيمنع الأڈى دا بالعكس دا ممكن هو اللي يتأذي وساعتها أنا هحس بالذنب يا ريت يا أمي يبقى عندك ثقة شوية فيا وإيمانك بربنا يبقا أقوى من كدا.
فاطمة يا بنتي اللي أنا بعمله أو بقوله مالوش علاقة بإيماني بربنا أنا أم وخاېفة على ضنايا انتى لما تبقي أم هتحسى باللي أنا فيه.
بعد قليل خرج حمادة من حجرته وهو مستعد للذهاب مع هدى.
حمادةيلا يا هدهد أنا جاهز خلينا نخرج.
فاطمةاستنى انتم الاتنين هو حد فيكم عرفني سبب الخروجة دي إيه إن شاء الله ولا هو انتم ما لكوش كبير هنا!
حماده بضحك لا يا عم الكبير ازاي هو إحنا نقدر هدى يا ستي قالتلي الصبح إنها عاوزة تروح تسحب خطها وتجيب تليفون بدل اللي ضاع منها هي كانت ناوية تروح بعد الشغل بس أنا قولتلها تأجلها لما تيجي ونتغدى معاك يا جميل الأول علشان انتى ما تفضليش من غير أكل.
هدى بإبتسامةأظن كدا التحقيق خلاص يا ست الكل ممكن نلحق نجيب الحاجة عشان نرجع بسرعة وما نتأخرش.
فاطمةطيب يا أختي بس أوعوا تتأخروا وانت يا حمادة خلي بالك منها كويس وتمسك إيديها في إيدك أوعى تسيبها لحظة أنا بقولك أهو.
هدى بقلة حيلةهو أنا لسة بيبي يا ماما عشان يمسك إيدي!
حمادةخلاص يا هدى اللي ماما قالت عليه يتنفذ من سكات.
هدىحاضر يا سي بابا ءمري لله يلا بقا إحنا كدا اتعطلنا أوي.
خرجت هدى مع حمادة وذهبا إلى أحد محلات الهواتف المحمولة واشترت هاتفا وسحبت خط جديد بنفس رقمها ثم عادا إلى المنزل فوجدوا مصطفى يجلس مع فاطمة ويظهر عليه الڠضب الشديد.
حمادة السلام عليكم ورحمة الله وبركاته ازيك يا مصطفى يا ابني عامل إيه وأخبار ميادة والأولاد إيه
مصطفى عليكم السلام ورحمة الله وبركاته الحمد لله يا عمي كلنا بخير بفضل ربنا معلش يا عم أستأذنك عاوز أتكلم مع هدى شوية.
حمادة بتفهموماله يا ابني ثم نظر إلى فاطمة وقال تعالي يا فاطمة ندخل جوا ونسيبهم براحتهم.
مصطفىلا يا عمي خليك انت وطنط أنا عاوز أتكلم معاها وانتم تشهدوا على كلامي.
حمادة بقلقخير يا ابني في إيه قلقتني!
مصطفى بحدة وهو ينظر لهدى إيه اللي انت عملتيه النهاردة دا يا هدى!
هدىخير يا أبيه أنا عملت إيه مزعلك أوي كدا مني!
مصطفى بحدةهدى بلاش تلفى وتدوري انتى عارفة انتى عملتي إيه بالظبط