العشق و الآلام " البارت الحادي عشر والثاني عشر بقلم سلمي السيد حصريه وجديده

سلامتك يا مالك .
مالك قام وقف قدامه مباشرة و قال بهدوء مريب أدعي يا سيف أدعي إن الي حصل دا يكون مجرد حاډثة في الشركة أدعي إن أهلي يبقوا كويسيين و لو ليك دخل في الي حصل أدعي إني معرفش .
سيف تقصد اي بكلامك دا .
مالك أقصد الي فهمته .
سيف سكت و مردش عليه و فضلوا كلهم واقفين و كانوا في موقف لا يحسدوا عليه كلهم أعداء بعض لكن جمعهم موقف واحد و بعد دقايق خرج الدكتور من عند كيان و أول واحد كان قدامه هو مالك و سأله بلهفة عنها الدكتور رد عليه و قاله الحمد لله صحة كيان كويسة في ف جسمها شوية چروح لكن كلها سطحية أتخنقت أكيد من الدخان لكن صدرها كويس هو بس كف إيديها الي للأسف أصابه حړق لكن درجته نوعا ما تتعالج و لو عملنا تجميل كف إيديها هيرجع زي ما كان بالظبط .
مالك بقلق طيب هي فاقت يعني ممكن ندخلها .
دكتور أيوه هي فاقت و تقدروا تدخلوا ليها دلوقتي عادي .
ندي پخوف طب و فهد .
بدر و سها بنتي .
الدكتور معرفش عنهم حاجة لسه لكن هشوفهم دلوقتي و أطمنكوا .
بعد ما الدكتور مشي من قدامهم هما دخلوا ل كيان في اللحظة دي كانت كيان بتقوم بتعب ندي راحت عليها و قالتلها بدموع و قلق خليكي يا كيان متتحركيش حضنتها و عيطت و قالت حمد لله على سلامتك .
كيان بدموع الله يسلمك أهدي أنا كويسة و........ سها !!! سها يا مالك كانت معايا هي فين . 
مالك قعد قدامها و قال بهدوء هي إن شاء الله هتبقي كويسة مټخافيش .
أحمد بإذن الله و فهد كمان هيبقي كويس .
كيان بخضة فهد ماله .
ندي بدموع هو و مالك لما عرفوا إن أنتي و سها جوا دخلوا الشركة مالك خرج ب سها و فهد خرج بيكي بس بمجرد ما خرج وقع علي الأرض و أغمي عليه و لسه مفاقش لحد دلوقتي كملت كلامها بعياط و قالت بړعب أنا خاېفة أوي ليحصله حاجة أنا ھموت وراه والله .
أحمد قرب منها و خد راسها في حضنه و قال بحنان بس يا ندي أهدي هو هيبقي بخير و الله هي مسألة وقت مش أكتر .
كيان حطت إيديها علي قلبها و غمضت عيونها و عيطت بصمت و مالك ما زال مشتت سابهم قاعدين مع بعض و خرج و أول مكان راحه هو أوضة سها و فضل باصص عليها من شباك الأوضة الي كان إزاز شفاف و الدكتور كان معاها جوا و معاه ممرض و ممرضة فضل واقف مستني و لاقي الدكتور هيفك طرحة سها ف دخل الأوضة فجأة و مسك إيده و قاله بشدة أنت بتعمل اي .
الدكتور في اي يا أستاذ و ازاي تدخل كده من غير إذن دا شغلي .
مالك پحده أنت مش شايفها محجبة قدامك مينفعش الي هتعمله دا .
الدكتور بزهق قولتلك دا شغلي و أنا عاوز أشوف فيه حروق و لا لاء .
مالك ببرود و الله حضرتك ممكن تطلع برا أنت و الممرض دا و تخلي الممرضة هي الي تشوف و لو لاقت حاجة هتبلغك أو تبعت تجيب دكتورة هي الي تعالجها مش لازم أنت .
الدكتور پحده أنت كده هتعطلني و أتفضل أطلع برا بدل ما ............ .
مالك بدل أنا الي أقسم بالله أشطبك من نقابة الأطباء